أبو عمشه

حامد كعيد الجبوري

الحوار المتمدن-العدد: 2934 - 2010 / 3 / 4 - 02:34
المحور: الادب والفن
    

(مناضل وطني أسس جمعيه وهميه عام 1961، أسماها جمعسة الفٌكر النوويه رحل ولم يدرك الأنتصار!!!)

زغار ، نلعب بالعكد ختيله
نركُض أبعكد (الشيخ والسرحه وبيات)
نختل أبيت (عباس البياتي أبوزينب)
وبيت (أبو عباس فاضل ، أبن مردان ) ، الشقاوه
زلـمَه من حق ومراجل
أبشاربه وخنجرَه الغيره
أبطيب مفتوحه البيوت
من سطح ... نُعبر سطح
نوصل البيت (أبن كناي ،عباس أبوعمشه)
ياعيني ....
....أبوعمشه
بلون الكاع .... أسمر
غسل وَجهه ..
حتى أيصير أحله ...
صُبَح مثل أتراب حُري
أملوّن أبدهلة فرات
أشتحفره تشتَم عبيره
عاش بعكود المحنه
وروّتَه ..طيب وحنان
فاكد الأم والأبو
وعلى الفطره ..
صار أبو الكل اليتامه
رسَب سادس أبتدائي.....
وشملَه زحف الزعيم
ينجح أبكل الدروس ...
ألا...درس الأنكليزي
لأن ماحب أنكليز
وبطـَل وعاف الدراسه
أتثقف أبحب المحَله
ويحلِف أبخبزة الفقره
ماقره (هيكل وماركس)
ولاعرف (فائض القيمه)
ولاقره (اللينين وستالين وجيفاره ) ونضاله
جان أبو عمشه فُكر
ماورَث أبيض وأصفر
ولا ترك أبيض وأصفر
ولا عرف طعم المرَه
وعاشك ...وعاشك جبير
وكَـلُب...ينبض بيه وطن
أبو عمشه ....
أطيب من الماي وصعَب من جبل
كتَب عالحيطان بعكود المحله
مو صبغ أحمر كتبها
أنكتبت أبدم العراق
(وطن حر وشعب سعيد)
وبعكد آخر كتب
(الضمائر الشريفه لاتباع بالدنانير)
أتطوقت (الورديه).1 ...
وجت شرطه ، وعساكر
ونفُـرض حـضر التجول...
ومابعد ختيله نلعب
كالو ..وكالو ..وكالو
كالو الكاتبهه واعي
وكالو الكاتبهه مُلـحد
يريد يبني ,....
وطن حر بلا قيود
يريد يبني ..
مدرسه ومرجوحه وحدايق
تنزرع حب أورود
ملحد وجاحد حقود
كافر اليزرع ورود...
******
ألأ سماء المذكوره المقوسه مناضلين رحلوا ومنهم من أعدم
الورديه : بذرة الوطنيه الأولى في الحلة الفيحاء

#حامد_كعيد_الجبوري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات