إلى ملازم الشرطة ..... كلب الصيد

سليمان الزهيري

الحوار المتمدن-العدد: 3556 - 2011 / 11 / 24 - 14:06
المحور: الادب والفن
    

كلب صيد منزوعه منه الإنسانية
إضرب على العين الشمال
وإكتب نهاية الظلم جوه التمثيلية
جدع يا باشا .......
الطلقة صابت عينه والآهات قوية
ماشي بينزف زي ما يكون فرخة داخت
والدم نازل منه يشبه للضِحية
جدع يا باشا ........
الطلقة صابت عينه بس القلب شايف
الجرح يفتح سجن ... ويحرك قضية
ويخلي روح الثورة زي الطلق حامي
بيهز غصن الوجد في أرواحنا الأبيه
خليك في صف السلطة واقف زي ما انت
كلب الصراية وعبد جوا الأبعادية
شوكك يخربش مصر ويصيبها ف عينيها
الآهه تجري خسارة البطن اللي شالت
والحسرة مية نار بتنتف ريش جناحك
تشبه سلاحك .......
تشبه لريح الغاز .....
لأحوالنا الردية
جدع يا باشا .........
الطلقة صابت مصر ف عينيها الشمال
علشان نبوس إيد حسني ونبوس إيد جمال
ونقول يا ريت يا مصر ترسي في أي مينا
حتى ان يكون الدبح في أولادك حلال
جدع يا باشا ......
دورك خلاص أديته وبكل اجتهاد
وقضيت خلاص ع الظلم وقضيت ع الفساد
وقضيت ع اللي ما نيموش مصر في خريطتك
وعلى المطاوي السارحة في رقاب البلاد
جدع يا باشا .......

#سليمان_الزهيري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات