من ادب الانتفاضة الفلسطينية - هتافات المسيرات والتظاهرات - رابعا : شعارات من اجل اللاجئين

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 1037 - 2004 / 12 / 4 - 09:44
المحور: الادب والفن
    

من أدب الانتفاضة الفلسطينية
هتافات المسيرات والتظاهرات

رابعا : شعارات من اجل اللاجئين

صهيوني يا مستعمر
ما بننسى ولا بنغفر
********************
يا حكام اسرائيل
عن العودة لا بديل
التوطين مستحيل
********************
التوطين مش رح نقبل
لاجل العودة احنا بنعمل
********************
ما بنتعب ولا بنكل
حتى العودة علينا تهل
********************
بنقسم هون باليمين
لا تعويض ولا توطين
حتى ترجع فلسطين
********************
محتلين مجرمين
سرقو ارضك فلسطين
********************
تعلمناها من سنين
الاسكان اخو التوطين
********************
يلي تحطو مشاريع
حق العودة ما بيضيع
ارض الوطن ما بنبيع
**************
المخيم للشرفاء
رمز الثورةو العطاء
إحنا بنرفض لاستزلام
وما تعودنا لاستسلام
********************
ديرو النار بها لخيام
وعدو العدة للصدام
*************
زمن الذل ولى وراح
والتصميم اقوى سلاح
********************
وطني وطني ما بننساك
روحي ودمي كله فداك
********************
قولو قولو لعنان
حق العودة للاوطان
حق مقدس للانسان
ما بتقادم بالزمان
********************
ضمير العالم اصحى وفوق
احنا شعب الو حقوق
********************
حيو معنا حسني بلال
خالد اسمه للاجيال
لما استشهد النا قال
ليل النكبة مهما طال
فجرو قادم لا محال
********************
احنا قلعه للصمود
احنا مخزن للبارود
والسلام ما بسود
اذا اللاجئ ما بعود
حذار حذار يا جماهير
التامر علينا كبير
********************
بل كلنتون يا دجال
وحد وحد هالمكيال
الكوسوفي حقو نال
واحنا الليل عنا طال
********************
حيفا ويافا رملة ولد
ارض ولادي اب وجد
ارض القدس زي اللد
لاجل العودة بدنا نعد
********************
لازم تعرف اسرائيل
عن العودة لا بديل
********************
عهدا منا للجماهير
لاجل العودة احنا نسير
*******************
إحنا اصحابك فلسطين
ما بنوافق عالتوطين
********************
احنا الثورة احنا النار
احنا فتيل الانفجار
اسمع اسمع يبو عمار
بدنا العودة للديار
عنا العزم والاصرار
********************
رغم الهجرة والتشريد
عن العودة ما بنحيد
********************
في المهاجر والشتات
في الصحاري والجنات
رغم النكبة والحسرات
فجر العودة آت آت
برد الخيمة علمنا
غالي كثير وطننا
ابو عمار اسمعنا
لا سلام من دوننا
***************
الوكالة بدنا تظل
حتى نحصل على الحل
***************
بكفي بكفي تقليصات
زيدو زيدو الخدمات
**************
دم اللاجئ روى الأرض
فدا الوطن فدا العرض
********************
جوا الخيمة حفظنا درس
العودة العودة العودة وبس
********************
التاريخ دون سطر
في المخيم غضب تفجر
ابن النكبة مهما تمرمر
عارف دربه ما بتغير
********************
بدنا نعود بدنا نعود
بالحوار بالبارود
اسمعونا يا يهود
لانتظار الو حدود
********************
العنوها اسرائيل
دولة قامت عالتنكيل
جيل تعلم علم جيل
كيف نقاوم اسرائيل
لاستسلام مستحيل
********************
المفتاح بيدي سلاح
رمز العودة والكفاح
حنين اللاجئ للأوطان
نار بتغلي كالبركان
**************
قولوا قولوا لخالد اسلام
شعبي صاحي ما بنام
********************
اسمع اسمع يا رشيد
غير العودة ما بنريد
********************
يا رشيد المستشار
التعويض ذل وعار
حق العودة للديار
ما بتقدر بالدولار
********************
لا استقرار ولا هدوء
ومعظم شعبي في اللجوء
********************
سري نسيبة اسمع منا
ضب لسانك وابعد عنا
**************
سري نسيبة يا بن انور
حق العودة هو الاخطر
**************
اوعى تقايض حق بحق
والا راسك راح يندق
سري صرح سري قال
انسوا العودة يا اجيال
ردوا ردوا يا رجال
نار ولعنة عالدجال
**************
يا دعاة الاستسلام
يا انذال يا اقزام
**************
يا عباس ويا بو قريع
حق العودة مش للبيع
**************
يا عباس لا تنسى
ملايين في المنفى

#خالد_منصور (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات