جمال الشرقاوى
الحوار المتمدن-العدد: 3730 - 2012 / 5 / 17 - 10:07
المحور:
الادب والفن
ألبوم صور
كل الحياه
دي ذكريات
م فاضلش مننا غير صورة
ألبوم صور
لكل الناس
مليان حاجات
م فاضلش مننا غير صورة
بتعدِّي الأيام صورة ف صورة
و بنضحك لعيون أمورة
بتعدِّي سنين نشتاق لحنين
لمَّا تقرَّب آخر صورة
صحَّانا الموج جوة جزيرة
نتذكر اللي كان زمان
نحاول نقربله كمان
كنا نضحك كنا نجري
و الصورة ف الألبوم بتجري
و لقينا قلوبنا دي مهجورة
ألبوم صور
كل الحياه
دي ذكريات
م فاضلش مننا غير صورة
ألبوم صور
لكل الناس
مليان حاجات
م فاضلش مننا غير صورة
صندوق دنيا و حبيناه
مليان ألاعيب الحواه
العبرة فيه دمعة حياه
نفد صبر الحيلة معاه
لو ذكرى اترفعت من صورة
نكدب على روحنا و نقول
الدنيا دي مخلوقة لينا
و لا بنضعف و لا بنحتار
و انَّ الغيرة مش لينا
و دموعنا دي فينا مأمورة
البوم صور
كل الحياه
دي ذكريات
م فاضلش مننا غير صورة
البوم صور
لكل الناس
مليان حاجات
م فاضلش مننا غير صورة
#جمال_الشرقاوى (هاشتاغ)
كيف تدعم-ين الحوار المتمدن واليسار والعلمانية
على الانترنت؟