احكيلي 2 ( من وحي أغاني السيّدة فيروز)

زهير دعيم

الحوار المتمدن-العدد: 2914 - 2010 / 2 / 11 - 17:03
المحور: الادب والفن
    

من وحي اغاني السيّدة فيروز

سمعان :
أجينا.......أجينا
من أرض الغار
من فَيِّة اللوْزه
وزيتونة الدّار
حاملين أساور
وحكايا وأشعار
وزنبقة خجلانه
من وهج النهار
وينِك يا صبيّه
سمعان قلبو نار

سوسنة
أرض الغارْ؟
جنب الدّار ؟
سمعان
والبير عالمفرق...عالدوّار

سوسنة:
احكيلي عن بلدي
عن خيّي وولدي
عن اللوزه العتيقه
عن شي حِلم .....شي حقيقه
بتتمرجح بقلوب
بتنطُر عالدّروب
إحكيلي...احكيلي

سمعان :
بعدين إحنا وهنّي
اختاري وتمنّي
سوسنه إنتِ ..
إن ما خاب ظنّي
حكالي بيّي ...
عن شمعة مضويّه
في بلده منسيّه
حكالي بيّي

سوسنه:
إنتِ....؟؟
إنتِ....؟؟

سمعان:
سمعان أنا والهوى ديني
شاعِر غَزَل والدم عبلّيني
أنثريني دخيلِكْ عَ مدى الايام
حبقة وبالعُبّ خبّيني




المشهد يجمع بين سمعان الشاب الجميل وسوسنة الصبية الجميلة ايضًا.

سمعان : أنا كُلّي ايمان
سوسني : انا كلّي ايمان
سمعان : انا كلّي صلاه
سوسني :انا كلّي صلاه

سمعان وسوسنه : لأغلى إله
لأحلى اله


سوسني :
في الزّهر نراك
في البسمة الشقيّة
في حبّات المطر
والنسمة النديــه
في ترجيعة وتر
على شفاه الصبيّه

سمعان :
في البشَر نراك
يا خالق الكون
يا ملوِّن حياتنا
بنغم ولون
انت المحبّة الضافية
واجمل عون

سوسني:
في محرابك يا الهي
يحلو الخشوع
سمعان :
في وطنَك يا وطني
تْقيد الشّموع

سوسني : وتضحك ستّي
سمعان : وتغيب الدّموع
سوسني : وتزهر لوزتنا
سمعان : بحكايا الرّجوع


سمعان وسوسني :


تعالوا نغنّي ونمدّ الايادي
تعالوا نصلّي حتى للاعادي
تعالوا نرفع الانسانية
لفوق ...لفوق ..للأعالي

#زهير_دعيم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات