بيان أول ...الجنوب

رحيم الغالبي

الحوار المتمدن-العدد: 2715 - 2009 / 7 / 22 - 08:44
المحور: الادب والفن
    

(كتبت زمن النظام الصدامي البائد وكادت تؤدي بي للاعدام لولا نكرن عائديتها لي وقرأتها امام شعراء في جلسات سرية انذاك )
الجنوب

(يقول الشاعر معين بسيسو : ان قلتها متّ
وان سكتّ..مت
اذن قلها ومت...! )

الجنوب...
آخ الجنوب..!!
آخ: الجنون
شككت فد مره ثوبي
وردت من عدها واتوب
لكن الغيره الي عدنه....
ماتخلينه نتوب
الجنوب
هو مثل النخله لو بزز سعفها
طيب الجمّار من تلكه الكلوب
ياجنوب
آخ الجنون
كربلا من خلداها (حسين )...مايرضه الصلح
بس ( الحسن ) راداها تتصافه الكلوب
منين تلكاها الضماير ؟ عد يزيد وآل اميه ...!!؟
وترست الشارع مفارزها الغروب....!
الجنوب
اخ منك ياجنوب
انت ياكاس الصبر .. والريح
....والبستان
.... والعصيان
ضد الارهاب الصحيح ...الحرك كل نخل الجنوب
وخلّه شمعات الفرح سكته تذوب
...ونشف اهوار الجنوب
$$$$$$$$$
هيه نخله ؟
الماتذب هذا الثمر لطفالها
هيه نخله ...؟
عاليه .. وصح عاليه
. . . بس زلمها اشمالها ؟
هيه دنيه...!!
هيه كارة شوج يامن شالها
وحط نفط بيها .. وشعلها
وشاف احنه اكبالها.. !!
يابيان أول * علنها وكالها
نعلن اعله الناس ردنه مايلي :
- اولا : ليش حفاي الاطفال اشمالها ؟
- ثانيا : ليش حسره الماي نسكي..
وعدنه دجله والفرات ...أشمالها ؟؟
وثالثا :
ليش ظلمه...؟
المثل شمس الله تضوّي
من جنوب المنطقه لشمالها ؟؟
وعدنه فلاحينها.... وعمالها
رابعا : ياعراقي ...كلها تترجاك تعدل حالها

رحيم الغالبي

#رحيم_الغالبي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات