يا عينى عليكى يا بلدى

راندا جمال

الحوار المتمدن-العدد: 2783 - 2009 / 9 / 28 - 04:46
المحور: العولمة وتطورات العالم المعاصر
    

فى البداية سأعرض عليكم ارقام مخيفة وبعدين سأعلق عليها

اولاالحالة النفسية للمصرين

20 مليون مصري مصابون بالاكتئاب.
1200 حالة انتحار سنويا .. 24% منها في القاهرة ، 19.5% في القليوبية.
المركز 57 من بين 60 دولة في تقرير البؤس العالمي من حيث معدلات البؤس والشقاء والتخلف والفقر.
مؤشرات الفقر
48 مليون فقير يعيشون في 1109 مناطق عشوائية - أي 45% من المصريين (تقرير صندوق النقد الدولي للتنمية الزراعية)
2.5 مليون مصري يعيشون في فقر مدقع (تقرير الأمم المتحدة للتنمية الإدارية).
45% من المصريين يعيشون تحت خط الفقر يحصلون على أقل من دولار في اليوم (لجنة الانتاج الزراعي يمجلس الشورى).
41% من إجمالي عدد السكان في مصر فقراء (تقرير التنمية البشرية العربية 2009) (28.6% في لبنان - 30% في سوريا - 59.9% في اليمن).
12 مليون مصري ليس لديهم مأوى منهم 1.5 مليون يعيشون في المقابر (الجهازا لمركزي للتعبئة العامة والإحصاء).
16% من دخل الفرد في مصر ينفق على الطعام والشراب.
46% من الأسر المصرية لا تجد الطعام الكافى للحركة والنشاط (تقرير لشعبة الخدمات الصحية والسكان بالمجلس القومى للخدمات والتنمية الاجتماعية التابع للمجالس القومية المتخصصة).

ثانيا الحريات وحقوق الانسان فى مصر :
40 حالة تعذيب مثبتة رسميا في 2007 و 28 حالة في 2008 غير الحالات التي لم يمكن اثباتها(المنظمة المصرية لحقوق الانسان).
93 حالة وفاة تحت التعذيب في 2007، 56 حالة لتعذيب المواطنين داخل أقسام الشرطة، من بينها (13) حالة وفاة غامضة و25 حاله اضطهاد واحتجاز تعسفي، وذلك خلال الفترة من يونيو 2008 حتى فبراير 2009 (المنظمة المصرية لحقوق الانسان).
مئات الأحكام القضائية واجبة التنفيذ كتعويضات وافراج عن سجناء لا تنفذ ولا يوجد سبيل لإجبار وزارة الداخلية على تنفيذها!

ثالثا النقل والمواصلات فى مصر:
22.4 ألف حادث سيارة في 2007.
88 ألفًا و779 قتيل، و 379 ألف و233 مصاب بسبب حوادث الطرق في الفترة ما بين 1990 إلى 2006 .. المركز الأول على مستوى العالم في معدلات خسائر الأرواح (الجهاز المركزى للتعبئة العامة والإحصاء).
7394 حادث بقطاع السكة الحديد في الفترة ما بين 2000 و2006، أسفرت عن مصرع 573 شخصا وإصابة 805 آخرين.
4 مليارات جنيه خسائر سنوية بسبب حوادث الطرق (مركز المعلومات ودعم اتخاذ القرار).

رابعا الفساد فى مصر:
39 ملياراً و373 مليوناً و524 ألف جنيه تم اهدارها في الفترة ما بين أبريل 2008 ويناير 2009 بسبب الفساد المالي والإداري (تقرير عام 2008 لمركز الدراسات الريفية).
8 مليار جنيه دعم سنوي لأنابيب البوتاجاز (يبلغ احتياطي مصر من الغاز الطبيعي 67 تريليون قدم مكعب، وتبيع المليون وحدة حرارية لإسرائيل 1.5 دولار والتي يتكلف انتاجها 2.65 دولار .. سعر التصدير العالمي من 6 الى 8 دولارت للمليون وحدة حرارية).
المركز 134 من بين 134 دولة في معدل تعيين الاقارب والأصدقاء في المناصب المختلفة (تقرير التنافسية العالمية).
المركز 115 من بين 134 دولة في مؤشر مدركات الفساد الذي يقيس درجة انتشار الفساد بين المسئولين في الدولة (تقرير التنافسية العالمية).
المركز 72 من 134 على مؤشر الشفافية والنزاهة لمنظمة الشفافية العالمية في 2006، ثم المركز 105 في 2007 ثم الركز 115 في عام 2008 (منظمة الشفافية العالمية).
المركز 77 من بين 146 دولة في تقرير منظمة الشفافية الدولية لعام 2007 (إسرائيل من أفضل 20 دولة).

خامسا المجال الصحي فى مصر:
ربع سكان مصر يعانون من ضغط الدم.
أعلى معدل لوفيات الأطفال في العالم (50 طفل لكل 1000 مولود) .. 3 في السويد .. 4 في اليابان (جهاز التعبئة العامة والإحصاء).
29% من أطفال مصر لديهم تقزم و 14% لديهم قصر قامة حاد وطفل من كل اثنين لديه انيميا (مديحة خطاب رئيس لجنة الصحة بأمانة سياسات الحزب الحاكم).
9 مليون مصري مصابون بفيروس (سي) .. تحتل مصر المركز الأول في معدلات الإصابة بالمرض على مستوى العالم
8 مليون مواطن مصابون بالسكر والمركز الثاني على مستوى العالم في الوفاة بسبب المرض (مديحة خطاب رئيس لجنة الصحة بأمانة سياسات الحزب الحاكم).
من أعلى معدلات الوفيات على مستوى العالم بسبب انفلونزا الطيور الذي أصبح مرضاً متوطناً في مصر (إلى جانب مخاوف من توطن انفلونزا الخازير ، ظهور حمى التيفود، مخاوف من انفلونزا الكلاب).
4% من سكان مصر يعانون من مرض أنيميا البحر المتوسط الذي يصيب الأطفال (تقرير لوزارة الصحة).
20 ألف مواطن يموتون سنويا بسبب نقص الدماء (تقرير لوزارة الصحة).
اكثر من 200 حالة إصابة بحمى التيفويد، منها 164 في قرية واحدة خلال أقل من اسبوعين (ولا يزال السيد المستشار عدلي حسين محافظاً للقليوبية!!).
اكثر من 100 ألف مواطن مصري يصابون سنوياً بالسرطان بسبب تلوث مياه الشرب (د. أحمد لطفي استشاري أمراض الباطنة والقلب بمستشفي قصر العيني).

واخيرا مؤشرات أخرى:
26% من المصريين لا يعرفون القراءة أو الكتابة.
16 شابا من بين 100 شاب شربوا المخدرات.
178 مليار جنيه هي تكلفة علاج الإدمان في عشر سنوات فقط.
10 مليون عاطل (في سن 15 الى 29 عاما) أي 21.7% من إجمالي قوة العمل.
9 مليون شاب تخطوا سن 35 عاماً دون زواج (5.5 مليون شاب + 3.5 مليون فتاة) بمعدل عنوسة 17%.
255 ألف حالة زواج عرفي بين الطلبة (أي 17% من طلبة الجامعات) نتج عنها 14 ألف طفل مجهول النسب.
المركز 129 بين 134 دولة في معدل هجرة العقول العلمية والموهوبة وتعد أسوأ دول الشرق الأوسط في ذلك (تقرير التنافسية العالمية).
المركز 134 من بين 134 دولة في مؤشر كفاءة سوق العمل (تقرير التنافسية العالمية).
المركز 125 من بين 134 دولة في مؤشر استقرار الاقتصاد الكلي (تقرير التنافسية العالمية).
المصادر : تقارير رسمية + صحف.

تعليقى ......ماذا أقول؟
طبعا الاحصائية تدمع لها العين ويحزن لها القلب والحل لهذة المأساه فى الاية (لا يغير الله ما بقوم حتى يغيروا ما بأنفسهم) الآية الكريمة آية عظيمة تدل على أن الله تبارك وتعالى بكمال عدله وكمال حكمته لا يُغير ما بقوم من خير إلى شر، ومن شر إلى خير ومن رخاء إلى شدة، ومن شدة إلى رخاء حتى يغيروا ما بأنفسهم.

قبل ما ننظر الى النتيجة لابد ان نعرف السبب فكل ما نحن فيه الان من انفسناوهذة بعض امثلة فى علاقات المصريين بعضهم ببعض فى الاماكن العامة او المصالح الحكومية واى مكان يمكن للمواطنين ان يحتكوا ببعضهم او يتعاملوا مع بعضهم (طبعا البلد زحمة موت اللى ماشى على رجلية واللى راكب مافيش حد بيراعى شعور حد المبدأ فى الشارع المصرى انا ومن بعدى الطوفان واذا انا بقيت الاول يبقى انا كسبان مش مهم اللى ورايا او اللى جاى المهم انا وانا وانا وانا واغلبية المصريين يفكرون بهذة الطريقة.
كل المتناقضات تجمعت تحت اسم مصر فمصر فيها الثراء وفيها الوباء اللي نتج عنه ألف داء .
مصر فيها مارينا وبورت غالب وشرم وفيها الدويقة وحكر أبودومة والبرادعة .
مصر فيها النيل ومصانع الميه وفيها برده ماشيه الميه جنب الصرف وكأنها بتطلع لسانها للناس وبتقولهم هذه بضاعتكم ردت إليكم.

الوضع فى مصر سنه 2009 كلاتى ؛-
1- زباله ومطبات وشوراع مكسره فى كل حته فى البلد ( المهندسين- العجوزه- مدينه نصر - الهرم - ..........الخ
2- تجار حرميه فى كل المجالات يعنى لو مش بتفهم فى اى بضاعه بتشتريها وتلف السوق كله وتسال عن سعر اى حاجه لازم تتسرق وانت بتشتيرها سواء فى السعر او الجوده او خدمه مابعد البيع ...........الخ
3- ميكانيكى نصاب وحرامى يبوظ حاجه ويصلح حاجه على شان ترجع تانى
4- طبيب معندوش ضمير اهم حاجه ياخد الكشف او مصاريف العمليه وبعد كدا مش مشكله تموت تعيش اهو يقلل من عدد السكان شويه
5- مقاول حرامى يسرق فى الخامات ويسرق فى المصنعيه
6- موظف مرتشى درجه اولى على مستوى العالم وعينى عينك
7- مدرس عاوز يدى دروس خصوصيه ومش بيرشرح فى الفصل
8- معامله غير اداميه فى اقسام الشرطه
9- روتين ووساطه وبطاله وقرف فى كل حته ..............الخ
وغيره وغيره وغيره لحد السنه الجايه كلام.

يا سادة مفيش ولا دوله اسلاميه واحدة مصنفه دوليه فى الاقل فساد على عكس الدنمارك اللى اساءت للرسول الكريم وتطاولت على الاسلام هى اللى تطلع الاقل فساد عالميا..

با سادة لو حللنا العمليه صح هنلاقى الدول الاقل فساد هى اللى بتشتغل ومبتدخلش الدين فى الكلام الفارغ عمال على بطال.. الله يرحمه اللى قال الدين لله والوطن للجميع..

الفساد ملهوش دين ولا لون..
الفساد موجود فى الناس اللى مش عاوزه تشتغل واللى كل حاجه عاوزنها فهلوه .
الفساد موجود فى اللى عمال على بطال يقولك الدين بيقول .. ودا حرام دا حلال..
قضينا وقتنا كله ننقاش الفقه ونسينا ازاى نبنى بلدنا ..

بنشتم فى البيت وناخد عيالنا للجامع والكنيسه..
بنغش فى شغلنا ونوعظ ولادنا ونقلهم تعاليم الدين..
الرجالة طول النهار مولعين التلفزيون على الافلام الهابطه والرقصات وخلافه وفى النهايه نغصب بناتنا على الحجاب
اصبحنا مجتمع عنده انفصام فى الشخصيه..
العالم كله بيراعى ضمميره فى شغله .. حتى اللى ملهموش دين بيراعوا ضميرهم..

يبقى الحل نعيش صح ونربى صح بالقدوة مش بالكلام..
نعيش حقيقيين من غير اقنعه .. وربنا يهدى الكل ..

يا سادة أوضاعنا دى مش هتتغير الا لو احنا من جوانا اتغيرنا وبقى عندنا ارادة التغيير ، ولكن كيف يحدث ذلك والانانية والسلبية والانتهازية والعشوائية اصبحت اسلوب حياة نعيشة الان ؟

تخلينا عن مبادى واخلاق اتربينا عليها واصبح من ينادى بها الان متخلف احنا فى حاجة الى عودة الاخلاق واحترام الذات واحترام الاخر

فى حاجة الى ان نكون قدوة فى سلوكنا وتعاملنا مع انفسنا ومع الاخرين
فى حاجة الى لغة حوار حقيقية صادقة نابعة من القلب تعرف الى اين تتجة وتعرف اهدافها .
فى حاجة الى عمل جماعى متكامل نعمل سويا
اولا فى اتجاة تحسين وعودة اخلاق وقيم ومبادى التربية السليمة
وثانيا ان نعمل ان نكون منتجيين وان تسير عجلة التنمية الاقتصادية كما ينبغى ان تسير كغيرنا مما سبقونا

نحن فى حاجة الى ان يكون هناك عدالة وقانون يحكم الجميع لايفرق بين الف وصاد
على الكل ان يعمل من اجل وطنة لانة خلق ليعمر الارض وليس ليفسد فيها
على الكل ان يعرف قيمة الانتماء ويتمسك بدينه واخلاقه وينفتح على العالم بما فية مصلحته العامة الشاملة على مجتمعه
على الكل يعمل فى اطار واحد من اجل هدف واحد ان نكون امة واحدة لها كيان والا تصبح بلدنا فوضى بكل معنى الكلمة .
واكيد سعتها ربنا هيكون معانا وهتكون بلدنا احسن بلد واللى شايف نفسة مش مقصر يا ريت يقلى ...
كلنا مقصرين ...

مين بيراعى شغلة وبيروح فى معادة وبيراعى الناس اللى حوالية؟ ....
كل واحد ف البلد دى مسئول (( كلكم راع )) ومن اعمالكم سلط عليكم ....
وبدل ما ندعى على ناس ونكفر ناس ونظلم ناس ندعيلهم ونحبهم ونساعد الكل ونعمل اللى علينا ونسيب الباقى على اللى خلقنا وهوا ادرى بحالنا.

وياريت يبقى عندنا امل ..بجد البلد فيها خير كتير والله ...والله مصر لسه فيها احسن عقول واحسن مفكرين وخير اجناد الارض واطيب ناس واكتر بلد امان فى الدنيا حاولوا تصلحوا على قد ما تقدروا من عيوبكم كل واحد ادرى هو سىء فى ايه وكل واحد يصلح من نفسه.

وتعالوا بينا نتحد ونفتكر كلام صلاح شاهين لما قال فى يلدنا :
على اسم مصر التاريخ يقدر يقول ما شاء
أنا مصر عندى أحب وأجمل الأشياء
بحبها وهى مالكه الأرض شرق وغرب
وبحبها وهى مرمية جريحه فى حرب
بحبها بعنف وبرقه وعلى إستحياء
وأكرها وألعن أبوها بعشق زى الداء
وأسيبها وأطفش فى درب وتبقى هى فى درب
وتلتفت تلاقينى جنبها فى الكرب

#راندا_جمال (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات