يوميات شباب 25 يناير في ميدان التحرير الجزء السادس

فيروز أمين

الحوار المتمدن-العدد: 3287 - 2011 / 2 / 24 - 22:49
المحور: الادب والفن
    

كُلنا خالد سليم
عارفين الحكاية إزاي بدأت ؟
شباب الفيس بوك قاعدين ورا النت
الكل يقول رأيو بصراحة
مهو مفيش رقابة
جيل بقالو سنين بيحلم يعلي الصوت
شباب رافعين شعار
كُلنا خالد سليم
جيل قدر يبرئ نفسو من كل الاتهامات الباطلة
اللي كان بيقول عنهم :
الجيل ده جيل نايم
ومش فاهم
واللي يقول :
جيل مُش قادر يِعَبر
ولا يقرر
معندوش أي إهتمامات غير الكورة والأغاني الهابطة
الريس لحكومته
دي حماس شباب فاضية
رافعين شعارات هايفة
كلها يومين وكلهم يرجعوا وإيديهم فاضية
زي المثل يقول إيد ورا وإيد قُدام
همَ فاكرني بن علي
أهرب أول ما أسمع صوت بيعلي
ويطالبني بالرحيل
ده مُستحيل
الشعب إنتفض مع الشباب
الدُنيا قايمة
والناس على وجوها هايمة
تنادي بالريس بالرحيل
وتطالب لمصر بالاستقلال بعد ستين سنة من الاستقلال
عجوز مُش فاهم ويسأل :
يا ولادي خدوني على قد عقلي وقولولي
هو إحنا مُش طلعنا اليهود والانكليز من مصر
الشباب أيوة
العجوو يسأل طيب المظاهرة دلوقتي على مين ؟
الشباب :
المظاهرة النهاردة على إبن البلد اللي باع البلد
خطاب الريس
ححل الحكومة القديمة
وحكلف بتشكيل حكومة جديدة
أوعدكم مش حترشح تاني للرئاسة
شباب 25 يناير
قالو للكذاب إحلف .......
الريس
جا لي الفرج
شباب 25 يناير
عايزين الجوهر يتغير
مش بس الوشوش تتغير
ما الحكومة الجديدة هي نسخة من القديمة
هم َ الفرع وإنتَ الأصل يا ريس
كفاية لحد هنا وبس
الريس
صدقوني وسبوني
أكمل الشهور اللي فاضلينلي
ما إنتوا عارفين العمر فاضلو كام سنة
متخلونيش أقضيها في غربة
مي :لسنا حنستنى شهور !!!!!
الريس
ما أنتو بقالكو سنين صابرين
مُش قادرين تُصبروا علي يومين
مودي: الجيش فين الجيش ؟
عشان يحمينا من الشرطة والأمن
يأتي الجيش وينسحب الأمن

المتظاهرون
أهلاً أهلاً بجيشنا يا فخر مصر
إحمي ولادك من ولاد مصر
دمك يا جيشي يجري بدمي
حط إيدك بإيدي عشان نحمي مصر
يلا يا جيشنا حقق لينا النصر
الجيش
النظام
النظام مُش كدة يكون الإعتصام
القرضاوي ينادي
إرحل يا مبارك وأعصم دماء أبنائنا
كفاية اللي ضاع من عمرنا
حرام عليك وإتقي ربنا
البلطجية
عايزين الريس وإحنا بنحبوا
مش عايزين غيروا
هو ريسنا وحبيبنا
وهو بس اللي فهمنا
إنتوا إيه عشان تقرروا بدلنا
مين إنتو عشان تتكلموا بإسمنا
شباب 25 يناير
من بلطجيتك مش خايفين
ومن مكانا مش ماشيين
لو عايز خاطر جمال
إهديلوا سيارة وموبايل
بس مش معقولة تهديلوا شعب ووطن
الوطن مش ورث
يورثوو الأب للإبن
الحكومة تعلن الآتي
صدقونا جمال مش حيرشح نفسو
يا هوووووووووو
آية : قال للكذاب إحلف ........

الرأي الدولي
ندعو الى ضبط النفس
وعدم إستخدام العنف
شباب تونس
شباب مصر وتونس فخر الأمة
القادة العرب
هؤلاء الشباب مُمولون من جهات خارجية
يستغلون الشباب لأجل تغيير هويتنا العربية
الريس
أنا أنا أنا وبس
أنا الريس أنا الحاكم العسكري
أنا الآمر أنا الناهي
محدش هيقدر عليه
أنا قاعد مش ماشي
الأخ محمود : أعوذ بالله من كلمة أنا
شباب 25 يناير
إنت بتحلم إنت ماشي ماشي
بمزاجك حتمشي وغصب عنك حتمشي
مصر اليوم تنادينا
وتنادي دمنا
حفديكِ يا محروسة بدمي وروحي
ومش حبخل عليكِ تاني بروحي
فداكِ أبويه وأمي وولادي
وكل عزيز وغالي
المرادي بجد مش هزار
أيامك بقت معدودة يا جزار
هيلاري كلنتون
الديموقراطية شريك مش تهديد
والحكومة المصرية لازم تؤمن بحرية التعبير
وتستجيب لمطالب الشعب بالتغيير


