قالو منحبك

محمد فادي الحفار
كاتب وباحث في العقائد والأديان
(Mohammed Fadi Al Haffar)

الحوار المتمدن-العدد: 3346 - 2011 / 4 / 24 - 17:26
المحور: كتابات ساخرة
    

قالو منحبك
قلنالهم كلمه كبيره وصعب تنقال من برى قلبك
قالو صنعلنا الكرامه والعزه وخلى الماضي يتبكبك
لا وليد ولا تليد ولاحضارة الاف السنين بتلبقلك
لبشار نخلق المجد وكل تاريخ أمتنا قبله كان مجعلك
حبكوها وضاع ماضينا وصرنا بحاضر مفبرك
كرمال بشار نسفوا التاريخ وصار هو سوريا وبعلبك
اسد من عيلة اسود واهلك ياشام خوريف تستهلك
وبلادنا صارت ضيعتهم وشامنا على صدرهم مشبك
لك ياحيف على هيك زمان للرجال فيه بتهتفلك
من فقرها يمكن ومن ظلم بطانتك أنا بقلك
او من طمعهم بعطاياك الكريمه من كيس اهلك
لك فلجت الناس انت وابوك وخليتهم مامسح تمسحلك
وقلت للغرب انك الراعي والحامي أي على مهلك
عن اي حمى عم تحكي وانت دباح ناسك واهلك
اذا احسنت تقنعهم بأرهابنا فهات قنعنا نحنا احسنلك
حارتنا ديقه وبنعرف بعض ولاتشرحلي بشرحلك
الارهاب بطبعكم وطبع نظامكم يلي اخترعه عفلق وورثلك
سوريا بلد الاديان والطوائف وعلى قلب واحد الحب فيها تشبك
شبكه من التاريخ جمعت اهلها وجايه تنسبها لحالك وتتزحوك
أي اسمعها مني وفكر منيح بلكي بتصحى وبيخف جهلك
وخود العبرة من صحابك قبلك مبارك وبن علي أسترلك
ولا تبلش تحفر قبرك بإيدك وتقول طائفيه ومخربين وتتفزلك
وارجاع للشعب بعيد عن قرابتك ابن خالك وعمك اشرفلك
لنحبك وقتها من كل قلبنا وندافع عنك ونهتفلك

#محمد_فادي_الحفار (هاشتاغ)       Mohammed_Fadi_Al_Haffar#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات