أوباما جاى عشر ساعات

صفوان الحريرى

الحوار المتمدن-العدد: 2668 - 2009 / 6 / 5 - 07:21
المحور: الادب والفن
    

قصيدة زجلية للترحيب بقدوم ابوما للقاهرة عشر ساعات
أوباما جاى عشر ساعات
حمامة بيضة طارت يانينا *
حمامة سمرة جيبها اوباما
وجايب السلام
عشر ساعات
يا شعب ما مات
قلبوا البلاد
هبلوا العباد
مصاريف هديره
مسح ونضافة
مليون جنية تلميع ازاز
مليون جنية رش جاز
وآللاه حرام
يا ام الدنيا والبنت مونيا
وبيع الكلام وشِرا الكلام
سياسا بيكيا
نشترى سكسونيا ووعود ألامونيا
وكلام ديمقراطي ووعد فاضي
وفهم واطي
ياساسة افهموا
مش كل كبيرابونا
مش كل كبير قاضي

ابونا أوباما مش لينا فاضي
واحنا عرب عيال
كلامنا كنير نخاف الغفير
والعمدة فينا خايف يكح الكرسي يطير
ابونا أوباما اخر أياما
ببدلة شياكة باجمل حياكة
مامراته سمارة عسولة خياطة
متوضعة واخر الاجة

حيزور الهرم ويبص علي
جامع السلطان حسن
يابن حسين كنت زرت الحسين
وفهمت هناك
ان البطل لازم يتخان
طول التاريخ لكل بطل يطلع الف جبان
وفي النهاية يدبحوه ويخونه ويزوروه
ويدفنوه في الف مكان

يا عم أوباما شعبنا صاحي
رغم التلوث رغم التكلس
رغم التفلس رغم التهلس
شعبنا صاحي
والله ما هاتحل حاجة ياعم أوباما
دنيا مصالح
ولا انت ناسي كلام عم صالح
لما باع للهبل البحر المالح
وقال مش حرام
في الدنيا اختر دماغك باهبل با فالح
كلمة في ودنك
سيبك من الاستقبال الرسمي
تعال عندنا احنا الشعب
اضرب طبقين كشرى
رز وعدس وبصل ومكرونة ودقة بالشطة
كل السياسة اونطة وفلوس في شنطة
واضرب حجرين نضاف هدية الاضياف
عايز كلام انصاف
بنحبك علشان اسمر زينا
لكن قلبك صار امريكاني
مش عيب تحب بلدك وتحب مصالحها
او ع تحسبنا زى صحبنا فكرين معاك الحل
ما يشيلك الا رجلك
ما يطعمك الا كفك
صباح الفل ياعم أوباما
وواع تنسي تزور الحسين وتفهم الكلمتين
* مقطع من اغنية شعبية لشيخ الغناء العربي سيد درويش

#صفوان_الحريرى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات