عودة عبعاطي *

صلاح الدين محسن
كاتب مصري - كندي
(Salah El Din Mohssein‏)

الحوار المتمدن-العدد: 2453 - 2008 / 11 / 2 - 06:35
المحور: كتابات ساخرة
    

انهالت الملامة علي المؤلف من كل حدب وصوب . بعدما طالع القراء روايته " عبعاطي " .. !
فها هو مثقف وناقد صديق يكتب له عن عبعاطي : شخصية قتلها المؤلف .. كيف ينهي المؤلف روايته بموت شخصية كشخصية عبعاطي ؟!

وهذا . القاريء الواعي . يحكي له حديثا ظنه بعيدا عن موضوع الرواية ، وانما حكي عائلي واخوي بينهما . اذ يقول له : " أنا عمري ما بكيت الا علي 3 أشخاص فقط : جدتي . عليها الرحمة ، وابني الذي مات وهو طفل رضيع . بعدما تعذب في مرض الموت .. ، وعبد العاطي . " ...

عرف المؤلف موضوع موت الجدة . فهو يعرفه ، وعرف بموت ابن قريبه ، اما عبدالعاطي هذا فلم يفهم من هو عبد العاطي ؟! قال في نفسه قبل سؤال قريبه عمن يكون عبد العاطي الذي مات وبكي عليه ؟ ربما يكون قريبا لنا قرابة من بعيد وقد نسيته ، وربما كان زميلا لقريبه عندما كان مجندا بالجيش ، وربما جار له كان عزيزا عليه .. ولكنه فضل سؤاله قائلا :
عبد العاطي من ؟ ذاك الذي بكيته عندما مات .. !
فكانت الاجابة هي أغرب شيء توقعه . عندما رد قريبه بجدية تامة : عبد العاطي . في الرواية التي اعطيتني نسخة منها .. . لقد بكيته بحرقة عندما مات في نهاية الرواية .. .. !
فلم يتمالك المؤلف نفسه من الضحك . وفي نفس الوقت احس بالذنب أو بالخطأ الفني الذي ارتكبه بجعل الموت لبطل روايته هو النهاية .. اذ أن هذا هو القاريء الثالث الذي يبدي اسفه علي موت عبعاطي .
بطل الرواية المسماة باسمه " عبعاطي " .
أما الشخص الثالث الذي لامة بشدة كثر . بسبب عبعاطي .. فهو موظف مثقف محب للقراءة واعتاد قراءة ما يكتبه المؤلف . وكان قد اخذ نسخة من الرواية عقب صدورها عام 1997 . وفوجيء به المؤلف يأتيه قائلا بلوم شديد وهو غاضب وبجد : أستاذ .. موت عبعاطي ليه ؟ ! ليه تموت عبعاطي ؟!!

قالها القاريء – ف – كما لو كان المؤلف قد قتل أو أمات . ظلما وعدوانا شخصية حقيقية فعلا لا مجرد شخصية في رواية وان كان بطل الرواية ...!

من يومها عزم المؤلف علي التكفير عن خطيئة قتله بطل روايته - بانهاء الرواية بموت البطل الذي اتضح أن القراء قد احبوه جدا بقدر ما احبه كل أهل قريته - في الرواية - . خاصة وأن قارئا نصحة بامكانية كتابة جزء آخر للرواية - أو ملحق - بعنوان " عودة عبعاطي " ...
-- -- --
-- -- -- -- عودة عبعاطي -- -- -- --

عاد " عبعاطي " بالفعل من قبره علي يد المؤلف نفسه . فبعد دفن عبعاطي وسط حزن عميم من كافة صغار وكبار اهل القرية . الذين بكوا تلك الشخصية الفريدة لمجذوب القرية . التي تختلف عن كل شخصيات مجاذيب القري المصرية التي لا تخلو واحدة منها من مجذوب مثلما لا تخلو من ضريح رجل يقولون عنه " الشيخ " ويدعونه وليا من أولياء الله . ويحتفلون بمولده سنويا ...

لم يكن عبعاطي درويشا كهؤلاء المقطوعين من شجرة لا يعرف لهم أحد . في الغالب . أهلا أو قارب . بل كان " عبعاطي " من احدي كبري وأهم عائلات القرية وأكثرها هيبة . كان " عبعاطي " رجلا ميسور الحال . لا يعيش علي الدروشة . والاعتماد علي صدقات الناس الكرماء وعطفهم . كلا بل كان يمتلك أرضا زراعية يوكل أحد المزارعين لزراعتها تحت اشرافه . بالمشاركة مما يعود عليه بدخل لا بأس به . وكان يجري قليل من الصفقات التجارية سنويا . تعود عليه بدخل طيب . فيعيش في بحبوحة تساعده علي التفرغ باقي شهور السنة للدروشة والانجذاب . وأبيضا مساعدة المحتاجين والتعامل مع المعارف بكرم بالغ وحسن ضيافة يضرب بهما المثل في القرية . وشخصيته المتميزة بخفة الظل والحضور اللطيف المحبب لقلوب الناس واعتيادهم علي التفاؤل برؤيته في الصباح . عندما يكون أول من يقابلونه . و لاعتياده الوقوف بجانب المظلوم والضعيف حتي ينتصر له .. كل ذلك جعل ذاك المجذوب المختلف هو حبيب كل أهل القرية . وسميرها والمضياف لأهلها والنصير لضعفائها ..

-- -- ** -- ** -- --
في نفس ليلة دفن عبعاطي . سمع حارس المدافن . بالكاد . صوتا . يأتي من داخل المدفن الذي لا يزال بابه طريا . حيث دفن لشيخ عبعاطي . . اندهش حارس المدافن . واقترب . وراح يفرك أذنيه وهو غير مصدق . انه صوت الشيخ عبعاطي . هل انا متوهم ؟! هل جننت ؟! هل عفريت يخاطبني ؟ ! ثم يجيب علي نفسه بنفسه : عفريت ؟! عفريت ايه ؟ هو عفريت الا بني آدم ؟ ما أنا طول عمري بحرس المدافن لا شفت عفريت ولا طلع لي حتي قرد ..! أنا جري لي ايه ؟ ح أعمل زي الناس العبيطة واقول عفريت وما عفريت . وكلام من ده ؟! " .

وبعد تساؤلات مع نفسه . خاطب الصوت فتأكد فعلا انه الشيخ عبعاطي . وراي حارس المدافن انه امام حالة نادرة الحدوث . دفن شخص يظن وفاته وهو لم يكن قد مات فعلا ثم يفاجأوا به وقد استرد وعيه ..

فتح الحارس المدفن .. وساعد الشيخ عبعاطي علي الخروج .. انها مفاجأة غريبة ..
دوي الخبر بالقرية فهلل الناس وكبروا جميعهم من الفرحة بعودة الشيخ عبعاطي . واعتبروها كرامة من كرامات المجاذيب والمشايخ الواصلين مع الله . وعدوه دليلا علي أن الشيخ عبعاطي هو فعلا من أولياء الله .. ! .
-- -- -- --
راي عبعاطي أن يبدأ حياة جديدة . بأن يتعلم القراءة والكتابة معتمدا علي ذكائه الحاد وسرعة الحفظ عنده التي كانت تجيز له الجلوس مع مثقفي القرية وتكسب له حبهم وحرصهم علي سماع تعليقاته اثناء نقاشاتهم .

بالفعل . تعلم الشيخ عبعاطي القراءة والكتابة بسرعة . في وقت قياسي . وحقق أمله في اقتناء كومبيوتر . ليستخدم الانترنت كما كبار مثقفي القرية ويعرف منه كل اخبار الدنيا وخاصة غير المسموح به في اعلام بلده .. لكي يعرف حقيقة ما يجري بالنيا كلها بالخارج وبالداخل مما لا ينشره الاعلام ..

---*** ---*** ---

ع المصطبة

====
علي مصطبة الشيخ ابراهيم " شيخ البلد " وابن عم الشيخ عبعاطي . رحب به مجموعة الجالسين عند مروره . ودعوه للجلوس معهم قليلا ليسعدوا بحلو حدثه و بظرفه وخفة ظله . كان الجالسون علي مصطبة شيخ البلد . خمسة أفراد . وسوف يغفر القراء للمؤلف أنه - بسبب الشيخوخة - لم يعد يتذكر من الاسماء سوي اسم " الشيخ عباطي " فقط . فيذكره في النقاش الدائر بين المجموعة . و يكتفي بوضع شرطة - بدلا من اسم كل واحد من باقي المجموعة المشاركة في الحوار ويمكن لكل قاريء أن يضع من عنده أسماء . أية اسماء ، وهل يفعل المؤلف غير ذلك . ؟! . المهم ان الرواية تمشي ، وما تعقدوهاش بقي .. ! :

- تعالي هنا يا شيخ عبعاطي ..
- عبعاطي : لا ما اقعدشي جارك دا انت ابليس ..
- ( الجميع يقهقهون . من ظرف وفكاهة طريقته في الكلام .. ) .

- أخبار الدنيا ايه يا عم الشيخ عبعاطي .. عشان انت عندك انترنت . الجرايد اللي بنجيبها دي كلها كدب . جرايد حكومة ! . وجرايد المعارضة بتجيب نص الحقيقة وبتخاف تقول النص التاني ..
- طبعا بيخافوا علي روحهم . الحكومة بتقفلها لهم علي طول لو قالوا النص التاني م الحقيقة .
- اما ايه ؟؟ ما هي الحكومة موش عاوزة حد يعرف الحقيقة ..
- آه . الحكومة تخاف موت من ان الناس تعرف الحقيقة
- يعني الناس في ايدها ايه تعمله . عرفوا الحقيقة ولا ما عرفوهاش ؟! ما شوية الحقيقة الصغيرة اللي الناس عرفاها تكفي تقلع ستين حكومة . بس هي فين الناس ؟ كله ملهي في لقمة العيش . اللي ما عادتشي تتكال . ولا لقينها حتي . الا بالطابور ..
- طيب خلونا بقي نسمع عمكم الشيخ عبعاطي .. ايه الاخبار علي الانترنت يا عم عبعاطي ؟

الشيخ عبعاطي : ( يتنهد ويعدل عمامته بطريقته الفكهة التي تثير ابتساماتهم ) والله . أخبار ما تسرش ..
( الجميع يضحكون فأية كلمة يقولها الشيخ عبعاطي ، أو أية نظرة أو عندما يسكت . يثير ضحكات وابتسامات من حوله ) .
ليه خير يا عم الشيخ ؟! حصل حاجة ..
عبعاطي : ( وهو يهز رأسه ويتنهد . فيضحكهم ) الخير حييجي منين ؟! أخبار تزعل ..
- يعني حاجة تخصنا في مصر ولا في دولة تانية بعيد ..
- لا عندنا . عندنا في مصر . حاجة ما تسرش . وكمان يا ولاد هي الدنيا عاد فيها قريب وبعيد . علي الانترنت ممكن تلاقي واحد ولا واحدة اتصلت بتخبط عليك . طالب الاذن بالدخول معاك . للتعارف . تفتح تلاقي واحد من فيتنام واحدة من كمبوديا واحد م الجزائر . واحدة من البرازيل . وكأنا قاعدين سوا علي المصطبة زي ما أنا قاعد معاكوا كده .. ونتعرف علي بعض ..
-
- ياسلام يا ولاااااد . هو الانترنت جعل بلاد الله خلق الله قربت لبعضها كده ؟!
- تكونشي دي العولمة اللي بيقولوا عليها ؟!
- امال ايه .. ولسه حتتعولم أكثر من كده كمان .. كأنكم بتتكلموا في التليفون . وممكن بالكتابة
وممكن تفتح الفون وتتكلم مع اللي طلب التعارف معك من آخر الدنيا وممكن تشوفه
لو مركب كاميرا علي الكمبيوتر وتشوفوا بعض
- دنيا ... ولسه ياما نشوف ..
- ويا اخوانا خلونا هنا . ايه اللي حصل عن مصر يا عم عبعاطي ؟!
- حاجة تزعل قوي وتكسف ..
- خير انشاء الله ياعم الشيخ عبعاطي !
- بيقول لك يا سيدي ان النصاري المصريين . ح يشتكوا اخوتهم المسلمين المصريين . في
الأمم المتحدة ..
- - ايه ؟! يادي الفضايح ؟! اخوات ويشتكوا بعض .. ؟!
- - بقي ده يصح ؟
- - بقي دي موش فضايح وأكبر عيب ؟ !
- - فين يا عم الشيخ عبعاطي : عند العمدة يعني ..
- - ( يزجره ) يا جدع عمدة ايه ؟ بيقول لك في الأمم المتحدة ..
- - ( يهمس بخجل ) هي فين الأمم المتحدة دي ؟!
- - بعيييد
- - يعني عند المحافظة كده ؟
- - يا جدع محافظة ايه ؟ بيقول لك في الأمم المتحدة ...
- - يا أخي بنعرف منك .. يعني بعيدة الامم المتحدة دي ياعم عبعاطي ؟!
- الشيخ عبعاطي : في أمريكا ..
- (مذعورا ) يا خبر أغبر يا ولاد ! في امريكا ؟! بالذمة دي موش جرس وفضايح ؟!
- طيب ليه كده وحيشتكوا بايه للامم المتحدة وحيقولها ايه في حق اخواتهم ؟! يادي الجرسة
والفضيحة ؟
- عبعاطي : بيقول لك يا سيدي ان النصاري حيقولوا للأم المتحدة . ان اخواتنا المسلمين المصريين مغلبينا . واحنا خلاص ما عدناش عارفين لنا صرفة معاهم . فشوفوا لنا انتو صرفة ..
- وليه كده يا ولاد ؟ ! دا احنا جد واحد وجدة واحدة واصل واحد ؟! تقوم الحكاية توصل لكدة
؟! موش عارفين نعيش مع بعض ونشتكي للأمم المتحدة ؟!
- الساكت عن الحق شيطان اخرس .. لهم مشاكل ومحدش بيحل لهم مشاكلهم والناس غلبت .
ولا حتي القضاء بينصفهم . ان نصفهم مرة يظلمهم عشر مرات .
- آآآآآه كله م الحكومة بتاع الكلب .. والله ما جايب المتاعب للخلق كلها في بر مصر غير
الحكومة والألاضيش اللي حوالين المسئولين بالحكومة .. ربنا يرحمنا من دي حكومة ..
- بس والله عيب يشتكوا اخواتهم .
- موش مضطهدنهم . الواحد يقول الحق ..
- ايه يعني لما اخواتهم اضطهدوهم شوية اضطهاد صغيرين قد كدة ( يشير بين اصبعين مقربا اياهمها جدا ) .
- ( يشيح بيده ) همه شوية اضطهاد صغيرين قد كده . خلي عندك ضمير..؟
- امال يعني ايه ؟
- لا .. اضطهاد كبيييير ق ااااادد كده ( يفتح ذراعيه عن آخرهما ) .
- قد كده ولا قد كده .. ايه يعني لما أخوك يضطهدك . موش احسن من ان الغريب يضطهدك ؟
- لا اضطهاد الغريب حنين عن اضطهاد الأخ ..
- يا عم ما الدنيا كوووولها مليانة اضطهاد . طيب هات لي دولة ما فيهاش اضطهاد
- وايه اللي يسكتك علي اضطهاد ؟ سوا جالك من قريب ولا غريب . تسكت علي للاضطهاد لييييه ؟!

