قصة قصيرة جديدة

جميل عزيز محمد

الحوار المتمدن-العدد: 3436 - 2011 / 7 / 24 - 08:30
المحور: الادب والفن
    

التايهه
قصة قصيرة جدا بقلم : جميل عزيز محمد

كان أثر الخبر شديدا على أبي كريمة التنكجي فقد كان ما يصل إلى ورشته الصغيرة من المزابل الباذخة أكثر وأجود أنواع التنك . هو لايدري كيف حدث ماحدث .
- العركة قوية وشديدة " قالها أبو جليل الجايجي . " يكلك صار مكاطف القوا طي والبطالة الفارغة لبو موزه "
- " شلون وليش ؟ والنوب إبطاله ."
- " لا يا أخي استغفر الله . لا يروح بالك زايد . البطالة يكولون ماي شعير . زين للحوالب . يسمونها (دلستر )
- مو مثل ذيج اللي أبالك . يكولون إسلامية . مو حرام ."
- نشبت المعركة بالقناني والعلب الفارغة لآن بعضها مملؤة أو نصف مملؤة .
- " أكو وي الزبالة خبز بلحم ودوك . كلشي ما بيه . يعني ينوكل ." قال أبو جليل مستغربا .
- " خبز بلحم ودوك بالزبالة ." لارد الحصار وأيام الحصار . هسه تنكلب الدنيا ."
- " يسمونه بيتزا ولحم بعجين ."
- " هو هاذه سبب العركة ؟" قال التنكجي .
- " الوادم تتراكض من الفجر كبل الجلاب والبزازين . نوبات العركة وي الجلاب ." قال أبو الجاي .
- " وكلها على البزيزة والدوك ."
- " البيتزا ولحم بعجين ." قال أبو الجاي مصححا .
- " لهسه ما شبعوا ." صار تسع سنين ؟" قالها التنكجي .
- " الجوه شبعوا لكن البره بس يسمعون بيها ."
- " جا ليش الشرطة خذ تهم ." استفسر التنكجي .
- " كسروا جامة سيارة من ذنني السود الواكفات سطر ."
- " هاي اليسموها التايهة ."
- " التاهو . التاهو . مو التايهة . بس أنا وأنت ظلينا تايهين ." قلها الجايجي بحسره .
- " مثل هاي اليركب بيها ابن سنية المطوعة ."
- " أي ذ نني اليوكفن يم المدرسة الجبيرة المابيهة طلاب !! "

#جميل_عزيز_محمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات