علي حسين كاظم
الحوار المتمدن-العدد: 3616 - 2012 / 1 / 23 - 16:06
المحور:
الادب والفن
حذاب
أدري الوكت جذاب
وأدري السوالف وحشة ليل مخنوكه
بألف وسفه
وأدري الحلم شهكة دم
مذبوح بحلم أزرك
زود ونين الليل
ودك بالجرح صوبين
وي وحشة كآس
غركان من أمس!
ولك غركان ياليل أمس
او جم مره أكلك فز.
مامش صوت
مامش فجر
والعمر مثل البواجي أنجر
وشاطي الحجي سنطه يمر
مامش
مامش
خرابه الروح
والدنيه وحشة ليل
من شيب العمر يكثر
ويهل الموت
وماتسمعني بعيونك سهر
ولك جذاب
وأرد أكلك ولك جذاب
يل نواعيرك تصب للغير
وتخاتل عيوني البجت صبير!؟
عالجرفين
بين الحلم واللوعه
علي حسين كاظم
كندا
#علي_حسين_كاظم (هاشتاغ)
كيف تدعم-ين الحوار المتمدن واليسار والعلمانية
على الانترنت؟