تفرهدنه / برقية الى علي بن ابي طالب

جبار عودة الخطاط

الحوار المتمدن-العدد: 2747 - 2009 / 8 / 23 - 08:07
المحور: الادب والفن
    

تناسلَ الدينُ مع النار 000
فانجبا دينار

--------------------------

تفرهدنه
تفرهدنه
علي
يا ابو الحسن
باسمك تفرهدنه
باسمك يا علي
باكو أسرار الغيم
و طِفه عرس المطر
وأنهارنه إمسخنه
تفرهدنه
تفرهدنه
باسمك يا علي
باكو عثوك النور
و غِـده تمري فشك 00
يا نخل
يا مهيوب
عرفتك شامخ
وما ذلتك حفنه
صدك باكوك
وإنت تباوع ومهضوم
جا المن تريد السعف
لو زنبور
هد بـِسْمومه
فوك نهود عمّـتنه *
0000
علي يا ابو العدل
يا صافي الانصاف
مصيبتنه غميجه
ومنهو ينصفنه
تفرهدنه الظهر
والغصه يا مولاي
حرامي البيت
هو الجان يحرسنه
صرت
ما اشوف
ما اسمع
و لا أحجي
حته أحظه بعفارم
والي نعمتنه
تخثر صوتي
أنه المخنوك
يا مولاي
أريد اصرخ
واذب طشار روحي
بساحة الفردوس
صدك جينه
وصدك رحنه
صدك طاح الصنم
يا طلسم المحنه
صدك راح الظلم
يا طلسم المحنه
أريد اصعد
على سطوح الغضب
وأكتب على الغيمات
وخل تمطر غضب
تهمل عيون الـ لا
خل تزحف حزن وتفيض دجلتنه
سجاجين الجذب
يا ناس ذبحتنه
بزازين السحت
يا ناس باكتنه
وتفرهدنه
تفرهدنه
تفرهدنه



هوامش وشرح لبعض المفردات

تفرهدنه : تمت سرقتنا ببشاعة
طفـه : إنطفأ
فشك : بارود
باكو : سرقوا
غِده : غدا او صارَ
تباوع : تنظر
غميجه : عميقة
الجان : ( بالجيم المعجمه ) الذي كان
ما اشوف : لا ارى
ما احجي : ( بالجيم المعجمه ) لا اتكلم
أحظه : احظى او احصل
بعفارم : كلمة يقصد بها الاشادة والرضا
المخنوك : المخنوق
سجاجين : سكاكين
بزازين : القطط
* وردت كلمة عمتنا هنا للاشارة الى حديث الرسول الاكرم ( اكرموا عمتكم النخله )

#جبار_عودة_الخطاط (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات