أبوذيه وأغنية وطنية

جواد القابجي

الحوار المتمدن-العدد: 3134 - 2010 / 9 / 24 - 10:31
المحور: الادب والفن
    

يهل تومي علي ماعود === ولماي
عجزت جنّيت أگعد شوف == ولماي
غاز او كهربا ما ريد === ولماي
أصيرن ظَب وعيش ابهلبريّه
******************
القصيدة

شفط لفط .. خَمُط .. نفط
كلمن سمع .. گلّي خرط
*********
جزت او صحت انطوني ما
گالوا تخبّل ..!! لكْ شِجا
ردّيت أصيِّح كهرباااااااا
ميصير ما إلها .. ربط
*************
گالوْ على وحده استقر
إلكهربااااا عالي السعر
ينتل او خفنه .. تنتحر
وبالتالي .. جدّك ينسمُط
****************
والنفط احنه انحققه
بالقسمه .. والمماصصه
وحْذَر .. العبوه اللاصقه
والله .. ابلحظه تنشخط
************
وك حرت وين انطي الوجه
من احچي گالوا .. مشتبه
وتْمَشّه زين او انتبه
من تهذي .. انخمطك خَمط
**************
فكّرت شنو هالخربطه
چا لِشوكت هالشحططه
والعيشه .. كلّش هابطه
بلچن تِحن .. اهل الشفط
*************
رحت او بديهم سلّمت
گالوا تِخُورَس لو شفت
ياناس والله .. مَگدَرِت
ليش
لأن خنگتني .. ريحة النفط
والريحه .. من دمهم تعط
وشگد حاولت .. ماكو ربـــــــــــط
*************************
[email protected]

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات