محمد السعيد أبوسالم
(Mohamed Elsaied Abosalem)
الحوار المتمدن-العدد: 3433 - 2011 / 7 / 22 - 03:30
المحور:
الادب والفن
واحشتنى البدله الكاكي,
والله لافديكى بدمايا يا بلادى,
هشيل سلاح لو اضطريت,
وارجع للكفاح من جديد,
انا بحب الثوره السلميه,
وثورتنا بيضا برغم دم الشهيد,
لكن لما الاقي العسكر بيستغفلنى,
يبقى لازم اناضل من جديد,
انزل واملا الميادين,
ولما ألاقيه بيدارى على الظالم اللعين,
وبيساعد النظام اللى بيموت انه يقوم,
يبقى لازم ارجع من جديد,
وألبس الكاكي,
وأحارب الظالم الاناني,
الكاكى اللى كان كفن الفلاحين,
وعمال النهضه الاشراف,
جاي شويه نصابين,
بيقولوا انهم ابطال,
وبمجلسهم بيتحكموا فى الاقدار,
يبقى لازم اخرج يا بلادى,
والبس من جديد الكاكى,
وأعيد الحريه لرفاقي,
وارويكى بدمى,
وتعيشي يا بلدى من جديد ..
#محمد_السعيد_أبوسالم (هاشتاغ)
Mohamed_Elsaied_Abosalem#
كيف تدعم-ين الحوار المتمدن واليسار والعلمانية
على الانترنت؟