يا جنوب ...

حسن حاتم المذكور

الحوار المتمدن-العدد: 3072 - 2010 / 7 / 23 - 02:05
المحور: الادب والفن
    

يـا جـنـوب ...
شـبـيـك ضـيـج عـيـن ... ؟
مـا تـهـوه الـيـحـبـك
لـيـش يـا طـبـع الـمـضـايـف ... ؟
جـيـت شـايـل شـوﮒ الـك
وانـتـه تـهـوه بـلا عـشـﮓ
ويـن ذاك الـبـيـك ويـن ... ؟
ﭽـان الـسـلـف حـاضن سـلـف
مـثـل الـﮕـصـايـب فـوﮒ خـدك
يـا حـلـو ﮔلـي شـبـيـك
شـغـيـر حـلات الـبـيـك
وتـصـيـر ضـيـج عـيـن
......................
جـيـتـك عـمـر ضـيـع سـنـيـنـه
وشـواﮔنـه تـسـبـﮓ مـشيـنـه
نـتـنـفـس تـرابـك وفـه
ودمـعـاتـنـه بحضـنـك بـﭽـنـه
.............
لا ﮔـلـت يـا مـيـة هـلـه
بـالـجـاي يـم ديـرة هـلـه
ﭽـانـت الـروح مـدلـلـه
وصـارت يـتـيـمـة بـيـت
........
لا ﭽـنـك انـتـه الـي ﭽـنـت
ولا ﭽـنـه ذولاك
العشـﮕـنـاك وهـويـنـه
لا نـشـد طـاريـك عـلـيـنـه
لا تـشـتـري الشـوﮒ الـبـديـنـه
هـاكـثـر ضـيـج عـيـن
.........
لا تـرضـه اصـيـرن جـار
بـيـن الـزرع والـدار
لـلـغـربـه ديـرة هـلـي
وانـه خـلـﮓ خـطـار
..............
طـبـعـك يـشـﮓ الـﮕـلـب
يـا ريـت مـا مـريـت
انـشـد وجـوه الـغـرب
وانـه بـثـنـيـة الـبـيـت
عـنـوانـي ريـحـة هـلـي
والـدرب هـوه الـدرب
لا تـمـشـي ويـه الوكـت
بـعـدك عـزيـز الـتـفـت
لا تـضـل ضـيـج عـيـن
................
يـا جـنـوب مـعـزتـك
ساكـنـه بـروحي جـرح
آه مـن حـلاتـك
حـتـى لـيـل الـدنـيـه
بـعـيـونـك صـبـح
........
يـا جـنـوب.....
احـنـه بـيـك ارجـع عـلـيـنـه
الـﮕـلـب بـعـده الجـيـتـك
يـنـتـظـر بـيـنـه
والـروح عطشانـه سوالـف
سولـفـتـنـه عـلى السطوح
وذيـج الـزغـيـره احلامـنـه
تاهـت بـلـيـل ايـامـنـه
...... وسـرارنــه
غـافـيـه بحـضـن الـنـجـوم اسرارنـه
والطـيـور الـهـاجـرن
مـا نـدري يـا غـربـه
بشواطـيـهـه بـﭽـن مـوالـنـه
الـتـفـت لـيـنـه
تـدري بـيـنـه
احـنـه مـجـانـيـن بـعشـﮕـنـه
...........
يـا جـنوب ....
الـراح ويـه الـراح
جـيـنـه بـﮕـايـه ارواح
تـتـعكـز على الصـبــر
والـعـمـر مـال وطـاح
.........
يـا جـنـوب ...
جـيـت غـرﮔـان عـلى جـرفـك
مـد ايــد الـجـرف لـيـدي
اريـد اغـفـه بـحـضـن لـيـلـك
وشـوف هـلالـك بـعـيـدي
ريـد اتـغـطـه بـتـرابـك
وسهـر طـيـف عـد بـابـك
وشـوفـك مـوش ضـيـج عـيـن
ولـك مـا ﭽـنـت ضـيـج عـيـن
22 / / 07 / 2010 برلين

#حسن_حاتم_المذكور (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات