جهاد علاونه
الحوار المتمدن-العدد: 2753 - 2009 / 8 / 29 - 07:01
المحور:
الفلسفة ,علم النفس , وعلم الاجتماع
الاختلاط بين الجنسيين يُهذب اللغه ويطورها ويُحسن أخلاقنا في الشوارع والبيوت والصالات والأماكن العامه, وأي مكان فيه اختلاط بتكون فيه أخلاقيات السكان جميله ومشاعرهم مرهفة الحس والوجدان حتى الكل براعي حركاته وكلماته وألفاظه, أما عدم الاختلاط بين الجنسين فإنه لغوياً يؤدي إلى انتشار الكلمات الفاسده والنابيه والوسخه وعدم الانتشار يعمل على احداث فتنه كبيره في سلوكيات الشباب ففوائد الاختلاط عظيمه جدا ويجب ان نشجع عليها المدارس التعليميه والجامعيه والبيوت وصالات الأفراح والعزاء , في كل الاماكن العامه يجب أن يكون اختلاط بين الجنسيين .
لغتنا الجميله لا تكون جميله بدون أن تكون أصلاً جلستنا حلوه وجميله فاللغه الجميله في الجلسه واللمه والجمعه الجميله تتوسطها النساء والبنات , والمكان إللي فيه نساء بتكون اللغه المستعمله فيه مثل الماء البارد في الصيف والشتاء والماء البارد طيب وزاكي إكثير حتى لو كان بالشتا , والجلسه إللي بتكون مختلطة من الجنسين بتكون دافئه مثل ليلة شتاء بجانب موقده و(الدفى عفى حتى لو كان بالصيف) , هيك حكوا إجدودنا والشاعر البدوي (االرياشي )قال :
(خلوا الكلام الزين مِلحة إقراكم).
يعني خلوا الكلام الحلو خفيف مثل الملح على الطعام.
يعني على شان إتصير ألفاظنا حلوه ومهذبه لازم يكون في اختلاط بين الجنسين وعشان إتكون جلستنا حلوه وجميله يجب أن يكون فيها نساء بنات وصبايا واختلاط وعجقه من بنات وشباب عشان ما يصيرش عندنا فتنه وتتحسن الفاظنا واخلاقنا وأي مكتب حكومي أو وظيفي ما فيهوش اختلاط بين الجنسين بتكون ألفاظ الموظفين فيه وسخه إكثير وكمان الموظفات نفس الشيء , يعني لغتنا الجميله لا تكون جميله إلا بالاختلاط.
مثل ما حكى عادل إمام الممثل الكوميدي والتراجيدي الرائع مع هاله في برنامجها (هاله شو) قال: (الجلسه من غير ستات بتكون جافه وشكلها مش حلو).
يعني اللغه تصبح جميله بس اتكون جلستنا وقعدتنا أصلاً حلوه وجميله , اللغه الجميله في الجلسه واللمه الجميله وبتكون لغتنا حلوه ولمتنا حلوه بس يصير عندنا اختلاط بين الجنسين.
وبذكر سنة 1994م كنت أنا وأحد أصدقائي قد أنشأنا مكتباً أو مؤسسه صغيره للدعايه والإعلان وأردنا أن نقوم بطلاء جدران مكتبي الخاص ومكتب زميلي وشريكي , وكانت عندنا سكرتيره بتطير العقل من جمالها وصرنا ندهن بالجدار فأنا كنت واقف تحت السلم والسكرتيره بجانبي بترمشلي بعيونها وزميلي على السلّم بدهن فحكيتله:
-يا غسان إشوي إشوي وانت تدهن كبيت عليّ, شوف قميصي صار كله منك.
فنظر لي من فوق السلم وغمزني بعيونه وصار يلوح بإيديه ويهز براسه , فافهمت من تلميحاته إنه أنا أخطأت جداً بتعابيري وهذه اللفظه مش لائقه بحقي فحبيت أعدلها فقلت,بعد أن قحيت وتنحنحت:
- أنا آسف بقصد يعني إنك سيّلت عليّ.
وهذه المره عضلي على شفايفه وهز براسه يمين وشمال , وانا طبعاً كنت احترمه جداً على شانه كان يكبرني بالعمر تقريباً ب (12) إثنعشر سنه, إثنى عشر عام, فحبيت أعدل موقفي مره ثانيه فقلت بعد أن قحيت:
-أنا يعني يا أستاذ غسان شو بدي أقول؟خلص بس إنت لا أتنقط وتكب.
- شو يا جهاد بعدين معك خابر إلسانك عسل ههه لَه لَه لَه شو يا جهاد شو هاي الألفاظ؟!
-يا زلمه ههه مش قصدي هيك ألفاظ بس أنا بقصد إنك صرت إتنقط عليّ تنقيط.
-إه إه انته بعدين يا زلمه شوفلك كلمات أخرى.
فاقتربت من السكرتيره وحكيتلها لغتنا الجميله هاي هي وما في شيء أعبر عنه إلا هيك , يعني إنت احكيلي إبشو بدك إياني أتلفظ؟
فضحكت ودخلت البوفيه لتعمل لنا القهوه, وطبعاً في الساعه الخامسه غادرت المؤسسه وبلش صاحبي هذا منن الفاظه الوسخه والجريئه وحكالي:
- ها ها هسع يا جهاد سولف إللي بدك إياه قول كبيت قول قذفت قول إللي بتحب اتقوله أما الصبح إنت يا زلمه فضحتنا كل ألفاظك وسخه , شو كبيت وما كبيت وسيلت ؟! قدام البنت لازم اتكون الفاظك كلها رونق وعسل وعذوبه خليها حلوه.
- يعني عن جد ما في ألفاظ إلا هيك , هيك ألفاظ 1994م كل كلمات ال 94 بيجن هيك سنتر لوك وفتحه بالسقف.
- طيب على حساب انت أديب وكاتب وشاعر مالك حسّن الفاظك؟
- وحكالي مثل ما حكت سهير البابلي لأحمد بدير في مسرحية ريا وسكينه(الملافظ سعد يا عبد العال وانت عليك لفظ يهد إجبال) .
-
- يعني هو لازم أحسن الفاظي؟ ما أنا حكيتلك فيش الفاظ بالسوق غير هيك كل موديل ال 94بيجي هيك غمازاته والفرش والبخاخات وسنتر لوك وفتحه بالسقف , اليومين هذول هاي هي الألفاظ إللي دارجه بالسوق من وين بدي أجيبلك الفاظ اللغه مثلها مثل الموديلات في الألبسه كل فتره في موديل جديد وهلأ ما في في السوق اللغوي عندنا إلا هيك كلمات كل ال 94 بيجن هيك سنتر لوك وفتحه بالسقف مع بعض الإضافات , بكره بس تنزل على السوق ألفاظ جديده وحلوه رايح أستعملها واسمعك إياها .
-لالالا إنت شاعر وأديب , شو سنتر لوك وفتحه بالسقف!؟.
-طيب إنت طل على الفاظك كلها وسخه عامد متعمد على الأقل هاي موديل سيارات أما إنت الفاظك كلها أعضاء تناسليه ؟
-أنا عادي ما في مشكله بس انكون شباب قاعدين لحالنا أما بس اتكون لمّتنا وقعدتنا فيها نسوان لازم نحترم اللغه واللفظ والمعاني , بس إنت مو عادي..على شانك شاعر وأديب وكاتب, بعدين مش على شانك أديب , لالا على شان البنت السكرتيره إللي عندنا ,ما بصير تتلفظ أمامها بهيك كلام, بس إتروح إحكي إللي بدك إياه.
بصراحه بالرغم من إنه خريج بيروت وعلم اجتماع بس ما عنده من علم الإجتماع أي شيء بس هاي المره حسيت كلامه دخل مخي وعقلي وقلبي ودائماً بفكر فيه وصرت أعرف الألفاظ واللغه الجميله من أين تشع؟ , لغتنا ما بتشع بجمالها إلا إذا كان في عندنا اختلاط بين الجنسين , وحكت لي بعد أسبوع سكرتيرة طبيبة أسنان كانت مجاوره لمكتبي , حكت إنها أيضاًالدكتوره ألفاظها وسخه إكثير إذا كنت أنا وهي في المكتب لوحدنا أما إذا حضر شباب أو ذكور تستحيل إلى ملائكه , وهذه الظاهره من يومها وهي معششه في مخي , صحيح إني ما أستفدتش بالمكتب الإعلاني أكثير بس خرجت منه بهذا الدرس من أول إسبوع لافتتاحه, بعدين التفتت لزميلي غسان وشريكي وحكيتله:
-يعني هو لازم الأديب والشاعر اتكون الفاظه حلوه ؟وبتجنن؟بس عشانه أديب ؟ إنتوا كمان حسنوا من الفاظكم.
في واحد صاحبي ثاني ألفاظه وسخه إكثير , إكثير إكثير , يعني بصراحه ما إبتنطاقش نهائياً وكلها تدخل بها الأعضاء التناسليه , لو شو ما بده يحكي لازم يتلفظ بشيء من الأعضاء التناسليه ومخرجات الأعضاء التناسليه , وأنا طبعاً بس يحكي معي على الموبايل بستطيع أعرف من خلال كلامه إنها صاحبيته معه أو مش معه , ما أنا انسيت أحكيلكم عن صاحبيته , صاحبيته حلوه إكثير وبتجنن وبس يكون هو معاها ألفاظه بتتحسن ووجه بصير أجمل وعيونه بصيروا أوسع وبصير يستوعب الكلام ابسرعه وبصير كمان يرسل ويبث كلام حلو إكثير إكثير إكثير مثل وجه حبيبته صاحبيته إللي أنا بعتبرها رائعه من روائع صديقي عشان صديقي ما في عنده شيء رائع إلا صاحبيته يعني بتصير عنده خدمة البث والإرسال سريعه وقويه وتركيز عالي الجوده .
طبعاً خلينا نرجع لموضوعنا كيف أنا بعرف إنها صاحبيته معاه إذا حكى معي على الموبايل أو المسنجر؟
أكيد من ألفاظه الحلوه والعطره بس إتكون صاحبيته معه بتصير ألفاظه معجزه وكأنها كتاب سماوي بصير يرسل حكم وأشعار وبصير صوته هادي وناعم إكثير إكثير إكثير أنعم بكثير من كف معشوقته أو مثله تماماً , يعني مثل ما حكى الشاعر الرائع نزار قباني :
"قولي أحبك كي تزيد وسامتي
فبغير حبك لا أكون جميلا
قولي أحبك كي تصير أصابعي ذهباً
وتصبح جبهتي قنديلا"
أما إذا كان صاحبي لوحده وحكى معاي على الموبايل أو المسنجر بقرف حياتي من ألفاظه الفجه , وبصير هو عباره عن بربري لم يتمدن بعد وغجري وبصير عباره عن إنه واحد من أولاد الشوارع , أقل لفظه عنده هي ما يعجز لساني عن النطق بها .
أكيذ الآن إفهمنا الموضوع إكثير وصار واضح إنه الشاب إذا كان لوحده أو مع مجموعة شباب نجد ألفاظهم فيها خسه ودناءه وثقل على السمع والبصر والتخيل .
وكمان البنات بس يكونن قاعدات مع بعضهن البعض بكون كلامهن وسخ إكثير مع بعضهن وكلامهن في كل شيء إلا الجمال , ونجد معاني الجمال مفقوده بين البنات , يعني البنات بس يكونن جالسات مع الشباب بتظهر نوعمتهن وكلامهن الجميل وسر أناقتهن بفتح بابه على مصراعيه ونبدأ واحنا جالسين معاهن نتخيل الجنه من خلال كلماتهن الحلوه والمعبره وبصيرن يغنجن بالحكي غنج هذا طبعاً بمجرد جلوسهن مع الشباب ببدأ الغنج فهذا كيف بس يتزوجن شو بدهن يساون في غرف النوم , يوم يُقفل على الواحده منهن بالمفتاح حتى ينفتح للواحده منهن باباً آخر من الجدار!.
كذلك الشباب بس يكونوا واقفين وجالسين مع البنات بتصير ألفاظهم حلوه إكثير ورائعه , وهذا صاحبي بس يكون مع صاحبيته بصير كلامه عسل كله غنج ودلال حتى أني أحياناً بحكيله مين بحكي معي ؟فبرد عليّ وبقول ولك أنا صاحبك (حموده) بحكيلي طيب بس كلامك وصوتك غريب ناعم (نايس إكتير) عن جد (نايس إكتير ) صوتك لدرجة إني مش عارفك , وبس أحكي معاه مره ثانيه وصاحبيته مش معاه أول كلمه بتلفظ فيها ما تحكي معاي عبرني رد على الموبايل أنا (الشرموطه حموده) طبعاً هاي أقل لفظه عنده .
طبعاً أنا إعتدت في حياتي من خلال لغة المرسل أن أستنتج عدد الحضور ومع من يجلس ومن بجانب أي متحدث يعني أنا بعرف حتى من خلال الفراغات والتي أحسبها بالثواني إذا كان المتحدث بجانبه متحدث آخر , وأيضاً من خلال بعد الصوت وقوة درجته إذا إنتقل الموبايل من إذن إلى إذن أخرى.
طبعاً هذا كله من إضرار الفصل بين الجنسين في الشوارع والمدن والوظائف , ولو أن الاختلاط بين الجنسين يبقى على طول كان أخلاقنا إزدادت رفعه وقوه ولغتنا إزدادت جمالاً وعنفوانا عاطفيا , فوائد الاختلاط بين الجنسين تُهذب الجنسيين وتدربهم على الألفاظ واللغه الجميله .
في واحد صاحبي كمان مره طلب مني احكيله (نُكته) حلوه بس اتكون ألفاظها مُهذبه , فقلت له ليش؟
-قال عشان أقولها لزملائي بالشغل ؟
-يعني إنت في معك بالوظيفه نساء؟
-آه شو عرفك؟
-أكيد عشانك طالب مني نكته طرفه الفاظها حلوه.
الشباب أمام بعضهم البعض ما بتلفظوا إلا في الكلمات الوسخه (إسلانج لانقوج) وبس يصير بيناتهم بنات , بتنقلب ألفاظهم إلى ألفاظ إنجيليه وكتب مقدسه وبراعوا كثيرا من حركاتهم ومشيتهم ووقفتهم وضحكتهم , وألسنتهم تزداد قصراً وأياديهم تصبح بيضاء ووجوهم تتحول إلى وجوه (أوجه) حملان وديعه وغزلان شارده في البراري , ويشربون الشاي أمام البنات دون أخراج أصوت مثل (تش تشتشتش) وبصير أكلهم وتناولهم للسندويشات في كثير من الأناقه حتى البالونات التي يظهرونها أمام بعضهم البعض في منتصف الفك والحنك تختفي نهائيا , وكمان البنات بصيرن ناعمات و هن بالأصل ناعمات بس كمان بصيرن أكثر نعومه وبتحولن إلى ملائكه.
#جهاد_علاونه (هاشتاغ)
كيف تدعم-ين الحوار المتمدن واليسار والعلمانية
على الانترنت؟
|
ارسل هذا الموضوع الى صديق
|
حفظ - ورد
|
بحث
|
إضافة إلى المفضلة
|
للاتصال بالكاتب-ة
اليوتيوب
لينكدإن
تيلكرام
تمبلر
بلوكر
الموبايل
