حسين جهيد الحافظ
الحوار المتمدن-العدد: 2509 - 2008 / 12 / 28 - 07:05
المحور:
الادب والفن
الرسالة الثانية / اِشطوط الصبر 2000
اِمعسرات الليالي اِبعشرتي ويّاك
واِشطوط الصبر جفت شواطيهه
خنياب الحزن بالروح
نهران الألم فاضت سواجيهه
سفّان العمر عله الشراع اِبريح
ضبط كل صواريهه
أخذ كل اليريده اِوياه
لحگ روحي
على الباجي اِبتواليهه
اِخوّه الحسره والدلال
واِعيون الفرح واحات
بس دمع الحزن مر اِبچواليهه
دنيه اِو خاوت الغدّار
واِنياب الهجر فالات
شچت وأوجرت بيهه
بس ومضة أمل ملگاك
بعدهي اِنراهن اِعليهه
بيهه اِنلاوي چف الموت
و اِنزامط يراعيهه
أينعت تدري وحصادك حان
كوم اِبمنجلك ليه
#حسين_جهيد_الحافظ (هاشتاغ)
كيف تدعم-ين الحوار المتمدن واليسار والعلمانية
على الانترنت؟