|
اولادنا والعولمة
راندا جمال
الحوار المتمدن-العدد: 2665 - 2009 / 6 / 2 - 08:10
المحور:
العولمة وتطورات العالم المعاصر
مقدمة : اولادنا هما تطورنا هما مستقبلنا ومفيش شك ان كلنا عايزين نشوفهم فى احسن المستويات و نظرا لاهمية اولادنا فى قلوبنا انا هتكلم عن موضوع يمكن البعض تكلم عنه فى السابق وهو موضوع العولمة ولكن لم يتم الحديث عن اولادنا والعولمة بشكل منفرد قبل ما اتكلم عن اولانا والعولمة تعالو بينا الاول نعرف معنى العولمة
معنى العولمة : العولمة هى اننا عايشين فى العالم الكبير دة فى دول مختلفة بعيدة عن بعضها البعض لكن فى ظل التطور الهائل اصبح العالك الكبير دة قرية صغيرة مرتبطة بعضها ببعض
الحال زمان ودلوقتى
كمان انهاردة تقدر وانت فى بيتك بريموت صغير فى ايدك تلف العالم وانت قاعد فى مكانك وتعرف اخبار العالم من حوليك .
زمان لما كنا عايزين نبعت رسايل كنا بنرسلها فى رجلين الحمام الزاجل واللى لما كان بيسافر كان بيقع فريسة للصيد وبتروح رسايلنا لناس تانية خالص
او كنا بنحط الرسالة فى ازازة ونرميها فى البحر وانت وحظك يا توصل يا متوصلش
مفيش حاجة نقدر نخبيها اليوم - لكن دلوقتى فى ظل العولمة الجديدة والعالم الصفير اصبح فى امكانك تعرف الخبر فى نفس اللحظة مبقاش فى حاجة نعرف نخبيها والمعلومات اللى كنا بنقول عليها اسرار دلوقتى ممكن تلاقيها بسهولة على النت .
- ودة بيطرح فى الاذهان سؤال مهم جدا وهو
سؤال اية هى فائدة التكنولوجيا دة؟
- التكنولوجيا دى اتعملت عشان راحة وسعادة وتقدم الانسان
- يعنى لو قلنا اننا عندنا حضارة يبقى كل واحد فينا اكيد ساهم فى صناعتها ولو مكانش الواحد منا مساهم علية ان يسأل نفسه لية مش بيساهم فى صناعة هذه الحضارة.
الحضارة المصنوعة سابقا لاهلها والحالية لنا
- كمان لازم تكون المشاركة دى مش بس مشاركة لفظية ولا حتى مشاركة تاريخية لان الحضارة اللى اتعملت فى السابق كانت لاهلها والحضارة المصنوعة الان لاهل هذا الزمان فى الحالتين كان فى حضارة بس فى الاولى الاستفادة كانت بجزء ضئيل جدا من الحضارة اما فى الحالة الثانية فالاستفادة الحالية من الحضارة استفادة كلية .
تعالوا بقى نتساءل ولادنا فين من المنظومة الجديد ة دى .؟
- مؤكد اولادنا حظهم احسن منا لانهم فى زمن التكلنولوجيا العظيمة دى ويقدروا يستفادوا منها ولكن عندنا مشكلة بنعانى منها فى مجتمعاتنا العربية وهى
الاستخدام السيئ لهذه التكنولوجيا
- بعض الشباب ومش هقول كل الشباب بيسئ فى استخدام هذه التكنولوجيا الرائعة
- الجزء اللى بيستخدم التكنولوجيا اللى لم يصنعها بطريقة سيئة هو بيسئ للكثير من شبابنا المحترمين الموجودين فى بلادنا واللى بيستخدموا هذه التكنولوجيا بطريقة سليمة وجيدة .
- انا عايزة اقول لشبابنا دة ان انا حزينة عليهم لانهم مغرر بهم وان الناس اللى بيستغلوهم دول مش قادرين يقعدوا ويستخدموا الكومبيوتر فى اغراضهم الدنيئة ولكنهم بيستغلوكم انتم
مثال:
- زى بالضبط كدة لما يكون عندى قلم جميل معمول عشان انا اكتب بيه ولكن انا بمسك القلم وابتدى اشخبط بيه على حيطان بيتى وسخت بيه البيت وكمان خرجت للشارع وبديت اشخبط على حيطان المجتمع وسخت بيه مجتمعى وبدال ما استخدمه بطريقة صحيحة فى مكانة الصحيح استخدمته بإسلوب ضرنى وضر اللى حواليا
- عشان كدة احنا لازم نقول لاولادنا اللى بيغلطوا فى حق مجتمعنا بلاش تبقوا انتوا الوقود اللى بيتحرق من غير ما يستخدم
مثال: - زى واحد معاه جالون بنزين وبدل ما يستخدمه فى السيارة للوصول لهدفه راح مولع فيه هوا كدا فى الحالتين استخدمة فى الحالة الاولى كان هيستخدمه لمصلحته والثانية استخدمة بطريقة غلط مفيهاش اى مصلحة ليه .
- طيب اية العمل فى المشكلة دى واية الحلول اللى بيها نقدر نخلص من المشكلة دى ؟
الحلول
1) الاسرة ودورها :
- على الاسرة انها توضح لاولادها كيفية التواصل مع العالم المفتوح دة بشكل جيد وبإسلوب محترم
- عن طريق استخدام التكلنولوجيا للاستفادة منها ويعلموهم انهم يستخدموها فى تحرى الحقائق والاشياء حتى لا يقعوا فريسة للاحتيال والنصب
- كمان انا عايزة انوه الى اننا كلنا عايزين نربى اولادنا على الاستقلالية ودة مش هيحصل الا لما نعدل من طريقة تعاملنا معاهم
- يعنى اية الكلام دة يعنى بدل ما نبقى مراقبين عليهم نكون ملاحظين ليهم ونتابعهم ونقول ملاحظات ليهم ونحاول نوجههم بطريقة غير مباشرة ونخلق فيهم روح الابداع
دور المدرسة:
- اولادنا بتعلموا فى المدارس ازاى يستخدموا برامج اكسل وورد وازاى يدخلوا على النت
- والوزارة عاملة ليهم كتاب رائع بسعد لما بشوفه جدا
- لكن بجانب الكتاب دة احنا محتاجين لمنهج تربوى يقوم على توعية اولادنا
- منهج يشرح بالامثلة مساوئ واضرار الاستخدام السلبى للتكنولوجيا ويشرح الاستفادة منها بطريقة جبدة
- منهج يعلمهم التكنولوجيا دى معمولة علشان اسعادنا وتقريبنا من بعضنا البعض مش علشان تبعدنا وان علينا ان نستخدمها لقبول الاخر بكل اختلافاته
- وانها اداة لنبذ كافة التعصبات وليست اداة لبث الكراهية وتصفية الحسابات بينا وبين بعض
- وبدل ما ابعت رسالة اشتم فيها الاخر اقوم بالتحاور معة ومناقشته فى اللى احنا مختلفين معاه فيه ولو حصل اختلاف ميكونش رد الفعل هو السب بل تكون الحوار الهادئ الراقى .
دور الاعلام - انا شايفة ان اعلامنا مش مدى الموضوع دة اهمية كبيرة غير انه بس مستغله فى بعت رسائل للبرامج الحوارية او فى طلب اغانى
- احنا عايزين اعلامنا يفرد عدد من الساعات فى القنوات لبث برامج وعمل اعلانات تنوه عن اهمية استغلال هذه التكنولوجيا بالطرق الصحيحة
- وانها وسيلة مربحة جدا وان عليهم استغلالها فى عمل برامج ويستفادوا من بيعها ماديا
- دة بالاضافة الى العديد من البلدان دلوقتى عايشة على ارباح بيع هذه البرامح فى الانترنت
- ونوريهم نماذج ناحجة من شباب استخدم هذه التكنولوجيا بطريقة سليمة عادت عليه بالربح المادى
- ونقولهم ان الدولة موفرة عدة معاهد وكليات بيتخرج منها فنين فى مجال الكومبيوتر وان لو حطيناهم فى المكان الصح هندخل بيهم لعصر متقدم
- وبدل مانكون مستهلكين فقط لهذه التكنولوجيا نكون مشاركين فيها وندفع عجلة التطور ونشارك فى عمل الحضارة الجديدة دى بيهم
#راندا_جمال (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
مفهوم العدل والتسامح
-
اموت كل لحظة
-
العالم اليوم جزيزة من الاغنياء تحيط بها بحار من الفقراء
المزيد.....
-
نعمت شفيق تعلن استقالتها من رئاسة جامعة كولومبيا بعد أشهر من
...
-
استقالة نعمت شفيق من رئاسة جامعة كولومبيا على خلفية احتجاجات
...
-
رئيسة جامعة كولومبيا تستقيل بعد أشهر من الاحتجاجات الطلابية
...
-
بايدن مازحا خلال لقاء في البيت الأبيض: -أنا أبحث عن وظيفة-
-
ثوران بركان إتنا في جزيرة صقلية الإيطالية (فيديو + صور)
-
جي دي فانس: يجب على الولايات المتحدة أن تتوقف عن لعب دور شرط
...
-
هيئة الأركان الأوكرانية تعترف بتوتر الوضع بالنسبة لقواتها عل
...
-
جنرال بولندي يتوقع حربا وشيكة بين أعضاء الناتو
-
والز يعلن استعداده للمناظرة مع فانس
-
ديمقراطيو كاليفورنيا يدعون إدارة بايدن إلى تجنب -دوامة الموت
...
المزيد.....
-
النتائج الايتيقية والجمالية لما بعد الحداثة أو نزيف الخطاب ف
...
/ زهير الخويلدي
-
قضايا جيوستراتيجية
/ مرزوق الحلالي
-
ثلاثة صيغ للنظرية الجديدة ( مخطوطات ) ....تنتظر دار النشر ال
...
/ حسين عجيب
-
الكتاب السادس _ المخطوط الكامل ( جاهز للنشر )
/ حسين عجيب
-
التآكل الخفي لهيمنة الدولار: عوامل التنويع النشطة وصعود احتي
...
/ محمود الصباغ
-
هل الانسان الحالي ذكي أم غبي ؟ _ النص الكامل
/ حسين عجيب
-
الهجرة والثقافة والهوية: حالة مصر
/ أيمن زهري
-
المثقف السياسي بين تصفية السلطة و حاجة الواقع
/ عادل عبدالله
-
الخطوط العريضة لعلم المستقبل للبشرية
/ زهير الخويلدي
-
ما المقصود بفلسفة الذهن؟
/ زهير الخويلدي
المزيد.....
|