مطر..

سامي عبد المنعم

الحوار المتمدن-العدد: 2539 - 2009 / 1 / 27 - 05:28
المحور: الادب والفن
    

مر بيه بستانك ..

مثل طيف الحلم

واختلط عطرك ويه القداح

وابهيده مشه ابدمي قصيده

مثل زخات المطر ..

سالت ابروحي.. ابهيده هيده

وچلچلت تينه عليه ..

وداخ بيه النهد..

من گطرت بشفافك عشگ

انه ودي انطير بجناحين.. بس

خاف الدفو ياخذنه غفله ونحترگ

وخاف اتيه ابلون خدک

وخاف تسحرني الرموش.. واعتلگ

ردت اجيسك...

جست حبات النده..

الذايب ويه النعناع..

وبهيده ذبت

مثل فراشه..

طرت من بين اديه.. وفرفرت

وچن گمر بلور..فز بيه وشبگته

وبالضوه النعسان بستانك سبح

ودارت ابروحي الحديقة الوان ..

وافتريت وي قوس القزح

وتالي ...

تالي شفت النوم بعيونك حزين

والتهينه ..

وردت اصيحك ...

خفت شجرة لوز تتصنط حچينه..

ويجفل ابروحي الحنين

ابگلبي قيثارة عشگ ..

تعزف مطر طول السنين

وسچه.. لا ريل اليمرها .. ولا سفر

بللتني ابلا رعيده.. ولا مطر

ونمت بعيوني محطات وسهر

راح اصليلك.. وارد اردود

بلكي اتخضر ابعمري نهر

+++++++++++++++
المانيا
--------------------------------------------------------------------------------
http://m1.ankido.net/news.php?action=view&id=1021

#سامي_عبد_المنعم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات