حامد كعيد الجبوري
الحوار المتمدن-العدد: 3041 - 2010 / 6 / 22 - 02:13
المحور:
الادب والفن
ليضهدك جرح أكبر عالجروح
ونينك يفرح الشامت يسمعَه
وبهندس الخوف أيعشعش الليل
وعلى كبر الظلام أتذبحه شمعه
راسك أرفعه أتنام النواطير
فولاذ الحديد أيهاب درعه
الشواطي من تذل يتعزَز الديم
تترَجه النده ومتـنول مجعه
أنحر عالفجر تـنزال الغيوم
وأسرج للمنايه الموت فزعه
لاتامن ذلـيل أيكصر أخطاك
ذليل أمنوج وتمساح دمعه
أبتر ذيلها ورد أردف الراس
لا أيغرك دمعها الدمع طبعه
أتعنه الصعاب أتذلها وتلين
الحسين الكون رجَّه أبدم أصبعه
صحيح أصبع وكع مالمته الكاع
شال الأرض وبأصبع يرفعه
****
أزرع بالصُبخ نخلات وورود
العينَه عالزرع ميموت زرعه
عالفطره البشر والخير مجبول
نعيش أبطيـبها ونرفض البدعه
من تطفح الغيره وينبـُض الغيض
ولا واحد يذّل محد يركعَه
تشب نار الضماير تعـتلي الروج
تـفز كل المكابر ميت ينعه
ألوّي قيودك وعض النواجذ
وعلى أعيون الجبان أتضـيك وسعه
واكح للحقد بكلوب السباع
وكبُل ما يبتدي أبشرَه أصفعه
شك زيج الصبر وفرش دواووين
وأتعنه الفرح والحزن شيعه
يذل العيط أذا حشم فسايل
والهادود كشَه ما توكعه
رضيع الغانمه يسرج الغيره
ونور الشمس بُركُع ما يكبعه
هيهات المراجل تعتـني أهدان
وجذبَه الكال عار أيسود ربعه
صاعود المجد ميلكط أنجوم
يجيب الشمس للدنيه أعله ضلعه
****
#حامد_كعيد_الجبوري (هاشتاغ)
كيف تدعم-ين الحوار المتمدن واليسار والعلمانية
على الانترنت؟