سليمان الزهيرى
الحوار المتمدن-العدد: 2404 - 2008 / 9 / 14 - 06:21
المحور:
الادب والفن
امن الدوله
انت ياراجل وانتى يا ست
امن الدوله هجم ع النت
امن الدوله بتاع الدوله
بقى شغال على ودنه علوله
واخد الشعب دا كله مقاوله
وتهمه تخلى العقل يشت
امن الدوله هجم ع النت
"""""
امن الدوله يقلل خيره
بقى بيبيع للسلطه ضميره
حاشر ويا الناس مناخيره
والتقارير بتقول بيفت
امن الدوله هجم ع النت
""""""
امن الدوله الناس بتخافه
اصل دا سيف فى ايدين سيافه
واللى يخالفه ويمشى خلافه
يبقى اكيد على طول بيلت
امن الدوله هجم ع النت
""""""
امن الدوله ف كل خرابه
واخد الامر كانه حرابه
اصل الناس ف بلادنا غلابه
وبتدارى من اللى يهت
امن الدوله هجم ع النت
""""""
امن الدوله اللى بيحمينا
واللى اكيد متحكم فينا
بقى شغال عند افندينا
وبيرسموا مع بعض التت
امن الدوله هجم ع النت
""""""""
#سليمان_الزهيرى (هاشتاغ)
كيف تدعم-ين الحوار المتمدن واليسار والعلمانية
على الانترنت؟