صوت الحقيقه / مهداة للصديق الشاعر عريان السيد خلف

حامد كعيد الجبوري

الحوار المتمدن-العدد: 3224 - 2010 / 12 / 23 - 23:49
المحور: الادب والفن
    

(كثيراً ماتسائلت لماذا سميَ عرياناً وأزعم أنني أهتديت لذلك)

برد دم القصيده ولاذت أبسده
درت صاحب بخت وبكصِته الوجدان
أجته أمفرعه وتنخت أبجده
مكشوفه أعترضها وطبت الديوان
مهضومه أعتـنـتله أبارح وترجِف
أمتيها أبحورها ومرجرَج الميزان
جسَاهه أبصايته وتدفت أبشته
سترها أبغيرته وتتشكر العريان
*****
رضاعَة قواطي الباعت وقُبضت
لادين اليحدها ولانسل عربان
يتربات الآصيل ويامضيف أجواد
الحد كطع النفس ماباعو الأوطان
شفناهه الضواري أمهذبات الناب
تذب لحم الغزال وتاكل الأنسان
يبن طيب الفرات ودهلة النهرين
يبن دجلة الخير التروّي كل عطشان
يربان القصيده الباعته الدنيه
ولا باع الضمير أبعِزة الأثمان
ضِكت خُبز العراق وغزرت الملحه
شك ساس الشعر وتعله بالبنيان
شد أيدك لخوتك لم أصاويبك
أبصوارم جلمتك يتشيم التعبان
ياطبع النخل لو عَـمَر أيعلي
يحلّي تمرِته أشما يحلب التربان
*****
سولفها أعلى كيفك وأحجي طك أبطك
ياصوت الحقيقه الحُجه والبرهان
أحجيها أبرَهاوه وكشّف المغلوك
أبكشَه لاتظن يتشلـَه الغركان
سولف للعجايز تروّي َللأطفال
يسمعها الزمان ويحجي كل ألسان
مذبوح الوطن لاشارب أرجفلََه
لاجتف اليدخِن لادمع نسوان
مو تربات أهلنه اليمشي راك الراك
ولا طلكَت معسرَه وترضعلهَا أهدان
جاوينه اليشلها أيجوح المجروح
وعلى نغط الوطن تتفازع الشبان
زلمنه أبعازة النخوه وهوسة العشرين
يحلِف بالتُـرك مايحلف أبقرآن
على ساعه ونبط ويفيض عرج الغيض
حيدر زاح خيبر من دحَه البيبان
أذا نام النهار أبيوم هم يغبش
ويرد نور الشمس ويضوّي كل أمجان
*****

#حامد_كعيد_الجبوري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات