الشيزوقيراطيه هى الحل

حسن يوسف عبد العزيز

الحوار المتمدن-العدد: 3396 - 2011 / 6 / 14 - 08:43
المحور: كتابات ساخرة
    

يصرخ الاستاذ على الخواجه وقد لقب بهذا اللقب لان عينيه زرقاء مثل الاجانب وقد نفث دخان شيشته بعيدا فى الهواء والقى بالجريده على الطاوله
هو كل واحد معاه قرشين محييرنو فى البلد يعملو حزب
لم ينتبه احد الى ما قاله فقد اعتاد مرتادو الغرزه منه تحدثه مع نفسه اثناء قراءته للجريده لكن جعيدى وهو اكبر تاجر بهايم فى قريتنا وفى القرى المجاوره سحب كرسيه وجلس بجوار الاستاذ على
هو ايه حكاية الاحزاب اللى بتقول عليها دى اخذ يشرح له الموضوع ويستخدم مصطلحات مستعصيه على الفهم هكذا كان اسلوبه دائما فى التحدث مع الناس لكى يبين لهم انه الوحيد الذى يفهم وانهم اغبياء
ساله جعيدى وهو يتناول منه لى الشيشه
هو يعنى اى واحد يقدر يعمل حزب
رد عليه على
اه اى واحد يا سيدى هو مقر للحزب وشويه توكيلات تجمعهم من الناس يبقى عندك حزب وتطلع فى التليفزيون والراديو والجرايد
بدا على وجه جعيدى ملامح الفرحه وصرخ فى صبى الغرزه
كوبايه شاى يا ولا لعمك الاستاذ
فقال له بتناكته المعتاده خليها سحلب انا لسه شارب شاى
اخبره جعيدى انه يريد عمل حزب فاخذ الاستاذ على يعيد عليه الشروط بالتفصيل
قال له جعيدى ما حدش هيساعدنى فى الموضوع ده الا انت وانا معاك من جنيه لمليون بس انت متاكد من حكايه طلوعى فى التليفزيون دى
رد عليه اكيد طبعا بس الاول نتفق على تسميه الحزب وبرنامجه
رد عليه جعيدى اعمل اللى انت عايزو انا كده كده مش هفهم فى الحاجات دى وعلى راى المثل ادى العيش لخبازو
شعر الاستاذ على بانه وقع على صيد ثمين وانه لابد ان يستغل الفرصه التى واتته
عاد الاستاذ للحديث بص احنا لازم يكون حزبنا غير كل الاحزاب يعنى هتلاقى احزاب دينيه وليبراليه واشتراكيه احنا حزبنا هيبقى شيزوقيراطى
ارتفعت شفتى جعيدى لاعلى حتى التصقت بمقدمة انفه الكبيره وبدا عليه التعجب ولم ينطق الا بكلمه واحده هى الشيز البتاعه اللى قولت عليها دى حاجه حلوه
رد على وهو متافف من منظر فم جعيدى المفتوح على اخره اكيد حاجه حلوه وكمان محدش عمل حزب شيزوقيراطى قبل كده انت اول واحد
انتشرت حكايه حزب جعيدى الشيزوقيراطى فى انحاء القريه واستقبل كثير منهم الخبر بالسخريه لكن الموضوع اخذ ماخذا جديا حين علق العمال الذين جلبهم جعيدى من المدينه اليافطه على مقر الحزب
لم يعد هناك حديث فى البلد الا عن حزب جعيدى كان التساؤل الذى يشغل الجميع معنى كلمه شيزوقيراطى التى يوصف بيها حزب جعيدى
كانت فرصه حمدان غريم جعيدى ومنافسه فى تجاره البهائم تحدث الى جمع من الناس فى منزله الشيزوقراطيين دول استغفر الله العظيم بيعبدو البهايم والبقر ردد وراءه الناس استغفر الله يا راجل هو فيه ناس كده
رد احدهم اه فيه ناس كده طاب ايه رايكم انى شفت جعيدى موطى قدام البقره فى الزريبه وشكلو بيصليلها
فى نفس واحد قال الجميع استغفر الله
قام واحد من الجمع احنا نسال الشيخ عاشور امام الجامع اهو راجل حامل كتاب الله
انطلقو جميعا الى دار الشيخ عاشور يتقدمهم حمدان
جلسو فى المندره وحينما توجهو بالسؤال للشيخ عاشور سكت للحظات ثم مصمص شفتيه المنتفختين وامتد بطنه للامام هكذا عادته قبل التحدث
الشيزوقراطيين دول عالم كفره وبيعبدو اى حاجه بتدب على الارض الواحد منهم بيتجوز امو اختو خالتو عمتو ماعندهمش دين ولا مله
بدأت الهمهمه من جميع الحاضرين وابتسم حمدان بخبث ووجه حديثه لهم
مش قلتلكم
بدأ كلام الشيخ عاشور ينتشر فى القريه بسرعه البرق ووصل الحديث الى مسامع جعيدى والاستاذ على وفى اجتماعهم سويا فى مقر الحزب قال جعيدى بصوت غاضب
انت لازم تشوفلى حل فى موضوع الشيزقراطى ده لاما نغير الاسم
الاستاذ على كل حاجه ليها حل ما تخافش والاسم مش هيتغير انا بكره هتكلم مع الناس
جعيدى انت سمعت كلام الشيخ عاشور يعنى هم هيصدقوك ويكدبو مولانا
الاستاذ موضوع مولانا سهل اوى هى ديتها عزومه وجوزين حمام على كرتونتين فاكهه وممكن نضحى حتى بخروف ياخدو معاه وهو مروح وكلامو هيتغير
جعيدى هنشوف انا همشى ورا كلامك لما نشوف اخرتها الشيزوقراطيه بتاعتك
بدأ الاستاذ على يتحدث الى الاهالى موضحا معنى الشيزوقيراطيه
الشيزوقيراطيه دى يعنى كل واحد من اهل البلد يبقى معاه قيراط مبانى يبنى عليه بيت لعيالو وقراريط ارض يزرعها
بدا البعض مقتنعا بكلامه لكن ظلت كلمات الشيخ عاشور تقف حائلا دون اقتناعهم الكامل
فى خطبه الجمعه وقف الشيخ عاشور وبعد ان حمد الله وصلى على الرسول اخذ يتحدث الى الناس الذين يملئون المسجد عن اخره
فيه لغط كتير حوالين حزب الحاج جعيدى وحوالين الشيزوقيراطيه بتاعتو انا كنت قلتلكم كلام مش كويس على الكلمه دى انا بعترف انى كنت جاهل ومش فاهم وقتها معنى الكلمه لكن لما رجعت لكتب التراث ودورت عليها لقيت انى الشيزوقيراطي هو الانسان المتمسك بدينه القابض عليه كالقابض على الجمر يعنى الصحابه رضى الله عنهم والتابعين والمشايخ الاجلاء كانو اصلا شيزوقيراطيين
وبدا الناس يمصمصون شفاههم وهم يقولون الله عليك يا مولانا الله يفتح عليك يا شيخ
همس جعيدى فى اذن الاستاذ على جوزين الحمام جابو نتيجه عال
ضحك الاستاذ على وقام منتفضا مخاطبا الاهالى
الشيزوقيراطيه هى الحل
الشيزوقراطيه هى الحل
وهتف كل من فى المسجد خلفه
الشيزوقيراطيه هى الحل

#حسن_يوسف_عبد_العزيز (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات