هل توقف سعالنا ؟

عزيزي د. يونس
هل أنت متأكد أنك لا تريدنا أن نربط بين النكتة وموضوع المقالة؟ برأيك ما هو الدواء الذي يحتاجه نوابنا وحكومتنا؟
تحياتي

إرسال شكوى على هذا التعليق          56 أعجبنى             المزيد-الاشراك   

---

تحياتي دكتور ,, لم يتبقى سوى ثلاثين يوماً من المهلة ,,, ليس من باب التشاؤم ولكن من باب قراءة الأحداث ,, 100 أسبوع او 100 شهر بإلإمكان ان يضع العراق ارجله على الطريق الصحيح ثمّ نبدأ ؟
من المستحيل بهذه التشكيلة وبهؤلاء النواب ان يكون تغيير في العراق مهما حاول المتفائلين ان يقولوا عكس ذلك وهم يعيشون في الغرب ويكتبون من وراء الحاسوب ,, ليس الخبر كالعيان سيدي ,, البعرة تدل على البعير والأثر يدل على المسير ,, هؤلاء أبعد الحكام على ان يحدثوا خير او تغيير في العراق ,, لا بل من سابع المستحيلات ,, هناك رأي ضعيف أو خيط يقول هذا الرأي ان المالكي سوف لن يبقى لنهاية عام 2011 ولكن ما هو البديل الطائفي او التوازني او المحاصصة حتى في كرة القدم ثلث شيعة وثلث سُنّة وثلث اكراد ؟؟ ما هو رأيك
مع التقدير

إرسال شكوى على هذا التعليق          99 أعجبنى             المزيد-الاشراك   

---

العزيز يونس حنون المحترم
شنو هل غيبه ولا غيبة الم.....يعلى كل حال كنت قد قدمت اقتراح للسيد ابو اْسراء باْن يتم قطع 1سم من العضو التناسلي لكل مسؤول او وزير او نائب عن كل يوم تاْخير من مدة المائة يوم المقترحه والظاهر ان الجماعه لا يهمهم فقدان هذا العضو المهم بسبب كونه دون
فائده لهم ...اليوم هنا عيد الحوت العالمي ...تحياتي ومحبتي للجميع
ملاحظه باقي للمده اربعون يوم ستستغل للطم على فاجعة العضو

إرسال شكوى على هذا التعليق          55 أعجبنى             المزيد-الاشراك   

---

ماكو أحلى من الشعب النايم !!!ا حيث الهدوء والسكينة والأنبطاح !!!ا
والليالي الملاح وبالأفراح !!!ا ولينعم أبو السبح بالهناء ليستطيع بعده النباح !!!ا
وشكرا يا دكتور يونس على هذا المقال ونتمنى لك النجاح !!!ا

إرسال شكوى على هذا التعليق          49 أعجبنى             المزيد-الاشراك   

---

اخي , ابو السبح ديقره مقام الطويرجاوي وابوذية وصلت النه وما ننطيهه ومرتاح ومتونس واذا الشعب يلح زايد تره يرجعلنه صولاغ برينة وابو الاتاري والكتكوت متحضرين والكواتم تارسه الساحة . اشو بزمان المرحوم الباشا جان المظاهرات من زاخو للفاو ومن الزعيم زيد البنزين جم فلس الدنية انكلبت ! اشو هسه الكل مرتاحة لان المهم اكو لطمية وصور المعممين تارسه دوائر الدولة

إرسال شكوى على هذا التعليق          56 أعجبنى             المزيد-الاشراك   

---

مرحبا دكتور....الموضوع ليس كم باقي من المهله وماذا سيحدث بعدها، الموضوع هو بعد انتهاء المهله بأي عام ميلادي باثر رجعي او هجري اصح!!! العراق سيكون؟؟؟؟؟؟؟؟؟؟؟؟؟؟؟؟

من الظلم ان نصب اللوم على حكامنا فقط!!!! لأنه احنا قبل كنا نتمنى يتغير الحاكم حتى يصير براسنا خير، تغير الحاكم ومصار شي، اني اشوف يادكتور هسه الدور اجا حتى نغيير الشعب !!!
بللا ماتسويلنا استفتاء ونشوف من وين نجيب شعب- اني من هسه عن نفسي رأيي هو نستورد كم شخص اصلي ياباني !!! مو تكول غصونه تريدهم يابانيين علمود الشبه!!! لا والله بس هذوله مجربين ومضمونين وبيهم وورنتي!!!! اخاف يعطب واحد بيهم هو رأسا يخلص على نفسه !!!! شايف شلون ملاعين!!! اواااااااااااااادم

تحياتي وشكرا على النكته ضحكوا منو ابو باجر

إرسال شكوى على هذا التعليق          104 أعجبنى             المزيد-الاشراك   

---

الظاهر يا استاذنا العزيز أنه أبو اسراء قد نجح في توزيع قناني المسهل لكل المتظاهرين والمعتصمين وقد تجرعوها مع علمهم انها ليس دواء للكحة والآن لن تجد من تسول له نفسه أن يكح لا في ساحة التحرير ولا في ساحة ام الكروم ولا باب الطوب
إلا من راحو يكتفون بالوقوف في ساحة التحرير ورفع الزهور والغناء عن حال الكهرباء والهتاف ضد المحتل وهاي تشبه الضرب في الميت وغدا سيتم تذكيرهم أيضا بأن الضرب في الميت حرام مع التلويح بقنينة لدواء أقوى و أشد مرارة و سوف يكفون أيضا حتى من الضرب في الموتى مثل مشكلة الكهرباء و الأحتلال و البطالة و غيرها من المشاكل التافهة.

إرسال شكوى على هذا التعليق          47 أعجبنى             المزيد-الاشراك   

---

السلام عليكم اخي الدكتور يونس
وشكراً على هذه المقالات التي كما يقول العراقيين ( تطلع دود من القلب) عزيزي واخي لقد سألت خلال مقالك عن المدة المتبقية من المئة يوم
واقول لك من تاريخ 5/5/2011 باقي 30 يوما- بالتمام والكمال
وهل تعتقد ان المالكي سيصدق بوعوده كلا والف كلا فهو الكذاب الاشر

إرسال شكوى على هذا التعليق          60 أعجبنى             المزيد-الاشراك   

---

عندنا مثل عامي نحن العراقيين يقول: أن الاخ يكح شيلمان. للذي يطلق الوعود الكبيره وهو لايقدر على ابسط الامور.
اضنكم تريدون انت تتوقف الحكومه عن كح شيلمان الخدمات.
أو أنكم تقصدون أن -الصدر-يين مصابين بنزلة برد ويكحون شيلمان وراح يطردون امريكا من واشنطن؟
وبما ان جنابكم طبيب فوصفة المسهل تبدو عظيمه ونافعه,
ولو أني اقترح دوه دود !! للشعب مو للحكومه هذه المره, لأن لو مابينه دوده ما انتخبنه هيج حشرات مره ثانيه, مع اعتذاري للجميع.
تحياتي

إرسال شكوى على هذا التعليق          120 أعجبنى             المزيد-الاشراك   

---

تحياتي دكتور يونس
الاحبة المشاركين
بلحقيقة ان من يستحي يخاف يكح حتى ما !!!! اما اذا كان ميستحي اصلا شلون راح يبطل؟هذا من جانب اما بخصوص العطوة مو مشكلة ياخذون عطوة فد 100 سنة شنو يصير يعني عادي اهم شي لازم الشعب يشد حيله ويعيد انتخابهم مرات . هذا المضحك المبكي
دمتم

إرسال شكوى على هذا التعليق          52 أعجبنى             المزيد-الاشراك   

---

عاين يدكتور---- الشعب جم جرح مفتوك
والوطن ماظل بيه عدل---بس الذي يبوك
المهم دكتور حزب اشدعوة باقي بالسلطة

إرسال شكوى على هذا التعليق          63 أعجبنى             المزيد-الاشراك   

---

بداية تحياتي لك ياعزيزي د. يونس حنون
صدقا لا تلم لا أبو السبح ولا البارزاني
ولا أبو عمامة أوباما ولا الطالباني
ولا من في العراق مسلما كان أو نصراني
فالكل في الهوى سوى حتى جيراني
ولكن الشاطر من يسأل ويدين أول جاني
ألي مسخ عقل العرب والكرد والفرس والتركماني
* * *
منذ ألف وأربعمائة عام والكل تيتي تيتي
مثل ما رحتي جيتي لاخلاك تعمر ولا خلاني
سلب ونهب وتكفير وقتل ماهو حقاني
والمصيبة يقولون هذا شرع ألله
وليس شرع إبليس وشيطاني
شرع يحلل الزنى بالسما
بس بالأرض يحرمة ويرجم الزاني
فشلون يا دكتور تضمد جرح
وما ليس منطقي ولا عقلاني
أنت تدري الجرح والألم
عقلي وروحي نساني
والمسخرة بالوطن
نستني حتى أصلي ووجداني

* * *

إرسال شكوى على هذا التعليق          65 أعجبنى             المزيد-الاشراك   

---

اخواني واخواتي..اريد افتهم على شنو ذابحين روحنا نريد نجلق المالكي؟؟؟ليش اكو ببالكم واحد من الموجودين على الساحة السياسية بالعراق يكدر يجي بمكانه ويقدم للبلد برنامج مختلف؟؟..عمي هاي انتو صدك مصدكين ان الخراب بالعراق راح كله ينزال بمجرد ما نخلص من هذا الغبي؟؟..يعني ممكن تكونون مقتنعين ان المالكي وجماعته هم فقط حجر العثرة الوحيد في طريق بناء العراق..او ان المتظاهرين في ساحة التحرير قادرين على احداث التغيير المطلوب؟؟..عمي العراق ديدور بالساكية مثل الثور المعصوبة عيونة..وكلها تفرهد باسمه..ناس باسم الوطنية..وناس باسم الطائفة..وناس باسم القومية..لمة مال بلشتية..بس اريد اعرف منو من هذولة اللي ديطلع المظاهرات؟؟منو منهم عنده تاريخ مشرف حتى ديطلع راسه ويتظاهر؟؟؟؟؟؟؟؟؟؟؟اشو ايديهم كلهم مغمسة بدم العراقيين..وكلهم ماضيهم وحاضرهم مجلل بالعار..وبقاءاي واحد منهم على الكراسي كفيل بضياع مستقبل العراق

إرسال شكوى على هذا التعليق          45 أعجبنى             المزيد-الاشراك   

---

عزيز دكتور يونس
النكتة مالهه علاقة بالموضوع ولا إللي راح أكولة
من وعيت للدنيا إلى هسه مشفت واحد بكل الحكومات إذا مو يومية يشرب مسهل ويكح
وبكل مكان .... لعد ليش دائماً نكول حكومة خـ ...... حشا اليقراها
أما الميت يوم صحيحة ... وماباقي منهه غير 99 يوم و23 ساعة و59 ثانية والحساب عندك
مو هذولة مؤمنين ... ويقصد اليوم حسب الزمن الإلهي ... لو مجنت تعرف
يعني لتخاف ... الأمل موجود بس خللي يكون عندك صبر بس شوييييييييييييية ..... مو أكثر من هل 99 يوم وملحقاتها ..... وإذا مصار شي أزين شاربي

إرسال شكوى على هذا التعليق          53 أعجبنى             المزيد-الاشراك   

---

أيها الأحبة
تأملوها، حكاية من واقعنا المُبكي المُضحك
مع محبتي واعتزازي


احد الاطفال العراقيين رجع من المدرسة تعبان وجوعان، فبادر الى سؤال امه :
ماما شمسويه غده؟
الام :ما عدنا كلشي، حرام .
استاء الطفل كثيرأ فنظر الى الببغاء في القفص المعلق في وسط الغرفة فقال:
ماما لعد سويلنا ببغاء وية (تمّن)؟
الام : ماكو (تمّن) ,
زين ، ببغاء بالفرن؟
الام : ماكو غاز
الطفل: زين سويلنا ببغاء مقلي!
الام : ماكو زيت
زين لعد سويلنه ببغاء مشوي بفرن الكهرباء
الام : ماكو كهربا!
عندها نهض الببغاء نافشا ريشه رافعاً منقاره الى أعلى
صادحا بأعلى صوته :


تعيش حكومة المالكي

إرسال شكوى على هذا التعليق          59 أعجبنى             المزيد-الاشراك   

---