يردس حيا الماشايفها

كريم الثوري

الحوار المتمدن-العدد: 2642 - 2009 / 5 / 10 - 05:36
المحور: كتابات ساخرة
    

يردس حيل الماشايفها......والشافها يلفلة عمامة؟

طالعتنا احدى الصحف البغدادية يوم الاحد الماضي بعنوان ينتمي الى منظومة خالف تعرف تحت عنوان
مكة المكرمة وحق العراقيين في السيادة عليها؟! وكاتبه يُدعى فظل محي الدين سوري الجنسية عراقي الهوى وزبدة الاحكام تتلخص في محور يدور حوله مجال البحث فيقول وعليه ، وطبقا لقاعدة الحق التاريخي في عائدية ملك الأجداد لأحفادهم ، يصبح من حق العراقيين المطالبة باستعادة ما بناه النبي ابراهيم ( ع) ، كما هو مثبت في الوقائع الدينية والتاريخية - فليس هناك من يستطيع الانكار بان نبي الله ابراهيم ( ع) قد ولد ونشأ وترعرع في أور العراقية ، كذلك فان الثابت الذي لاجدال فيه ، بانه وابنه اسماعيل هما من بنى مكة المكرمة .
ولغرابة الموضوع والطرح ارتأينا أن نواجه غرابته بغرابة انجع في لغة الدارج العراقي لعل ( الحسجة) العراقية بمدلولاتها التي تخترق الجلد الى العظم ونبرتها القريبة من غضب انساننا العراقي الموجَع بكوارث تاريخه الدامي هي الاقرب لهكذا طرح ساذج:

على اساس احنة اخذنه حقونا بالكامل من الكويت ورَجعنا مو بس النفط اليشفطونه يوميه والكلوب كبل العيون تشوف لاع رجعناها بالكامل ورجعنا حوبة سيد عبد الكريم قاسم المطعم سني شعي وهيجي عدنة وحدة العراق وهيبتهم سنه وشيعة. وهذا الوطن منبيعه..
.
وعلى ا ساس همينة ردينا الصاع صاعين لايران الي يوميه خري مري داخلة خاركة- خاركة داخلة على كولة عادل امام وهو هم سيد وجدة محمد رسول الله وكلنه ساده بالمناسبة ورجعنة كل حكوكنة منها وهم فوك الصاع صاعين رجعنة اراضينة وماينة واسرانة الاموات والاحياء وكلنالها اوكفي عند حدج ولج ولا يومية طالعتنة بداوركيسة وانتي من جوة اللحاف تاكلين ويه امريكا بماعون واحد وتشرببين نارجيلة بالترياك وجاي ابو القند

وعلى اساس احنه وسوريا صرنا....بفد لباس وكالتنه بويه اسفين التوبة من هل نوبة ماسويها بعد خلص ماكو ارهابين يدخلون ويطلعون براحتهم ولا قواعد بعثية وماوية وشقندحية باراضينا من اجل اليوم الموعود لبيان رقم واحد المنتظر وراح هم اهديلكم شوية ماي علمود الهوايش ترتوي والسمج يرجع يلبط بالفرات والزراعة لازم تعود الاصلها حنطة وشعير وشِلب وحندكوك وكوك الله وخبز شعير وهنيالك يافاعل الخير..
..
وعلى اساس تركيا بجيبنة الصفح وخطية ماعدها اطماع بجغرافياوتاريخ ووطنية العراق وخطية ماعدها اطماع ويانة وحلفت بشرف اتاتورك الخالد وكالت بوية ترة الموصل عراقية وتركمان كركوك همة منكم وبيكم تتصافون وياهم واصلهم عراقيين مو اتراك احنه متوهمين واسفين وهو راح اهدلكم الماي كلياته على الفرات حتى تكولون بوية بس ترة راح يغرك العراق وياعوران اخذوا راك الشط....

وهكذا دواليج طلعت مالتنة مو مال سيد ماركس على كولت سيدنا على الوردي لان الديالكتيك غلط واسمه بالعربي هكذا دواليك تره....
طلعنه اخونا السوري في جريدة عراقية بعنوان طويل عريض جنه همر امريكية ويكول بعنوان احمر ماوي جنة قدود حلبية مكة المكرمة وحق العراقيين في السيادة عليها
ناقصتنه بعد فد مكة المكرمة حتى تكمل السبحة ونحتلها لانها عراقية قُح الاقحاح وتصير مربعتين مقبطة على الصوبين شرق ورصافة على طريقة المطرب النسيت اسمه – ارد اسال الصوبين شرق ورصافة......
هللله هللله بوية ما هكذا تورد الابل بوية ما تكلنه انت طلعتنه من ياصفحة ومنو الدزك علينه ولك يامشعول الصفحة خلينة نسوي دولة وعلم متفقين عليه وانشف الدم المالي الشوارع وعود بعدين نشاور نفسنة ونشوف منو الدزك علينه..........
صدك لو كالوا طي...ن بفد لباس؟
استحي على ويهك كولت جدتي مشعولة الصفحتين كرخ ورصافة ترة نردك لفردة امك ناقصين احنه جاي تثرم بروسنة بصل وتبيع كيرك عل كيارة ترة احنه مفتحين بالتيزاب متشوفنه كلش مطفين وبايعين فرارات بخبز يابس ماتشوفنه كلش فقره
روحححححححح ملينه مو حتى ثلج كلينه متشوف ماكو ثلج والكهربا دواليك
رحمة الله لروح الديس الرضعته علي الوردي محد فهمك ومتت بحسرتك
وهسة اهل الحداثة وما بعد الحداثة كاعدين ركبة ونص و يكولون والله جان مظلوم علي الوردي ايباخخخخخخخخخ
اخ لو مشتغل لباخخخخخخخخخخخخخخخخخخخخ
جان لبخت باب بيتكم؟

#كريم_الثوري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات