الكل واااكل وشارب مبطرخ وحامد..عمال بيشكر فى الرياسه والزعامه..

فتحى غريب أبوغريب

الحوار المتمدن-العدد: 3176 - 2010 / 11 / 5 - 23:56
المحور: الادب والفن
    

دكتور وترزى..
دساتير بلاد..
خبير أفصل..
فى قانون أوسع ,
وأعمل لوايح كمان تفرقع..

خبير وأعرف من غير ما أقطع
مقاسات قانون.. بألميزان والدراع

فصلت فروه وقلت ..
أمشى وراك بطبله..
لكن جنابك ..حوالين قصورك
أمن وعساكر..

وألكل فيها.. واا كل .. وشارب.
دا مال قارون دوبك يكفى.
جرنال وشاشه أخر بشاشه
ومصوراتى ومليون إذاع..
وبدل نخاسه وبدل مصاع..

والكل شاكر وحامد..
قايم ونايم عمال بيشكر..
الزعيم والرئيس الوحيد فى البتاع..
وأسمع بألغصب عنى ..هوالبطل
هو الامل.. وهو الحكيم الشجاع
حسيت كأنه الاله,
وأحنا القطيع الغلابا العبيد الجياع.

قلت أنت شاعر وكاتب..
أجرب أخدلى طبله فى طابور المطاع
قول للشهامه قول للكرامه
الفين سلام وأكتب عليها وداع..
وكفايه عمرى وزمانى اللى ضاع..

بألميكرفون وبأعلى صوتى..
أهتف وأزمر
حلاوه بلدنا إللى صبحت مشاع
كتبت يافطه بتلعن
أبو شعب زالطه القطيع الرعاع
قالولى أسمك أنا قلت طاطا
قالولى أكتب
كتب أسمى طويل شويه
أنا قلت طاطا الكبير
وطاطا فيها الغنى والفقير
وطاطا فيها اللى عمره ماطاطا
وطاطا فى قاموس الحكومه..يعنى عطاطا
ترفع دماغك تعملى كاتب
تعملى شاعر تعمل معارض
دا يبقى ناوى رحله
فى سجون الضياع..
قالولى : رجعت تانى
تعال والحق حكومه.. منافق..وسيدى موافق
تعال أطرش لنا كلمتين,
وإحلف بحكمه أخينا ولو بألصباع..

رحت لصابر جارنا
اللى ساكن فى قبر فاضى
كان هتيف فى نادى..
فى حزب الاعادى
أديه جنابه باع هدمته,
من الهتاف لما جاع..
طالبونى أكتب غناوى,
أنه البطل وإنه الشجاع..
وكله عشان أمن زالطا ومالطا,
فى زمان الضياع..
أخر كلامى
طرطر بناسك سيدى علينا
وأحنا غلابا وظيفتنا بس... نبوس ايادى
سموك عليك الاوامر
وإحنا علينا السماع
ولما تغور بألبطانه
يبقى كفايه ..عمر البلد اللى ضاع..
************

#فتحى_غريب_أبوغريب (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات