-خيبة-

محمد علي محيي الدين
كاتب وباحث

الحوار المتمدن-العدد: 3247 - 2011 / 1 / 15 - 20:15
المحور: الادب والفن
    

هم وسگم...
ليل وظلم...
ما بيه حلم
تيهنه حتى الناس ضيعنه العرف زود الزلم
سگم بسكم
لا دله بوجاغ المضيف ولا عشيرة اللي تلم
لا ضحكة بشفاف الزغار ولا أمل بين ولا حتى بحلم
چم دوب أهم..
چم نوب أغني ولا صده وچلماتي متروسه هظم
والروح عاجنه الألم والقهر فاطمهه فطم
چم دوب أحن...
والروح عاصرها القهر لا عن ولا هيه تعن
چم دوب يا دوب العمر
لا هيل أنثره بكل كتر
لا سچه وامشيها العصر
چم دوب أمر
والگيك ذاك أنته الغفه ويحلم بتغيير العصر
ويحچيلي أمثال وشعر
ويشرحلي بفكر الفكر
وحتمية التاريخ وآمال العمر
وأفكار وأحلام شكثر
ما چن عمرنه اللي گضه بس نلهج أشگال الفكر
والدنيه ما خذها الجزر
ولا مد أجه وبيه نبتشر
وأدريبك الصيهود لو چلت مراديها الزلم
وأدريبك القناص لو نيشن فلا يجبر عظم
وأدريبك وأدري آنه بيك ولا تهم
چم دوب نگضي بالهظم
الوادم تحوش أورود وأحنه لا نحوش ولا نلم
نتنومس بطاريك والطرواك حبينه العمر
نتنومس بماضيك وأحلام المحبة اللي تمر
ونگللك أحنه على العهد ..وانگلك أنته أأمر أمر

#محمد_علي_محيي_الدين (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات