العسل المر

عبدالله صقر

الحوار المتمدن-العدد: 3705 - 2012 / 4 / 22 - 09:12
المحور: الادب والفن
    

بكيت عليك يا وطن بأحر دموع

بكيت عليك وأنا شايفهم عاوزين

يطفئوا نور الشموع

أيه اللى بيجرى فيك يا وطن

يا هل ترى أنا بحلم , ولا أنا مخدوع

يا ناس , ما صدقنا تقوم بثورة تأخذ

بأيدينا وتخلع المخلوع

لما بشوف اللى بيجرى , بقيت

أصحى من نومى وعيونى تسح دموع

بقيت يصعب على منظرك يا وطن

موش عاوزينك تكون وطن مشروع

موش عارف هم عاوزين أيه

يمكن عاوزين يعيشونا من ثاتى فى خنوع

بقيت أشك أنهم عاوزينا نتشرد

من جديد ونموع

قربت أكره نفسى , وبفكر أهرب

يا وطن بلا رجوع

بسألك يا وطن هو اللى بيجرى

ده فى صلب الموضوع ؟ !

ولا هم عاوزين يقصقصوا

ريشك وتفضل بلا قلوع

عاوزين يغرقوك يا وطن

ويظل المواطن غرقان ومخدوع

أوعى تلين يا وطن يا أبو قلب

دافى لحسن تبقى فوضى ونجوع

يا وطن يا أبو قلب أخضر , بنخبك

وحبك جوه حنايا الضلوع

عبدالله صقر 21 / 4 / 2012

#عبدالله_صقر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات