حامد كعيد الجبوري
الحوار المتمدن-العدد: 3111 - 2010 / 8 / 31 - 02:49
المحور:
الادب والفن
نص غنائي أهديه لحزب الفقراء والعمال الحزب الشيوعي العراقي ، وأطرحه بين أنامل الملحنين عله يصلح للغناء .
النص
--------
حلت شعرها الشمس
وتمشط الكذله
تزهي أبدلال وحسن
وعيونها أمكحله
فرحانه لهفة محب
فرشت مضيف الحزب
وتمشط الكذله
**********
مرت أسنين أشكثر
مخنوكه فرحتها
بددت غيم الصبر
أبدمعات مزنتها
تحلم حلم فقره
صوغة ذهب حمره
من الورد سله
وتمشط الكذله
**********
يضحك مضيف الحزب
بيت الفرح معمور
شجره وتظل النبع
عش ويلم أطيور
كلمن رضع طيبته
حن ورجع ديرته
أمشكبن فرح لهله
وتمشط الكذله
*************
عالي أبعلاة النجم
تاريخه رفعة راس
شايل أبكلبه وطن
وشريانه حب الناس
كلماتهم كلمته
حمره وترف رايته
فوك السمه أتعله
وتمشط الكذله
***********
#حامد_كعيد_الجبوري (هاشتاغ)
كيف تدعم-ين الحوار المتمدن واليسار والعلمانية
على الانترنت؟