ضمانات البنوك الإسلاميه

جهاد علاونه

الحوار المتمدن-العدد: 2852 - 2009 / 12 / 8 - 23:31
المحور: كتابات ساخرة
    

مرحبا.

-اهلين ..أهلاً وسهلاً تفضل....ا تفضل .

- أنا بدي آخذ قرض من عندكم .

-اهلاً وسهلاً اتشرفنا ..المصرف والبنك كلهم تحت أمرك إنت تؤمر .

-سعت أنكم تقومون بإعطاء الناس قروضاً ماليه وأنا عشان هيك جاي استفسر عن الشروط .

-انت أكيد مش غلطان ..إحنا فعلاً بنعطي المواطن قروض ماليه ,وما فيش عندنا أي شروط, وأكيدإنك عارف إنه إحنا بنك إسلامي .

-نهائياً؟....ما فيش أيشروط.؟.

- أممممممم مش بالضبط..بس في بعض الإجراءات القانونيه ولا أعتقد أنها شروط هي فقط ضمانات ماليه لحفظ الحقوق, بس تجنباً للحلال والحرام فقط لا غير,على شان إحنا أهم شيء عندنا الحلال والحرام ..قديش انت عاوز مصاري؟

-مش اكثير بحدود عشرة آلاف دينار .

-أوكيه , ما فيش عندنا شروط..بس عاوزين منك كفيل وبالأحرى كفيلين يكون حسابهم عندنا ..يعني بدنا رقم حساب يكفلك, على شان احنا بنكإسلامي وأهم شيء الضمانات .

-أنا ما بعرف حدى يكفلني .

-أوكيه ..عندك بيت ؟....مزرعه؟....أو محل تجاري ؟..أو قوشان أرض, على شان احنا بنك إسلامي , بنخاف نقع في سين و جيم وبعدين لا سمح الله نوكل حرام وحنا مش عارفين .

-آه عندي مزرعة بقر وعندي أراضي كثيره.

-أوكيه ماشي ..هلأ احنا بدنا منك ترهن لنا المزرعه أو الأرض..أو اللي بتختاره انت , على شان البنك الإسلامي بحب يضمن أيضاً حق شركاءه, وأهم شيء الحلال والحرام.

-ليش؟

- من غير ليش هذي بعض الإجراءات الإحترازيه في حالة عدم التسديد. يعني تجنباً للوقوع في الحرام , ومثل ما ابتعرف احنا بنك إسلامي


-شو ابتاخذوا نسبة أرباح؟

- أحل الله البيع وحرم الربا ,إحنا ما بنعطيك مصاري .

- كيف يعني؟

-احنا بنبيعك ما تريد شراءه.

-أوه ..عظيم جيد , أنا بدي أشتري بقر .

-ماشي شوف صاحب مزرعه حسابه عندنا واحنا بنشتريلك منه .

- في بعرف واحد حسابه عندكم .


-أوكيه جيد..املى هذا الطلب .

-شكراً.

-الآن انت ما تريد شراءه يساوي ما قيمته عشرة آلاف , واحنا بنشتريه الك من التاجر وبنبيعك إياه بنسبة أرباح بسيطه , انت زي ما بتعرف إحنا بنك اسلامي وما بنحبش الربا.

-لا واضح جداً..ما بدهاش حكي.

-نسبتنا تقريباً 7% سنوياً وهي أرباح غير مركبه ..احنا بنك إسلامي لا نتعاطا بالربا (أحل الله البيع وحرم الربا).

- لا واضح ما بدهاش روحه على القاضي.

-شرفت أهلاً وسهلاً.

-طيب ممكن سوآل؟.

- لو بدي أضع مصاريي عندكوا ابتضعوها ؟

-طبعاً احنا مصرف إسلامي وتأكد أنك في المكان الصحيح, زي ما انت عارف إحنا بنك إسلامي .

-طيب عندكوا فيه عقارات ..أو كفلاء؟.

-عقارات ؟أكيد عندنا بس كفلاء لا ما عندنا .

- مش فاهم .

- ما هو كمان أنا مش فاهم طبيعة سؤالك ..يا ريت اتفهمني أكثر .

-أنا الآن مثلاً بدي أضع فلوسي عندكوا ..ماشي؟

- ماشي هذي مفهومه .

- طيب شو في عندكوا ضمانات انها افلوسي ترجعلي .

-ههههه احنا بنك ..وأنت مودع ..وفي أي لحظه ستأخذ فلوسك .

- طيب مثلاً لو خسر البنك أو أفلس شو الضمان ؟


-استغفر الله يا رجل الضمان بس عند رب العالمين .

-طيب مش إنتوا بنك إسلامي ؟ كيف يعني ما فيش ضمان .

-الضمان عند رب العالمين .

-طيب والنعم بالله بس ليش ما يكون كمان الضمان عند رب العالمين بس تعطوني القرض اللي طلبته ..أم إنه رب العالمين بس بضمن البنك ولا يضمن المواطن؟

-مش فاهم؟

-سلامة فهمك ..انتوا بدكوا تعطوني قرض وطلبتم ضمانات لحقوقكم ..ماشي؟

-ماشي.

- طيب إذا بدي أحط افلوسي عندكوا ليش ما تعطوني ضمان فيهن ؟..في حالة إذا خسر البنك, مثل مشروعي في حالة إذا خسر بتستدوا من الضمانات .

فكرة المقال من تراث الهنود الحمر.

#جهاد_علاونه (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات