عيديه الكمر علباب

حسن حاتم المذكور

الحوار المتمدن-العدد: 2842 - 2009 / 11 / 28 - 18:49
المحور: الادب والفن
    

الـﮕـمـر عـلـبـاب
يـدور بـالـثـنـيـه حـبـاب
تـعـبـان وطـريـجــه بـعـيـد
شـايـل بالـصـوانـي عـتـاب
فـرح حـنـه ... وسـوالـف عـيـد
وعـشـﮓ بـعـده
بـحـضـن عـش الـتـرافـه زغـيـر
نـﭽـر طـبـعـه
غـشـيـم ومـن نـكـضـه يـطـيـر
...................
دﮒ بـاب الـنـعـاس وفـزت الـﮕـمـره
وفـز لـون الـشـمـس بـخـدودج الـسـمـره
وضـوه الـﮕـمـره
مـتـوسـد الـﮕـصـايـب والـزلف لـيـفـوﮒ
تـحـت فـيـه الـتـراﭽـي تـسـولف ويـه الـطـوﮒ
.........................
يـا فـلانـه مـا مـر الـعـشـﮓ وتـعـده عـمـره
الـوكـت بـعـده بـأولـه ... والـدنـيـه ﮔـمـره
والـعـيـون الـسومـريـه مـا نشـف بـيـهـه الـبـحـر
والـليـل لـم روحــه وغـفـه بـفـي الـشـعـر
سـهـران بـعـيـونـه الـسـهـر
....................
دجـلـه بـعـيـونـج غـفـت ... صـفـنـة سـوالـف
وانــه سـفـان وغـرﮒ بالـروج طـيـف
ولـك يـا لـون الـفـرات الـعـيـن وكـحــه
غـرﮔـتـنـي بـعـيـد حـد الـشوف
والـكـحـل مـا مـد لـي جـرفـه
وتـهـت نـجـمـه
بـلـيـل جـيـتـه الـمـا تـجـي
والـفـرح مـجـروح بـيـه
شـايـلـه زغـيـر عـلـى ﭽـفـي
ودمـعـة الـمـامـش رمـد بـرمـوش جـفـنـي
نـريــد جـيـتـك ... لـو نجـي
..........
يـا فـلان عـاتـبـنـي الـسـهـر
يــا فـلان مـلانـي الـصـبـر
والـشـوﮒ فـيـض عـبـرتـي بـدمـوع فـرﮔـه
جـيـت ويـه هـلال عـيـدك شـوﮒ الـك
عـطـشـان مـلـﮕــه
................
ولـك يـا لـيـل الـسـوالـف
بـعـده طـيـف الـعـشك مـا مــر
نـنـتـظـر بـسـنـيـنـه جـيـه
نـريــد ويـه الـﮕـمــر نـسـهـر
شـطـولـه خـلـﮓ الـبـيـك يـا سمـــر
شـرب كـل لـيـل الـسوالـف
والـصـبـح زعـلان مـا مـــر
................
نـتـوسـل سـراب الـبـيـك جـيـه
ويـبـلـل عـطـش روحــي
سـتـكـيـن ﭽـاي عـيـديــه
ضـوﮔـنـه بـحـلات الـمـاي
وغـفـه ويـاه لـيـلـيـه
ويـفـز بـيـه بـﮕـايـه الـحـيـل
وتـوسـد تـرافـه الـبـيـك
وتـغـطـه بـحـﭽـايـه الـلـيـل
................
ولـك يـا سـمـر
اواكـح دمـعـتـي وسـهـر
وكـلـك مــر
وضـوﮔـك مــر
وﮔـول افـيـش
وســولـف حـسـبـتـي لـلـراح ولمـا مـر
................
ولـك مـشـتـاك مــر بـيـه
ابـوسنـك عـشـﮓ يـا فـلان
وﮔـلـك هـاي عـيـديـه
وضـوﮔـك عـيــد
وضـمـك بالـجـفـن يـا سـمــر
وﮔـول بـعـيــد
يـا هـلال انـتـظـرتـك لـلـعـمـر جـيـه
تـهـز كـاروكـك سـنـيـنـي
تـرضـعـك روحــي حـنـيــه
وعــشـﮓ تـكـبـر
وشـوفـنـك ﮔـمـر بـيـه

#حسن_حاتم_المذكور (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات