رحيم الغالبي
الحوار المتمدن-العدد: 2699 - 2009 / 7 / 6 - 09:48
المحور:
الادب والفن
حسن السريع
حسن اسرع من سريع وفجّر الثوره
حسن كظ الرسن ... وافكاره المهره
حسن حنه الجفوف بحنته الحمره
حسن بيه تحفل كل الرفاق واصدقاء الحزب بالشطره
وبكل العراق
اصبح
منارة للشجاعه ... وقمته خضره
بساتين او ورود الخضرت من تسمع بطاريه
رفع راس الزلم ... بايامها الخطرة
شطب فوك الشباطيين
بعقر ديارهم وج الشرارة
وشال رايات التحدي ورايته الحمرة
حسن....هذا الفراتي
ابن العراق ....
بن 14 تموز ياخذ ثارهه
وكسر انياب الذيب والغربان تحوم اعله العراق
وصوت الموت ببيوت الاهل
عم الدمار الخبط كل الناس
تحداهم ....
مشه بخطواته
بس الحيف
ولو احنه الحزام الي يشد ظهره
الزمن غدار...للشجعان
وظل تاريخ يضوي
بكل افق ....
ولو مر الوكت ..
ينحني يم كبره
حسن حنه الجفوف بحنته الحمرة
*** رحيم الغالبي ***
#رحيم_الغالبي (هاشتاغ)
كيف تدعم-ين الحوار المتمدن واليسار والعلمانية
على الانترنت؟