- أنا نفسي افهم منك ياعم عبعاطي أصل الخلاف بين النصاري وأشقائهم المسلمين . ان كان جدنا وأصلنا واحد . ؟
- عبعاطي : الحكاية يا سيدي . ان المسلمين بيحبوا اخوتهم النصاري وخايفين عليهم ..
- ( يضحك ) خايفين عليهم من ايه انشاء الله ؟!
- عبعاطي : المسلمين المصريين عارفين ان النصاري اخوتهم . وموش هاين عليهم يسيبوهم يدخلوا جهنم الحمرا لو من آمنوش بمحمد وبالاسلام . فقالوا لك لا .. موش ممكن نسيب اخواتنا يدخلوا جهنم وقدام عينينا واحنا نفضل ساكتين . لازم ندخلهم معانا الجنة يعني لازم ندخلهم الجنة . برضاهم ح
- ندخلهم الجنة غصبا عنهم حندخلهم الجنة ..احنا ما نسيبشي اخوتنا يدخلوا النار أبدا .
- عداهم العيب . طبعا لازم الأخ يخاف علي أخوه ... امال ايه ؟..
- وفيها ايه يا عم الشيخ عبعاطي لو ان النصاري ربنا هداهم . وراحوا الجنة مع اخواتهم ؟
- النصاري موش عاوزين . بيقول لك هما مرتاحين مع عيسي . وموش عاوزين يروحوا
عند محمد .
- طيب ومحمد عمل فيهم ايه ؟
- ما عملشي . بس همه مرتاحين مع عيسي .
- طيب والمسلمين لو هم اللي ربنا هداهم وراحوا مع اخوتهم النصاري عند عيسي . حيجري ايه ؟! موش اخواتهم والاحسن يتلموا مع بعض هنا والا هنا بدل ما كل جماعة تروح في ناحية ؟
- يعني كل المشكلة من تحت راس الجنة والنار؟ طيب والمسلمين حيروحوا الجنة يعملوا ايه في الجنة .. عشان يزهقوا اخواتهم وبزعلوهم كده من تحت راس جنة ونار وكلام من ده ؟ !
- عبعاطي : ايه اللي ح يعملوا فيها ايه ؟! الجنة يا سيدي فيه أكل ونسوان من النسوان اللي تحل من علي المشنقة . غير الغلمان المخلدون والفاكه والأبا وعسل ولبن وخمر بالانهار ولحم طير ومما تشتهون وحاجات زي كده ما تعدش.. فالمسلمين عاوزين يدخلوا الجنة عشان ياكلوا وينكحوا .
- طيب ليه النصاري موش عاوزين يروحوا مع اخواتهم المسلمين . ياكلوا وينكحوا وينبسطوا هناك في الجنة مع محمد ؟
عبعاطي : النصاري ياسيدي يقولوا لك لا .. موش عاوزين رمرمة أكل . ولا نكاح ولغوسة ولا حاجات من دي ..
- امال عاوزين ايه النصاري يا عم عبعاطي ؟
عبعاطي : النصاري يا سيدي عاوزين يفضلوا مع عيسي عشان يدخلوا ملكوت السماء ..
- - وحيعملوا ايه بالصلاة ع النبي في ملكوت السماء . عرفنا المسلمين عاوزين الجنة عشان ياكلوا وينكحوا . طيب والنصاري حيدخلوا ملكوت السماء يعملوا ايه هناك ؟
- عبعاطي : يعيشوا حياة أبدية ويعملوا هللويا . ..
- ( يصرخ ) ايه ؟؟!! هللويا .. ؟! وحياة أبدية في الهلللويا ؟! يعني الواحد يفضل يقول هللويا هللويا لما يسخسخ ويقع من طوله من كتر الهللويا ؟!
- ( يشيح بيده ) ويعني انت عاجبك الأكل والنكاح والكلام الفارغ ؟!. وتفضل عايش كده خالدا مخلدا في أكل ونكاح . حور عين ولا عور عين ؟!.. ده صحيح رمرمة ولغوسة .. وحاجة تقرف اللي نبات فيه في حياة دنيا نصبح فيه في الجنة كمان ؟! دي حاجة تزهق ! .
- عبعاطي : ياسيدي الأكل في الجنة بيقول لك غير الأكل هنا . غيره خالص .
- - حيكون ايه يعني يا عم عبعاطي ؟ آهو كله أكل وكله رمرمة ..
- عبعاطي : يا اخي لا . افهمني بس . الأكل في الجنة أكل من المفتخر ..
- - طيب والنكاح في الجنة حيكون ايه ؟
- - صحيح.. والنكاح والحور والغلمان والكلام الفاضي ده ؟
- عبعاطي : برضه انت موش واخد بالك .. النكاح في الجنة . غير نكاح بتاع هنا خالص ..
- - يعني حيكون ايه يا شيخ عبعاطي ؟!
- عبعاطي : النكاح في الجنة . نكاااح م اللي علي أصوله . نكاح م الاصلي .
- ( الجميع ينفجرون في الضحك وأولهم ومعهم عبعاطي نفسه ) .
- يا وقعة سودة يا ولاد !! كأن النكاح الي كلنا شغالين به هنا .. كله تقليد .. نكاح موش من
الأصلي ؟! طيب والعيال اللي خلفناها دي ؟؟!
- - أصوله ايه وفصوله ايه يا عم عبعاطي ؟!
- هو ربنا فاتح كراخانة عنده هناك ؟! و72 واحدة حوريات لكل واحد ! تفض بكارة الواحدة
تطلع لها بكارة تانية ؟! بالذمة ده كلام ؟! ده موش عك ولغوسة . وكلام موش مظبوط ؟!
- وانت ايه رأيك يا عم عبعاطي في المشكلة دي ؟ يعني موش ممكن نحلها هنا بدل الفضايح وشماتة الأعادي فينا وفرجة الناس علينا في الامم المتحدة . بقي نشتكي بعض واحنا اخوات ؟! ، وفي الامم المتحدة كمان . دي عيبة كبيرة قوي ؟!
- عبعاطي : أنا من رايي ان كل واحد ينام ع الجنب اللي يريحه ..
- ده عين الصح يا شيخ عبعاطي .. كل منهو عقله في راسه وكل واحد يعرف مصلحته . اللي عاوز يدخل الجنة يدخل . والل عاوز يدخل النار هو حر . واللي عاوز يدخل ملكوت سماء يدخل زي ما يدخل . وكل حي حر في نفسه . ..
- يعني يا عم عبعاطي نبقي اخوات ونسيب اخواتنا يدخلوا جهنم ؟ واحنا نبقي قاعدين في الجنة متهنين ؟! وازاي يجيلنا نفس للاكل والنكاح في الجنة واحنا عارفين ان اخواتنا في النار .؟!
- ( الجميع يضحكون .. ) .
- خلونا نسمع عم الشيخ عبعاطي ..
- عبعاطي : مفيش جهنم ولا بتاع من ده . ربنا غفور رحيم . وعشان احنا اخوة مسلمين ومسيحيين . كل واحد ينام ع الجنب اللي يريحه . وده من صالحنا ان ناس تدخل الجنة تاكل وتنكح ، وناس تيخلوا ملكوت السماء يعملوا هللويا .. ده من صالح المسلمين والنصاري ..
- ( يضحكون جميعهم ، بينما يخرج من دار شيخ البلد ابنه يحمل صينية كبيرة محملة بأكواب الشاي فيفرقها علي الجميع مبتدئا بعمه الشيخ عبعاطي ) .
-
- - وايه الصالح في كده يا عم عبعاطي ؟ اننا نبقي اخوات وكل جماعة يروحوا في ناحية ؟! بدل ما نبقي كلنا مع بعض يا نقعد سوا في الجنة ناكل وننكح مع محمد . واحنا مع بعض . يا نقعد سوا مع عيسي في ملكوت السماء نعمل هللويا وفرح أرديحي وحياة أبدية . المهم تبقي مع بعض .دا احنا أخوات وما يصحش نفترق.؟!
- عبعاطي : المسلمين لما يدخلوا الجنة .. لما ييجي وقت يلقوا نفسهم طرشقوا وزهقوا وبعجروا م الأكل والنكاح .. تبقي بسيطة .. أخوتهم موجودين في ملكوت السماء .. في ساعة عصاري كده يفكوا رجليهم ويتمشوا لحد ملكوت السماء . اخوتهم هناك حيستقبلوهم أحسن استقبال وحيفرحوا بيهم . وحيقولوا لهم : الا تقعدوا معانا شوية تعملوا لكم شوية هللويا .. يقعدوا مع أخوتهم ويعملوا لهم شوية هللويا وفرح لحد ما ينبسطوا . وعشان خاطر أخوتهم برضه يمجدوا سيدهم شوية . جبران خاطر . وبعدين يرجعوا تاني للجنة مع محمد .
- ( الجميع يقهقون . مرحا .. بينما عبعاطي يبدو جادا . كما الكوميديان .. ) .
- عبعاطي : ( يواصل اكمال رأيه في القضية ) : والنصاري كمان .. لما يلاقوا نفسهم تعبوا من كتر الهللويا .. عارفين ان اخوتهم المسلمين في الجنة .. ساعة صبحية كده والجو لسة طراوة ياخدوا بعض برابطة المعلم . ويتمشوا لحد اخواتهم في الجنة عند محمد . أخوتهم حيفرحوا بيهم فرح ياما . وحيقولوا لهم . لزما تقعدوا معانا شوية . يمين تلاتة ابدا ما يصحش . اتفضلوا كلوا وانكحوا . بالصلاة ع الحبيب الهادي . أبدا والله الا تاكلوا وتنكحوا . مكسوفين من ايه ؟ كله من خير ربنا ، وخير ربنا هنا ياما . الحوريات كتيييير والغلمان كتيير والنخل والرمان من غير عدد ، يقعدوا مع اخوتهم ياكلوا وينكحوا لما يبعجروا .

- ويفضلوا بشربوا من عسل الجنة ولبنها وخمرها لما يبنجروا / ينبسطوا تمام في الجنة مع حور العين والذي منه . وعشان خاطر اخوتهم برضه يصلوا معاهم شوية ويسلموا تسليما كثيرا علي : خير الأنام .. ونفسهم حتتفتح قوي للصلاة والسلام عليه . عشان حيشوفوا بنفسهم الله وملائكته قاعدين مالهمش شغلة ولا مشغلة غير انهم يصلوا ويسلموا عليه تسليما كثيرا . خير الانام قاعد في النص ومربع .. والصلاة والتسليم عليه . شغال علي طووول . يقعدوا يصلوا شوية مع ربنا والملائكة . علي اشرف الخلق وسيد الأنبياء . وبعدين يروحوا تاني .
- يروحوا تاني فين يا عم عبعاطي ؟! ده اكيد حيعجبهم الصلاة والسلام علي خير الأنام .
- حيلبدوا هناك في الهنا ده . ..
- عبعاطي : وحسب راحتهم . وكده يبقي الكل راضي ومبسوط ويفضلوا اخوات وحبايب .
- الله ينور عليك يا عم الشيخ عبعاطي ..
- يسلم بقك يا عم عبعاطي . ده أحسن حل . ويمنع الفتنة الطائفية .
- أيوه صح ده حل يجيب أجل الفتنة الطائفية .
- تمام تمام . الحل ده يحمي الوحدة الوطنية أحسن حماية ولا : antivirus
- ( يضحكون .. ) .
-
- هنا كان الشيخ عبعاطي قد أكمل شرب كوب الشاي الذي بيده ، نهض بدون استئذان ونظر للسماء نظرة الدراويش المجاذيب وهو يتمتم قليلا ثم انطلق وبيده عصاه الغليظة وراح يصيح : وحدوووه . سبحووووه .. احمدووووه . اذكروووووه . كبرووووه . لا اله الا هووووه .
- --** --** --
* رواية " عبعاطي " طبعت بالقاهرة عام 1997 . أشرنا اليها من قبل في مقال سابق . ان قدر اعادة طباعتها . سوف يضاف اليها المنشور اليوم " عودة عبعاطي " .
=====

#صلاح_الدين_محسن (هاشتاغ)       Salah_El_Din_Mohssein‏#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات