(( بتِّحاد الشعب نبني إعراقنه ))

جواد القابجي

الحوار المتمدن-العدد: 2876 - 2010 / 1 / 2 - 12:06
المحور: الادب والفن
    

بتِّحاد الشعب قوَّه
اتَّحد بيهه المخلصين
بيهَ تعزيز الإخوَّه ++ إيد بيد امعاضدين
***********
انتخب حُب او تواصل
صير ضد الخايبين
انتخب روح المناضل
حازم اوصارم أمين
تبقه مثل الشمس حمره ++رمز راية خالدين
************
انتخب يعراگي منِّك
حتى حگك ما يضيع
كافي للي خان همَّك
يشتري بيك او يبيع
خلّي صوتك للينفعك ++صير لعراقك أمين
***********
انتخب لجل التقدم
لجل مستقبل جميل
اثبت إلهم يا عراقي
صوتك الحر الأصيل
صون صوتك انتَ راقي++ابصولتك متعلِّمين
************
إنتخب لا طائفيه
خلّي صوتك للشعب
لا تناحر علهويه
اوگف ابوجه الشغب
لاتگول آنه اشعليه
بيك ينعز الطلب
صيح لا للجاهليه++ وللوطن انتَ المعين
************
گوم يبني لختيار
نخبة أحرار اوشريفه
صوّت او أُخذ القرار
للأياديهم نظيفه
بإتّحاد الشعب صار++حب أهلنه الســــاهرين
***************************

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات