رحيم الغالبي
الحوار المتمدن-العدد: 2399 - 2008 / 9 / 9 - 00:51
المحور:
الادب والفن
حبك بطول الوطن
انه انرسم خارطة
اتفصل بطولك مدن
كد القهر والحزن
كد المحبة انرسم
كد الفرح بالنهر
للجرف من يبتسم
انت حمامة سلم
فيرو ز غنت الك
بأول صبح..وألندى
طيرة انت ماتنلزم
تاريخ ألك ينحني
من العدو ما تنهزم
لعين الوطن..
كلش صلب ...قدمت
..بالمشنقة وتبتسم
صح اعثرت مهرتك
والعثرة طبع الزلم
تعثر وتنهض رغم
حقد الزمن.. والوكت
بوسة عله كد السمه
بوسة اعلة هيجي اسم
بوسة اعله كد الوطن
بوسة اعله رغم الالم
او ناس
..ماتفتهم
انته شعار الوطن
انته حمامة فرح
طارت
..تحط للسلم
#رحيم_الغالبي (هاشتاغ)
كيف تدعم-ين الحوار المتمدن واليسار والعلمانية
على الانترنت؟