أحمد : شُفت يا ريس حلفائك اللي عشانهم بعت شعبك
هم نفسهم اللي باعوك و إتخلو عنك
يا اللي بعت عشانهم المحروسة
ورقتك عندهم بقت محروقة
الشعب
نحلم بإنتخابات حرة ونزيهة
بهدمة نظيفة
وشغلانة شريفة
بعيشة كريمة
ولقمة هنية
بصورة جديدة غير القديمة
الريس
حعيش وأموت في مصر
شباب 25 يناير
كفاية مراوغة وإتكلم بصراحة
فيق بقى من جنون العظمة

أحمد: صح النوم يا فرعون
الجيش
يا أبناء مصر حافظوا على النظام
يا جماعة مش كده يكون الاعتصام
كل واحد يروح لبيتوو
مفيش فايدة هنا تبيتوو
د. البرادعي
حقبل بالرئاسة المؤقتة بناءا على رغبة الجماهير
ولا نقاش ولا حوار
حتى يبدأ مبارك بالرحيل
عادل : كتر خيرك يا مديرسابق لوكالة الطاقة الذرية الدولية
وفرها لنفسك تصريحاتك الخيالية
الإخوان
نحن لا نسعى للمصالح
ننادي مع ولاد البلد للتكاتف
المعارضة
نريد حكومة إنتقالية
ونريدها آنية
عمرو موسى
مستعد لخدمة مصر
تحت اي ظرف
و الحكومة الانتقالية
لازم تفكر أولا وأخيراً بمصر
مش مصالحها الذاتية
أُوباما
لا بد لمبارك أن يتنحى فوراً عن السُلطة
الريس
أصل أوباما طيب النية
مُش فاهم الثقافة المصرية
هو فاكر السُلطة والرئاسة مهلبية
أسيبهالهم كدة وبحسن نية ؟
ممثل الإخوان
يعلم الله أننا لا نسعى الى السلطة
قناة الجزيرة
توووووووووووووووووت
قناة العربية
هنالك أحزاب وكتل معرضة
تريد التسلق على أكتاف الشباب
شباب 25 يناير
لا أحزاب ولا معارضة
لا أخوان ولا علمان
قضيتنا مُش للبيع
صوتنا هو اللي حيتسمع وبس
مش عايزين حد يطلع حس
قاعدين مش ماشيين من ميدان التحرير
لحد ما نقرر المصير

من النهاردة محدش حيتكلم بدلنا
أو يقرر بدلنا
ولا حد حيطلع على قفانا كفاية خلاص فهمنا الدرس
التاريخ مش حيتكرر معانا
محدش حيوقف في طريقنا
ومحدش حيسرق مجهودنا ودماء شهدائنا
كفاية خلاص فهمنا الدرس
ثورة عملها شباب
مات وإتجرح فيها شباب
سلطة حيقودها شباب
وأي واحد يحاول يبقى دكتاتور تاني حنوقفلو بالمرصاد
نحلم ببكرة يكون فيه شمس ودفا
كفاية نقنع نفسنا ونقول كدة رضا
غيرنا يسبح في النعيم
وإحنا نغرق في السقيم
نحلم ببكرة يكون فيه هوا نظيف
مُش حكومة تانية زي حكومة أحمد نظيف
نحلم ببكرة مَفيهاش مُخبرين ولا مخُربين
بنفسنا وببلدنا عايزين نبقى فخورين
نحلم بيوم نبطل فيه نحلم
الريس
أحلف بشرفي مش حرشح نفسي للرئاسة
ومش حخلف ورايا وراثة
شباب 25 يناير
قالوا للكذاب ...........
الجيش
حافظوا على النظام
المتظاهرون
يلا يا جيشنا يا فخر
يلا قرر
وحقق معانا النصر
قرر دلوقتي
إنت معانا ولا معاهم ؟
الجيش
أنا مع مصر
ولابد من الحوار
شباب 25 يناير
الرحيل الرحيل
غير الرحيل
مفيش بديل
الريس
حعيش هنا وأموت هنا
وعلى جثتي حتخدوا الكورسي
واللي مش عايزني هو اللي حيمشي
شباب 25 يناير
إحنا مش حنمشي إنت اللي حتمشي
حتمشي يعني حتمشي
بمزاجنا حتمشي
غصب عنك حتمشي
ومهما ظُلمك يطول
حنخلعك يا غول
قاعدين مش ماشيين
لحد يوم الرحيل
أصل نفسنا طويل
عادل : إرحل يا ريس وخد سليمان والراجل اللي وراه بإيدك
الجزيرة
توووووووووووت
العربية
مرة مع الرأي المناهض لمبارك
ومرة مع الرأي المؤيد لمبارك
حتى لا تلاقي نفس مصير الجزيرة

********************

شباب 25 يناير يواصلون الاعتصام في ميدان التحرير
مش حيرعبهم لا حجارة ولا رصاص أو جمال وحمير
الشباب طلعوا على المساجد والكنائس
نادوا بالمآذن ودقوا أجراس الكنائس
قوم يا مصري صح النوم
النهاردة آخر يوم
مصر محتاج منا وقفة
تعالوا نشد الهمة
يلا يا جيشنا يا فخر مصر
يلا قرر وأعلن النصر

#فيروز_أمين (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات