جمال الشرقاوى
الحوار المتمدن-العدد: 3698 - 2012 / 4 / 14 - 07:44
المحور:
الادب والفن
قول أبقىَ لك إيه يعني
مش كلمة و بس تريَّحْني
لو انا حاجة غريبة عليك
مش حستناك لمَّا تبعني
و م دُمْت سألتك مقداري
م انا تايهة و حيرانة بناري
و انت م بتردِّش بالمَرَّة
و كأنك بتقوللي احتاري
أحلف بقمر الليل و سماه
أحلف بنور الكون لا سواه
دا مفيش غير حبَّك ضيَّعْني
قول أبقىَ لك إيه يعني
مش كلمة و بس تريَّحْني
لو انا حاجة غريبة عليك
مش حستناك لمَّا تبعني
و انا جنبَك تعشق تعذيبي
و ان غبت بتسأل ليه تغيبي
و لا عشان لسة بجرَّب
الحب جديد و انتَ حبيبي
يا حبيبي كفاية كفاية الآه
الحزن ف قلبي زاد لمداه
و هقولها انا قبلك ودَّعْني
قول أبقىَ لك إيه يعني
مش كلمة و بس تريَّحْني
لو انا حاجة غريبة عليك
مش حستناك لمَّا تبعني
#جمال_الشرقاوى (هاشتاغ)
كيف تدعم-ين الحوار المتمدن واليسار والعلمانية
على الانترنت؟