|
ياريتني ما خرجت من باب الدار 2
مريم الصايغ
الحوار المتمدن-العدد: 2452 - 2008 / 11 / 1 - 07:21
المحور:
حقوق المراة ومساواتها الكاملة في كافة المجالات
يا نهار ... كنت متعودة أقول يا نهار ابيض قالوا لي مش كله ابيض كتير بيكون النهار اسود فخليته يا نهار بس !!! لكن النهاردة لازم يكون يا نهار بركان بعد الحمم الساخنة اللي سبقت البركان عاصفة ساخنة مطيرة وتراشق تهم ما شاء الله شغالين ... نجلاء الإمام بعد ما كانت المحامية الحقوقية المساندة للأبد واللي بترفع رايات النصر فجأة بقت ترشق الاتهامات والحقوقيين اللي كانوا يتغنوا بعلو ميزان العدل في مصر بقوا ينوحوا على حال مصر ويرددوا يجب القضاء على العميلة الخاينة !!! يا رب رحمتك بجد محتاجينها !!!
* أحنا عندنا عدد 2 كليب ...
- الأول البنت الشجاعة اللي ناضلت و جريت هيا وصحبتها وقدروا يجروا شريف رجب السمكري سواق النص النقل اللي ظاهر في الكليب انه شخص متحرش - يعني بالبلدي ما بيخفش من ربنا وما عندوش ضمير ولا حياء – لكن ربنا جبر بخاطر البنت الغلبانة اللي أتعرضت لسلبية الناس والشرطة وفي الكليب نفسه وبقوة وتمسك بالحق نشوف منسقة حملة شارع آمن اللي بينظمها المركز المصري لحقوق المرأة و جمعية من جمعيات المجتمع المدني تعمل في مناهضة العنف معاها يساندوها وينددوا بكل شراسة - نابعة من نبل القضية – تنديد شديد بالتحرش يكون السبب في قوة نهى وتمسكها بحقوقها للنهاية وتصعيد متميز للقضية !!! والنتيجة تحصل البنت على حقها وتنطلق الزغاريد ونرفع أعلام حقوق المرأة والإنسان في الحياة ونصفق من القلب لقضاء مصر النزيهة !!!
- على الجانب الأخر كليب تاني بشع تراشق بالحمم البركانية الساخنة بأشد الاتهامات تهم بالعمالة والخيانة والمتاجرة تظهر المحامية اللي كانت بتقول وتندد ... تسب وتلعن في البنت وتقول عليها ...
• كدابة ولا يوجد معها ما يثبت أنه حدث تحرش فعلا !!! يا نهار - ما فيش شهود وصحبتها قال بتقول في أمريكا – ؟؟؟
• وأنها مش مخرجة أفلام تسجيلية وإذا كانت مخرجة فهي تخرج أفلام تسيء لسمعة مصر !!!
• كمان البنت محترفة قضايا تحرش وحصلت على تعويض من ضابط فرنسي لما راحت منحة من المركز الثقافي الفرنسي في مصر لفرنسا يعني البنت راحت تتعلم على حساب الفرنجا جابت ليهم العار !!! ومصر هنا فتحت أحضانها ليها عشان هيا لاجئة فلسطينية - من أم مصرية وأب من عرب فلسطين - راحت شهرت بيها في القنوات الفضائية والجرائد والمجلات العربية والأجنبية . !!!
الرد من نهى ...
كان الرفض لكل الاتهامات وأنها أخرجت فيلم وحيد عن التراث السوداني والمفاجأة ؟؟؟ الإعلان إن نجلاء الإمام عايزة تستغل قضيتها عشان الفرقعة الإعلامية رغم أنهم كانوا أصحاب ؟؟؟ - أصحاب ولا بيزنس بنظام ما شافهومش وهما بيسرقوا شافوهم وهما بيتقاسموا !!! يا مسهل - !!!!!!!!!!
مش كده وبس ...الموضوع أحلو الأستاذ الكبير نبيه الوحش ... كان ليه باع في هذا الموضوع وأدلى بدلوه وكشف فرقيعة اللغز ... البنت إسرائيلية ...!!!!!!! ؟؟؟؟؟؟؟؟؟؟
المفروض بقه هنا نعمل إيه ...
* نطلع على شريف نحمله على الأعناق ونناصره ونقول له برافو يا عم حاربت الصهيونية !!! ؟؟؟ رجعت أمجاد أكتوبر يا شديد !!!
* و لا ... نطلع على الجهات الأمنية العليا قوي في مصر – ببع البلد - ونقولهم كنتم فين يا أخونا وسمعة مصر بتتبهدل في العالم كله على يد العدوة المزعومة ليه ما أكتشفتوش جنسيتها و نيتها !!!؟؟؟ - أخ ما فيش فايدة فيا - .
* ولا نطلع على نهى نقولها يا شقية أنتي عميلة يهودية عملتي عملتك في فرنسا وبهدلتي الضابط ... وفرنسا اشترتك وكتمتك بالتعويض وكفت على الخبر ماجور وجيتي لنا هنا مسنودة وأخدتي أول سبق قضائي للحفاظ على حقوق المرأة .
آه يا ربي ؟؟؟ !!!
بجد دي مهزلة أنا مش عارفة أقول عنها إيه ؟؟؟
لما سرحت بفكري في مقالي الأول ... كنت فاكرة أن الموضوع هيتحول أن البنت تشتهر في مصر وتستفاد من اللي حصل وتتهافت عليها السينما وتبقى المخرج الرسمي لجمهورية مصر العربية - حفظها الله لنا وأدامها حرة وسمعتها نضيفه - لكن السيناريو الجديد دا فله !!!
عموما عشان ما طولش عليكم وعشان الموضوع مش محتاج كلام أكتر من كده
نهى ممكن بكرة يطلع اسمها الحقيقي راشيل من إسرائيل أو انريكا من روسيا أو ساندي من أمريكا أو أي أسم من أي بلد عايزة تقضي على سمعتنا - من وجهة نظر نظرية المؤامرة واللي بتعتقد أن مصر مستهدفه وأن كل الخلق سايبين اللي وراهم ومركزين على مصر بس عشان يبهدلوها ...
عشان كده أنا عندي كلمتين وأجري على الله أنا مش باكل من جيب حد ...
• أي بنوته ليها الحق في احترام كرامتها وخصوصيتها وعدم التعدي عليها بالقول أو بالفعل أو بشريف رجب عشان كده مش مهم أسمها ولا دينها ولا لونها ولا جنسيتها المهم أنها تتنصف دا اقل حق ليها ...
• أما عن سمعة مصر فمصر مش محتاجة غير إنها تحب ولادها وتعطف عليهم وولادها يحبوها ويخافوا على بعض وعليها ...
• أما عن شريف رجب هو وكل الشباب اللي واخدين البنات لعبه أو تسلية أو تنفيس لفشلهم ولفراغهم ولفقر قلوبهم من المحبة ولظلم الدنيا ليهم ... دول بقه ربنا يقدر يغيرهم ويجدد قلوبهم ويكون هو هدف حياتهم في البداية والنهاية ربنا موجود . كليوباترا عاشقة الوطن
#مريم_الصايغ (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
البنات مش للبيع يا عم الحج
-
ياريتني ما خرجت من باب الدار
-
همسات عاشق
-
حديث الصمت
-
أشحن بثالوث الطاقة ونشط فريق المناعة
-
عازف السمسمية
المزيد.....
-
ما هي شروط التسجيل في منحة المرأة الماكثة بالمنزل ورابط التق
...
-
باحث اجتماعي ينبذ الزواج خارج المحاكم ويؤكد: ضياع لحقوق المر
...
-
قابلت/ي الصاحب/ة اللي نص كلامه مش مفهوم؟ #الحب_ثقافة 10 سنين
...
-
معلومات بالعربي ومجانًا
-
لاعب هولندي مدان بالاغتصاب يفكر بالاعتزال بسبب جماعات حقوق ا
...
-
بغياب النساء وتجاهل معاناة الشعب: طالبان تحتفل بالذكرى الثال
...
-
” بالرابط المباشر والخطوات” .. طريقة التسجيل في منحة المرأة
...
-
ثلاث سنوات من حكم طالبان ونضال النساء الأفغانيات مستمر
-
أفغانستان: غياب الأمن وتراجع الاقتصاد وتدهور أوضاع النساء...
...
-
الحكومة الجزائرية توضح شروط منحة المرأة الماكثة الجزائر 2024
...
المزيد.....
-
الساحرات، القابلات والممرضات: تاريخ المعالِجات
/ بربارة أيرينريش
-
المرأة الإفريقية والآسيوية وتحديات العصر الرقمي
/ ابراهيم محمد جبريل
-
بعد عقدين من التغيير.. المرأة أسيرة السلطة ألذكورية
/ حنان سالم
-
قرنٌ على ميلاد النسوية في العراق: وكأننا في أول الطريق
/ بلسم مصطفى
-
مشاركة النساء والفتيات في الشأن العام دراسة إستطلاعية
/ رابطة المرأة العراقية
-
اضطهاد النساء مقاربة نقدية
/ رضا الظاهر
-
تأثير جائحة كورونا في الواقع الاقتصادي والاجتماعي والنفسي لل
...
/ رابطة المرأة العراقية
-
وضع النساء في منطقتنا وآفاق التحرر، المنظور الماركسي ضد المن
...
/ أنس رحيمي
-
الطريق الطويل نحو التحرّر: الأرشفة وصناعة التاريخ ومكانة الم
...
/ سلمى وجيران
-
المخيال النسوي المعادي للاستعمار: نضالات الماضي ومآلات المست
...
/ ألينا ساجد
المزيد.....
|