(( تصاوير البعث والقاعدة والدم ))

جواد القابجي

الحوار المتمدن-العدد: 2894 - 2010 / 1 / 20 - 12:19
المحور: الادب والفن
    

الى كل الشرفاء .. الى كل الشهداء
ما الفائدة في عودة الجبناء

نصافح من .. نصالح من ..
نصافح إيد .. تگطر دم ..
نصافح حاقد املثَّمْ ..
شنگل للضحايه .. او للذي اتيتّمْ ..

حريمه اعله الزلم .. تنذل ..
لو چان العمه بعيونهه .. أفضل ..
بس ليش المفتِّح .. صار ما يندل ..

حرام الگال .. هذا آنه ..
او مسّدْ شاربه .. اتحزّمْ ..

چاوين التعهُّد راح ..
الله ايساعدك يا شعب ..
مادام اكو هاي الناس .. ما ترتاح ..

وحدك ياشعب عافوك .. تتمحَّن ..
او راحوا علثريد اركاض ..
إي والله .. خاب الظن ..

يا شعبي الأبي ..جدّامك الفرصه ..
حر بالانتخاب .. او إترك الحصّه ..
شبعنه اهواي .. من الجاي ..
من الشعب .. ميخصّه ..
او حسرتنه الحروف .. او إلهم الگرصه ..

لعب بعقولهه الدولار ..
چا ياهو اليطفّي النار ..
وحنه امغاويين الهم ..
وهيه الشرهه .. بس تلهم ..

إنهض وحمي كل اعراقنه .. او حدّه ..
انتخب وستفتي .. للدستور والوحده ..
لا للطائفي ..
نوگفله و نصدّه ..
والقاتل شعبنه .. انموّته إبحقده ..
كلنه اعراقنه نفديه بالشدّه ..
كافي تجربات .. اعراقنه ورده ..
كرد اوعرب ..
او كل اطيافنه .. شدّه ..

گلبنه ابحب وطنّه ..
امسودن او منجن ..
واليضمر الشر ..
أغبر ..
غبي ..
او أرعـــــــــــــــــــــن
نصافح من .. نصالح من
والذبحت وطنَّه .. اشــــــــــــــلون تتأمَّن
نصافح من
***************************

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات