دلّينه الشمس عالباب

رحيم الغالبي

الحوار المتمدن-العدد: 2467 - 2008 / 11 / 16 - 06:40
المحور: الادب والفن
    

من سنين مدينه جسر للدنيه
....درب الناس
وشدينه الشراع جروح
من سنين....دلينه الشمس وكت المغيب اتروح
......... واندلت درب جيتها بينه
من سنين ...تانينه الجرف ، والروجه
. . . تبجي هناك
اجيت ألنه جرف بي تحلم الكمره :
بحبايبها
بكصايبها
بعرسها الجاي من ابعيد
احط حبك علامه بكل بريد..
. . . بليل الولايات
اصير الكم محطه ولو اجيتوا اليوم
.. توكف للفرح روحي ، منارات
احيرن من حنين البارحه ، بروحي ،
. . . لعب راس السنه
..... والعيد
. . . والبارات
ينساني الفرح.... وابجي
اعيّد بيك
افتح دفتر همومك ، اشوفك سجه تعبانه
. . . . . . اشارات
خسارات ..،
ينساني البجي وافرح ، بريد
بليل الولايات . . .
واسرار البواجي اعله الجفافي ، انكتبت
بكل عيد
اشب ممشه ومواعيد
ومطر
واشجار
اجيت ألنه جرف
– دوّخ تواريخ السفن -
– والليل...والروجه ، التدير الريح : من تندار
– من تندار التدير الريح ، الروجه :
– الروجه : بجت لك ... للفرح ..
– . . . من يحفر بروحي محبه ابيار
– بجت لك من لكت بيك الحنين انهار..
من اتغار ..
يتبده الحنين بروحي من اتغار
اجت لك والزغار البيك. .
كبروا للوطن نجمه
حنيني اعليك لايام الزغر
والبيت
والنجمه..
التحبها ، وما تدلي اعليك
....
وكيّفت من لكيت اسمك بشارة..بكل محطه
بكل جريده
ومن فرح عشكك ، رسمت الصورة للدنية
اعله
حيطان
السنه
الحلوة
الجديدة

1973 – نشرت في جريدة طريق الشعب عام 73

#رحيم_الغالبي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات