إلى شباب المغرب,والشمال الافريقى أغنى...

فتحى غريب أبوغريب

الحوار المتمدن-العدد: 3171 - 2010 / 10 / 31 - 23:14
المحور: الادب والفن
    

تسلم ياسيدنا ..
ياتاج المغاربه من الاندهاش
حقيقى سمعت عظمتك
مو ..زى البشر
وحاشيه جنابك ناهبه المغاربه
وعماله تسرق رغيف المعاش,

شباب المغاربه ضايعه وعطالا
لاينفع فيها المؤهل,ولاإنتفاش ,
وشعبك مهاجر بيهرب,
فى حب السعاده..ودور العباده
وعاوز يغنى أغانى الحزانا
فى ليل الطراش..

وشله جنابك بتاكل عرقهم
.قصور..وحراسه
وعايشه بلاش فى بلاش

لكن انت غالى وعالى المعالى.
تاكل محمر..تلبس معطر
وعاوزين نعيش لازم بنركع
ونسجد لحضره جنابك
..
وتلهط انت وحكومتك..
فطارنا وغدانا وعشانا..
مفيش اى مانع
ونفسى أقوك ياغالى ,
سعاده سموك
بناكل فى عزك,وضلك
لحم الحمير والسحالى .

ولسه بقولك سلامه
جنابك من الانتفاش..
ياشباب المغاربه
بلاش المظاهره
بلاش طرطره,
وبلاش إنتعاش

بلاد المغاربه جاموسه
بتحلب يوماتى ..
وانا شاعر أعمى..
وشعال سعاتى..

حلاوه طنجه ومليله
دى كنافه وقطايف
وبيض بطرخان .
وسيدنا المعظم
أخر حلاوه وحنان

إوعاك تقول .
مضروب قفا
اوكلام فلسفه..
او حتى ييجى فى فكرك.
عساكر جنابك تيجى تزورنا
,مش برضه عارف
بتحكم علينا قبل المحاكم
تولع سيجاره ,وتتطفى
فى عيونا شراره..

وصابرين لبكره
الشمس طالعه,
وماسكه فى إيدها
الحقوق والحضاره
بعد الضلام والعتايم..

وفى الشرق
كل الملوك والزعايم
أمرت كلابها تقبض عليها
بنت العبيطه الحماره

#فتحى_غريب_أبوغريب (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات