من ادب الانتفاضة الفلسطينية - هتافات المسيرات والتظاهرات - واحد وعشرون : هتافات وطنية شاملة

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 1084 - 2005 / 1 / 20 - 10:10
المحور: الادب والفن
    

من أدب الانتفاضة الفلسطينية
هتافات المسيرات والتظاهرات
واحد وعشرون : هتافات وطنيه شاملة

وحده وحده وطنيه
حتى ننول الحرية
***************
مطالبنا شرعيه
بدنا دوله وهويه
ارض القدس عربيه
عاصمتنا الابديه
***************
طال الليل وطفح الكيل
يا انتفاضه شيلي شيلي
***************
لانتفاضه بدها تظل
حتى نحصل على الحل
***************
يا انتفاضه اشتدي اشتدي
رغم القسوه امتدي امتدي
***************
بنعلنها بوضوح
التنازل مش مسموح
***************
اسمع اسمع يبو عمار
ما بنتراجع مهما صار
شعبي هب شعبي ثار
والحتميه انتصار
***************

عالشّوارع يا ثوّار
خلّو الدنيا تولّع نار
***************
التنسيق ليش ليش
واحنا تحت رصاص الجيش
***************
لا لا للتنسيق
بدنا نواصل هالطريق
***************
ما بالنسق مع غدار
بضرب بينا ليل نهار
***************
تجاربنا بالتنسيق
جابت النا خوازيق
***************
يلي تفاوض عالفاضي
لا عودة للماضي
***************
مع شارون لا حوار
حتى يرفع هالحصار
****************
العزيمة من حديد
والمرونة ما بتفيد
مطالبنا بالتحديد
دولة وعودة وفجر جديد
***************
نموت نموت وتحيا القدس
والشهادة احلى عرس
***************
بيت المقدس في لعيون
ارحل عنها يا صهيون
***************
الشهيد وصانا
الاقصى الاقصى اقصانا
لاجلو سالت دمانا
***************
فوق الارض وتحت الارض
النا الاقصى واجب فرض
***************
عنا طاقة للصمود
واستعداد مالو حدود
***************
احنا بنرفض لاستعباد
يا حرية يا استشهاد
***************
حتى نواجه هالغارات
ابنو ابنو تحصينات
ملجا امن للحياة
في المدارس والحارات
***************
شعبي تدرب عالسلاح
حتى تواجه لاجتياح
****************
بدنا وحدة يا اخوان
في القيادة وفي الميدان
***************
بدنا نرتب جوا الدار
بدنا نشارك بالقرار
***************
صاح الشعب يا عرفات
بدنا بدنا اصلاحات
في الدوائر والوزارات
***************
بدنا نكافح هالفساد
حتى تنظف هالبلاد
***************
واحنا نواجه هالاعداء
بدنا نوزع هالاعباء
***************
الحرميه الهباشين
جرح بظهرك يفلسطين
***************
قلة تعيش مبحبحين
وكل الشعب محرومين
***************
ناس بتربح ملايين
وناس بتشحد كيس طحين
***************
ناس تقارع لاحتلال
وناس بتجمع بالاموال
***************
قولو قولو للطبيب
الكشفيه منين نجيب
***************
يا اصحاب العقارات
خفو شوية الايجارات
***************
يا مشافي الاستثمار
رحمه رحمه بالاسعار
شعبي عايش بالحصار
***************

يا تجار ويا صناع
كونو معنا عالاوضاع
*****************
ثوابتنا بنعلنها
ابو عمار اسمعها
الدولة اولها
دون القدس لا سلام
دون العودة لا سلام
حرب وعنف لا استسلام
***************
مهما تواجه ضغوطات
اصمد اصمد يا عرفات
***************
يا شارون اسمع اسمع
ما بنخاف ولا بنركع
***************
مطالبنا عالتمام
اساس جديد للسلام
في الشرعيه التزام
والتحقيق في الاجرام
وسحب جيوش الاقتحام
****************
اسمع اسمع يا موفاز
شعبي صامد باعتزاز
ما بهاب الابتزاز
**************
يا نشامى ويا ثوار
بدنا نكسر هالحصار
**************
يلي بترسل تهديدات
وبتحاصرنا بالقوات
ما بترهبنا الدبابات
ولا سلاح الطيارات
شعبي الثائر هات هات
فجر الدولة ات ات
***************
الحرية جايي جايي
وليل الظلم الو نهاية
***************
شعبي ماضي للحرية
رغم الهجمة البربرية
***************
يا ثوار اصطفو اصطفو
عهد الشهداء وفو وفو
***************
عين بعين وسن بسن
والمستوطن بدو يجن
****************
شعبي صمم عالصمود
والحرية بدها تعود
طخ وصوب عاليهود
عالمستوطن عالجنود
***************
شعبي مصمم عالخلاص
ضرب حجارة وطخ رصاص
***************
يا ياسر بلغ شارون
هذا وطنا واحنا هون
***************
يا شارون وينك وينك
وابو علبة خزق عينك
***************
ابو علبة حيو حيو
واللي عملو ما في زيو
***************

ابن العيزر كلب كبير
بهددنا بالتدمير
شعبي الثائر سير سير
واعطي درس للحقير
***************
انت وجيشك يا شارون
مثل بيت الشعشبون
***************
اشتعلي اشتعلي يا نيران
حتى كنس الاستيطان
***************
بدنا نقاطع لاستيطان
في الزراعة وفي البنيان
بدنا نقاطع يا اخوان
منتوجات الاستيطان
***************
علو الراية فوق فوق
وامشو يالله نشق الطوق
***************
نابلس يا جبارة
صرخة شعبك هدارة
انت الام وانت البي
نبض الثورة فيك حي
قولي قولي لشارون
يا حثالة هذا الكون
هذا وطننا واحنا هون
قبر يوسف حررناه
والمستوطن رحلناه
***************
بوش الابن يا دجال
وحد وحد هالمكيال
**************

كولن باول يا خسيس
دم العرب مش رخيص
***************
وينك وينك يا عنان
وين حقوقو هالانسان
***************
ضمير العالم اصحى وفوق
احنا شعب الو حقوق
***************
يا حكام العروبة
ارض العرب منهوبة
فلسطين مسلوية
***************
بكفي بكفي استهتار
شبعنا شجب واستنكار
***************
وين العرب وين وين
عنهم الله يخزي العين
من مراكش للبحرين
اغلقوها السفارات
واقطعوها العلاقات
***************
يا عرب يا مسلمين
بدنا طرد الملاعين
كل السفرا الصهايين
يا قادتنا في عمان
بدنا جيوش مش خرفان
***************
يا اصحاب الجلالة
بكفيكو نذالة
***************
بلد الاقصى والقيامة
بلد العزة والكرامة
صاحت فيكو يا زعامة
وين النخوة والشهامة
***************
يا اصحاب الفخامات
بكفي الامة اهانات
بدنا قمة قرارات
تحمي شعب البطولات
وتردع جيش العصابات
***************
قدس العرب ما بنبيع
دم الشهداء ما بيضيع
كل العار للتطبيع
***************
مشاريع الامريكان
حلف جديد للعدوان
***************
يا سوريا جدّ الجد
للمتغطرس حطي حد
***************
بدنا رد يا بشار
عشارون هالغدار
يمسح عنك هذا العار
***************
يا صهيوني ليلك زائل
احنا الحق وانت الباطل
لاجل الوطن بدنا نقاتل
لانتفاضة بدنا نواصل
حتى نحقق حل العادل
***************
مهما تقتل مهما تحاصر
ارض الوطن ما بنغادر
***************

يا شارون ويا شمعون
بدنا دولة لا كنتون
***************
ابن العيزر يا خنزير
صار الوطن سجن كبير
***************
الحقوق ما بتضيع
بالحصار والتجويع
***************
شعبي انتفض كالبركان
ويلك منا يا سجان
***************
يا احفاد النازيين
ما انسيناها دير يأسين
من رام الله لجنين
جرائمكو مسجلين
حسني مبارك وابن حسين
دعم العرب وينو وين
***************
دم الشهدا فينا صاح
بدنا نقاوم بدنا سلاح
بدنا نوجه هالسفاح
***************
الثار الثار الثار الثار
ردوا ردوا يا ثوار
دم الشهدا بغلي نار
الموت الموت ولا العار
***************
يا قيادة يا كبار
استعداد واستنفار
لا تهاون واستهتار
دم العشرة شعل نار
شو اللي جرى شو اللي صار
يا شهيد ما بننساك
انت القدوه للي وراك
***************
لاجل عيونك يا ايمان
شعبي تفجر كالبركان
***************
بنت الشعب يا ايمان
انت ضحيه للعدوان
***************
وينك وينك يا عنان
وين حقوقو هالانسان
***************
يا صهاينه يا اوباش
ما بنخاف ال اف 16
والاباتشي والرشاش
***************
يا صهاينة يا لئام
ما بنوقع لاستسلام
ولا بنكس هالاعلام
عالمذلة ما بنام
ذوقو ذوقو هالالام
النا حق الانتقام
*****************
يا شارون الارهابي
لانتفاضه غلابه
مهما تقتل مهما تحاصر
ارض الوطن ما بنغادر
***************
يا انتفاضه سيري سيري
لعبة متشيل لعبه كبيرة
يا ميتشيل اسمع اسمع
توصياتك ما رح تنفع
كيف الحجر زي المدفع
ميتشيل شوّه بالقضية
ساوى المجرم بالضحية
***************
يللي تناور عالفاضي
ما بنعود للماضي
***************
اعلناها اعلناها
لانتفاضه بدنا اياها
***************
يا احفاد النازيين
ما انسيناها دير ياسين
من رفح لسخنين
جرائمكو مسجلين
***************
شعبي انتفض كالبركان
ويلك منا يا سجان
شعبي اعلن شعبي قال
ما بنهاب الاغتيال
***************
من غزه لرام الله
زمن الخوف راح وولى
والتحدي فينا تجلى
***************
جبل النار اعلنها
يا محتل اسمعها
هبة اقصى واستقلال
حتى دحر الاحتلال
***************
وحدة شعبي هي هي
لا تعصب لا فئوية
المسيرة وحدوية
حتى دحر الصهيونية
***************
خندق واحد بجمعنا
غاصب واحد بقمعنا
***************
وحدة وحدة يا ابطال
حتى دحر الاحتلال
الموت الموت للانذال
لادوات الاحتلال
***************
بدنا حملة يا اخوان
ضد الخونة والاعوان
***************
بدنا حملة تصفيات
ضد العملا والادوات
***************
بدنا نقول بعالي الصوت
حكم العملا هو الموت
***************
الخاين والسمسار
اشنقوه عالدوار
***************
بدنا نعلق عالدوار
روس العملا ليل نهار
***************
شعبي الثائر دوس دوس
عالمستعرب والجاسوس
***************
العميل اعتقلوه
بالسلاسل كبلوه
***************
سلم نفسك يا عميل
قبل يزورك عزرائيل
نعفي عنك مستحيل
ما بتحميك اسرائيل
يقظه يقظه يا ثوار
جيش العملا باستنفار
**************
المستوطن بدنا نزيلو
من موراج حتى شيلو
ومن كديم حتى جيلو
***************
شعبي تمرس بالكفاح
صار الحجر بيدو سلاح
دم الشهدا فينا صاح
القدسيه للارواح
***************
لانتفاضة والتفاوض
منهج واحد لاتعارض
***************
جيش الغازي ارحل عنا
انت غريب في موطننا
***************
قسما قسما يا شهيد
عن اهدافك ما بنحيد
****************
دم الشهدا بنادي
حب الوطن عبادي
***************
المجد المجد للشهداء
للي ضحو بالدماء
فلسطين شوفي شوفي
شهدا الوطن بالالوف
***************
فلسطين اوعي تبكي
انت المجد عنك بحكي
***************

لفّو الشهدا بالاعلام
واعطوا عهد الانتقام
***************
زفو الشهدا ياثوار
وحطو الطلقه ببيت النار
***************
طفل استشهد ليش ليش
قتلو اغتالو رصاص الجيش
***************
شهيد استشهد واحنا بدربه
حب الوطن جوا قلبه
***************
ياشهيد ما بننساك
انت القدوه للي وراك
***************
دم الشهدا روى الارض
فدا الوطن فدا العرض
***************
الشهيد وصى وقال
شدو الهمه يا رجال
النضال النضال
حتى يزول الاحتلال
***************
دم الشهدا فينا صاح
بدنا نقاوم بدنا سلاح
بدنا نواجه هالسفاح
***************
وحدة وحدة لا انقسام
حتى ننجز هالمهام
***************
شعبي حيي غزة هاشم
علي صوتك ما بنساوم
***************
لعنة اللعنة عالصباح
لعنة شعب ما بتنزاح
***************
للنضال للنضال
حتى يزول لاحتلال
لاستقلال لاستقلال
ما بنرضى لاحتلال
حكم الذاتي يا ابطال
داسو شعبي بالنعال
*************
لاستقلال فجرو آتي
ما بنرضى حكم الذاتي
***************
يلي بدك استقلال
اقرن قولك بالافعال
***************
مطالبنا يا قيادة
لاستقلال والسيادة
***************
لاستقلال اعلنا
في الجزائر وقعنا
واحنا اليوم اكدنا
الدولة هدفنا
***************
المهم يا رجال
كيف نجسد لاستقلال
كيف نكسر هالاغلال
***************
صيحو وقولو يا اخوان
الدولة مش اعلان
***************
شعبي اليوم موحدين
على الدولة مجمعين
يا حكام تل ابيب
شمس الحق ما بتغيب
فجر الدولة صار قريب
امل الشعب ما بخيب
***************
حقي شرعي وشعبي اصيل
غير الدولة مالي بديل
غير العودة ما لي بديل
***************
حقي عادل لاجلو بقاتل
وجود الغاصب كله باطل
***************
اسمعونا يا جنود
لانتفاضة بدها تعود
عنف الشعب بدو يسود
***************
يا جنود الاحتلال
قتلتو النسوة والاطفال
ليل الظلم مهما طال
بدو يزول لامحال
***************
انسحاب انسحاب
جيش الموت والارهاب
***************
كل الحق النا هون
والمحتل هو شارون
***************
قولو للمجرم شارون
احنا رفضنا هالكانتون
لازم يعرف كل الكون
هذا وطننا واحنا هون
***************

شعبي حطّم هالقيود
والحرية بدها تعود
***************
جيش الغازي ارحل عنا
انت غريب في موطنا
***************
هذي البلد بلدنا
جيش العدا شردنا
للحرية تجندنا
والشهداء عاهدنا
****************
وطني وطني روحي فداك
طول العمر ما بننساك
***************
جد الجد وعنا الرد
ارادة وقوة ما الها حد
نظل نقاوم هذا عهد
غاصب بلدي يطلع طرد
***************
صيحو وقولو يا اخوان
لا تهاون لا اذعان
***************
قوى السلم والحرية
الكم منا الف تحية
قولو قولو للفاشية
هذي الارض عربية
***************
للمستقبل للاجيال
لاجل البسمة للاطفال
لا فاشية ولا احتلال
***************
راية شعبي ارفعوها
فوق القدس ثبتوها
قوى السلم وحدوها
ضد الظلم جندوها
***************
دم الشهدا فينا صاح
لانتفاضة النا سلاح
دم الشعب مش مباح
للمستوطن والسفاح
***************
نموت نموت وتحيا القدس
والشهادة احلى عرس
***************
شعبي تحرك شعبي ثور
هدمو المسجد هدمو الدور
يا محتل عنا غور
للمستوطن ارضي قبور
***************
جيل تعلم علم جيل
كيف نقاوم اسرائيل
الخضوع مستحيل
العنوها اسرائيل
دولة قامت عالتنكيل
***************
استعداد استعداد
حتى نواجه هالاوغاد
يا متحكم بالعباد
يا مستوطن بالبلاد
ارحل عنا يلا غاد
احنا ضحايا الاضطهاد
ايدينا اليوم عالزناد
***************
طال الليل وطفح الكيل
يالله يشعبي شيلو شيل
شدو العزم وشدو الحيل
بدنا نحطم هالقيود
لانتفاضة بدها تعود
***************
عزيمتنا ما بتهتز
مهما الغاصب فينا ابتز
***************
يالله يالله يا شعبي
بدنا نطور هالهبه
خلو النار مشتعلة
في المدينة والقرية
***************
احنا شعب البطولات
ما بترهبنا الهراوات
***************
يا باراك اسمع اسمع
نجوع نموت ولا نركع
***************
شعبي تمرس بالكفاح
صار الحجر بيدو سلاح
دم الشهدا فينا صاح
القدسية للارواح
***************
لانتفاضة والتفاوض
منهج واحد لا تعارض
***************
يا باراك خذ العبرة
هبة شعبي زي الجمرة
اسحب جيشك يالله بره
هذي الارض لقمة مرة
***************
نابلس يا جبارة
صرخة شعبك هالدارة
عاش صمودك حوارة
اشتعلي اشتعلي يا نيران
حتى كنس الاستيطان
***************
بدنا نقاطع لاستيطان
في الزراعة وفي البنيان
***************
بدنا نقاطع يا اخوان
منتوجات الاستيطان
***************
هيا هيا للنضال
ضرب حجارة وحرق عجال
***************
قمة قمة فورية
يا امتنا العربية
***************
هبة أقصى واستقلال
حتى دحر الاحتلال
***************
شعبي رد ياشارون
فجر باص في دارون
***************
لاجل عيونك غزة هاشم
شعبك اقسم انو يقاوم
جيوش العدا بدنا نهاجم
***************
شعبي حيي غزة هاشم
علي صوتك ما بنساوم
***************
رمز العزة يا غزة
فيك الشعب بعتز
قلوب العدى تهتز
***************

شعبي أعلن شعبي قال
ما بنهاب الاغتيال
دم الشهدا مهما سال
بدو يحقق لاستقلال
***************
مصر العرب حيو حيّو
والتضامن ما في زيّو
والصهيوني يحرق بيّو
**************
ام الدنيا انت يمصر
وانت معنا يهل النصر
***************
ارض الهرم ارض النيل
ما بتهادن اسرائيل
***************
ناصر وصى المصريين
اوعو تنسو فلسطين
***************
يا عرب يا مسلمين
بدنا طرد الملاعين
كل السفرا الصهايين
***************
من باراك لشارون
كلب وغير بس اللون
***************
عيد ودم دم وعيد
والالام عم بتزيد
شعبي الصابر يا عنيد
عن اهدافك اوعى تحيد
دولة وعودة وجر جديد
***************
يا انتفاضة سيري سيري
شرم الشيخ لعبة كبيرة
شرم الشيخ ما بلزمنا
والتهديد ما برهبنا
***************
القرار بايدينا
وللحرية هبينا
***************
لشرم الشيخ لا تلتفتو
والتلاحم هذا وقتو
***************
حطو الشرم بالتابوت
لانتفاضة ما بتموت
***************
حطو الشرم جوا النار
بدنا نكمل هالمشوار
***************
حطو الشرم عالسكين
شعبي صامد ما بلين
***************
حطو الشرم عالببور
يا عنان يا طرطور
***************
دوسو الشرم بالاقدام
وسيرو سيرو للامام
***************
دوسو الشرم بالنعال
بل كلنتون يا دجال
***************
بل كلنتون يا بغداد
تمختر عنا عالسجاد
اعطى دعمو للاوغاد
للمستوطن بالبلاد
***************

امريكي يا مستعمر
ما بننسى ولا بنغفر
***************
خندق واحد بجمعنا
هدف واحد بدفعنا
وغاصب واحد بقمعنا
***************
لانتفاضة بدها تظل
حتى نحصل على الحل
***************
مهما بيبي جوعنا
وبالحصار هددنا
ما بنوقف طريقنا
والدولة هدفنا
***************
هددونا بالحصار
وقالو بنوقف لانتشار
شعبي هونا كله اختار
انتفاضة تحرق نار
***************
يا احزاب وتنظيمات
بدنا منكم مهمات
عمليات عمليات
صيدو صيدو الدوريات
***************
حيو بطال العمليات
ارادة وعزم وتضحيات
حيو سامح وبشارات
حيو المدني وعبيات
****************
حيو البطل سعادة
وامشو بدرب الشهادة
*****************
كيف وليش نتوقف
ودم الشهدا ما تنشف
*****************
كولن باول جايي جايي
اضربوه بالصرمايي
****************
الارهاب والعدوان
بحظى بدعم الامريكان
****************
ارفع راسك يا شعبي
دولة صهيون مرتعبي
****************
احرقوها بالبنزين
منتوجات المحتلين
***************
احرقوها بالنيران
منتوجات الاستيطان
***************
يا مستورد يا وكيل
انت بتدعم اسرائيل
كل بضاعة الها بديل
من اسواقنا بدنا نزيل
***************
يا كبار الوكلاء
بكفي خدمة للاعداء
***************
بدنا نخسر لاحتلال
بالارواح وبالاموال
اقتصاد المحتلين
بربح منا ملايين
***************
بدنا نقاطع يا اخوان
منتوجات الاستيطان

بدنا نقاطع لاستيطان
في الزراعة وفي البنيان
****************
يا بلدية جبل النار
بدنا رقابة عالتجار
بسوق الفاكهة والخضار
***************
يا بلدية ويا تموين
رقابتكم منتظرين
على الحسبة والدكاكين
بدنا تحطو قوانين
تحمو فيها المنتجين
***************
يا سلطة يا اخوان
بدنا نعيش بامان
حطو حد للزعران
*****************
هذا نتيجة لانفلات
والقانون لما مات
*****************
اللي تواطئ واللي تستر
مجرم سافل ذنبه اكبر
ما بترهبنا لاغتيالات
سلطة وشعب وتنظيمات
****************
لاغتيال ما برهبنا
والمصاعب بتوحدنا
****************
يا سلطتنا قولي قولي
المقاومة عمل بطولي
***************

علو الراية علوها
وايد القاتل شلوها
الايادي شدوها
عالبارود خلوها
***************
صوت الوطن بنادي
شدو يالله الايادي
***************
الشهيد وصى وقال
خلي سلاحك للقتال
حتى تواجه لاحتلال
*****************
الشهيد صاح صاح
لا تستعرض بالسلاح
*****************
رصاصك غالي وروحي اغلى
بالسلاح لا تتسلى
******************
لاستعراض ليش ليش
خلي رصاصك على الجيش
*****************
الصهيوني دون الناس
بدو دق على الراس
****************
شعبي عرفك يا شارون
نافخ حالك كالبلون
*****************
للصهيوني سياسات
اغتيالات وتصفيات
****************
لا اجتماعات لا اجتماعات
مع بيرس والعصابات
**************
شعبك بنده يا رئيس
اوعى تقابل هالخسيس
****************
الضحايا بالمئات
نادو نادو يا عرفات
ارفض هذي اللقاءات
*****************
بدنا نوصل للختيار
ايدينا وايديك جوا النار
وقّف وقّف هالحوار
مع بيريس هالغدار
*****************
يابو قريع ويا عريقات
ليش بتجرو لقاءات
****************
اللقاء ليش ليش
واحنا تحت رصاص الجيش
***************
لقاءات مسرحية
للتعتيم عالفاشية
***************
يا بيريس يا دجال
وقف وقف لاغتيال
***************
للقيادة بدنا نقول
انتفاضة على طول
**************
حتى نحقق لاستفلال
وحتى نزيل الاحتلال
***************
النا الحق في النضال
حتى نزيل الاحتلال
****************
الحرية بالتعبير
أول خطوة للتحرير
وقمع الشعب ما بيصير
******************
سري نسيبة اسمع منا
ضب لسانك وابعد عنا
*****************
سري نسيبة يا بن انور
حق العودة هو الاخطر
*****************
اوعى تقايض حق بحق
والا راسك راح يندق
******************
من بلاطة هبت نار
فكو فكو هالحصار
****************
يا بلاطة الشهداء
انت الرمز للعطاء
**************
يا بلاطة يا بركان
صدي صدي هالعدوان
***************
في الياسمينة والقريون
ما رح نركع يا شارون
*****************
يا شارون يا جزار
مهما جرى ومهما صار
ما رح نقبل بالجدار
الشجاعة بالقرار
اسحب جيشك من هالدار
شعبي هب وشعبي ثار
ما رح نقبل بالاسوار

النار النار النار النار
تحرق جيشك يا غدار
*****************
يا كرمية شدو الحيل
سور الواقي بدو شيل
***************
الطريق للحرية
مش بخريطة امريكية
***************
هذي خطة امنية
لضرب الوحدة الوطنية
***************
يابو مازن يا عباس
تع تفرج شوف الناس
احنا شربنا مر الكاس
وما رح نركع للانجاس
***************
يابو مازن ما تعبناش
دم الشهدا مش بلاش
***************
يابو مازن رايح وين
انت اليوم تحت العين
***************
اسمع اسمع يا دحلان
امن الغاصب ما بينصان
قبل نحرر هالاوطان
قبل يوقف هالاجرام
***************
يا عباس ويا بو قريع
حق العودة مش للبيع
***************
يا عباس لا تنسى
****************
يا اركان الNGOS
اوعوا تصيروا ارجوز
****************
يو اس ايد يو اس ايد
في رقبتنا اخطر قيد
****************
يا رئيس الحكومة
خطة بوش ملغومة
اسمع اسمع انكل سام
ما رح نقبل بالاوهام
****************
اسمع اسمع يا عباس
امن الشعب بالاساس
****************
سرّي صرّح سرّي قال
انسوا العودة يا اجيال
ردوا ردوا يا ابطال
نار ولعنة عالدجال
****************
يا دعاة الاستسلام
يا انذال يا اقزام
****************
يا زعيم الامريكان
انت الحامي للعدوان
****************
يا عباس ويا دحلان
تعوا شوفوا لاستيطان
كيف استفحل بالاوطان
تعوا شوفوا هالجدران
كيف بتخنق هالانسان
****************

#خالد_منصور (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات