من قصائد الراحل عبد الأخوة التميمي قصيدة ( جمرة حب )

نزار عبد الاخوة التميمي

الحوار المتمدن-العدد: 2454 - 2008 / 11 / 3 - 06:43
المحور: الادب والفن
    

من قصائد الراحل عبد الأخوة التميمي قصيدة ( جمرة حب )

تم كتابه هذه القصيدة بتاريخ 10/5/1974

ﮔلبي ابكثر شوﮔﭻ إنچوه وتلملمت جمراته
مصلوبه حسراته ابحلگ حلوه اشكثر شوغاته
مطلوب منّه أيحب طبع زين او حلو عاداته
او متلولح ابحبل الوفه وحبل الوفه شمحلاته
********
اتغصغص ابشم الهوى واشهگ واشم طيباته
واغسل جرح گلبي ابعطر واشرب خمر وجناته
تتمرجح ابنار الوصل كلمن يدغدغ ذاته
او نتواعد بلايه وعد واحلى الوعد صدفاته
واحنه نحب واكتب شعر حب وطرب
والدنيه حب
والناس كلهه شما تحب
حلوه الشعر چلمتاه
واني أظل انشد واﮔول
ﮔلي شنهو اللي تحبه اوما تگول ؟
أرد انشد من الناس ومن اليحبون
ليش المحبه اتصير جمره وبالعيون


نزار عبد الأخوة التميمي

#نزار_عبد_الاخوة_التميمي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات