9 أبرل وشعارات البعث

جواد القابجي

الحوار المتمدن-العدد: 2970 - 2010 / 4 / 9 - 08:21
المحور: الادب والفن
    

بالروح بلدَمْ عدنه أجمل شعار
اوبالذبح منميّز اكبار او زغار
***********
عدنه المهم سلطه اوحكم نستلم
منهو الشعب شنهو العدل والسلم
انفخّخ انفجِّر نعتدي ما يهم
ونروح فدوه الحاضنات الجوار
**********
إحنه البعث نوگف ابكل موزمه
نصنع الموت انفخّخ الأحزمه
اويغرگ شعبنه ابَّحَر من الدمه
اوكلما تموت اكثر نحسبه انتصار
**********
إلنه الحكم لازم علينه ايعود
شفتو بن صبحه شلون وكت الصمود
عاف الربع ونهزم وفّه العهود
او لمريكه تاج العرب انطه الديار
************
شفتونه احنه اشلون من مهزله
ما بقت عدنه اويلشعب كل صله
مثل الچلب ننبح عله القافله
ونفوسنه اتربَّت خراب او دمار
*********
هذا برنامجنه اويشوفه الشعب
حبنه الجماجم والدِمه والشغب
مابي اجديد اوهوَّ هذا البعث
ترضون يولا إحنه أهل القرار
*****************
ياريت من هلبعث ناخذ درس
اونعتذر من آلامنه او نحترس
والله حرام اتعود هاي المِدس
عزّوز كيماوي اويعود المرار !!!!!!!!!
***********************
[email protected]

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات