ديوان البخيت

حامد كعيد الجبوري

الحوار المتمدن-العدد: 2943 - 2010 / 3 / 13 - 19:47
المحور: الادب والفن
    

الى الحزب الشيوعي العراقي
والرفيق الراحل علي بيعي ،شاكر ، نصيف ،جبر داكي
وللراحلين جميعا دفاعا عن العراق والقيم والبادىء


يالشايل همومك والفرح خنياب
يايوم الـتبسم ثكلت أهمومك
عرفتك بالزغر هسه شبابي شاب
ماشـفـتك أمعيد سود بهدومك
مـلجوم الجرح لسه الجرح ما طاب
تزداد الجروح أجروح كل يومك
حـبيت الجنوب أبنخلة السياب
ومن كاع الشمال أورودك أشمومك
ماهادنت ظالم لا بست أعتاب
ولادنكت راسك ربعك وكومك
فراشك مو حرير أفراشك العطاب
نايم مطـمـئن أمشردغ بنومك
ماعاكك شتانه ولاشمس نص آب
خاويت الشغيله وفلحك أنجومك
بُهرني بيرغك من شفته كله أخضاب
من دم العراق ونزفة أدمومك
****
علموني الشعر عريان والنواب
قريت أم وبراءه وبانت أرسومك
ومشت دربك أزلامك والدرب تيزاب
تهتف عالمشانق مجدت أعلومك
وغيرك بايع الأوطان والآحباب
يسبح بالرذيله ومارخص سومك
ينوجولك غدر ويكشرون أنياب
ماعفت الفريضه وما بطل صومك
ياعالي البخت هذا الد هر دولاب
لاويت الزمان أبحيلك أوزومك
يالتندل طريق الشعب باب أباب
تجوح كل جرح عطابة أكلومك
****
حـبيت الكصـب والحـلفه واللبلاب
مسكين ويتيم أيصير مخدومك
تحب كل البشر تدريه من أتراب
متحابي أخو ولاخال لاأعــمـومـك
أكصدت درب الشهاده أتصير ألك محراب
وحـبيت العراق ومحد أيلومك
جـافيت السيوف وثقفت بكتاب
وحدت للسيوف أبشعبك أخصومك
حـمـامـات السلام أتوكر أعله أحراب
ميهمها الذبح تستنطر أقدومك
مـهـظـومه الشطوط الجاورت أجـناب
فرات ودجله صيهد ينتظر ديمك
يديوان البخيت ويامضيف أطياب
يربعة كل عشيره أكليطهم دومك
شل جرحك يغانم لايصير أعـتاب
شد أيدك الشعبك كومك أترومك
أبعراضة آل حاجـم ينخه ولد جلاب
شيطان البزرنه ونجلي كل ظيمك

#حامد_كعيد_الجبوري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات