الله يرحمك يا سعاد

جورج المصري

الحوار المتمدن-العدد: 2254 - 2008 / 4 / 17 - 09:15
المحور: كتابات ساخرة
    

بعد غيبة طويلة اختيارية قولت أروح اقراء الجرنال واشوف احوال الدنيا. واتاريني لما فتحت الشباك فتحته في يوم من أيام السنة اللي ما بيتكررش كثير ولقيت لونه بمبي .
أتنهدت وقلت الله يرحمك يا سعاد يوم ما غنيتي وأنتي بتطنطي علي السرير في غرفة نومك بعد ما رجعتي من الجامعة في فيلم "خلي بالك من زوز " وبتقولي الدنيا بقي لونها بمبي وأنا جنبك وانتي جنبي .
ياسلام يا جدعان صحيح المصريين غاويين نكد وغاويين وجع دماغ . لما فتحت الشباك لقيتها بمبي ومليانه يالبمبي وغرقانة في البمبي فكل حتة بمبي بمي بمبي .
أتفرج يا سلام علي أجمل ألوان ألبمبي .
مفيش عيش و الناس بتآكل جاتوه بمبي
مفيش رز جري ايه الناس بتآكل رز باللبن ألبمبي
مفيش هواء نظيف قال ياسلام ده حتى نظيف بمبي رئيس الوزارة
مفيش عدالة يا سلام يا سلام علي الافتري المحكمة العسكرية حكمت علي الأخوان بالسجن لغسيل الأموال والقيام بأعمال إرهابية ... غنيت وقلت بمبي بمبي بمبي . خرجوهم ورجعوا يلموهم ويقولوا بمبي بمبي بمبي .
اهة بصوا وشوفوا البمبي في كل حته ويا سلام عليكم يا شعب مفتري ده حتى لحم الحمير لونه بمبي ومن رخصة بقي الناس كلها سعيدة ومبسوطة وبتنهق وتقول بعد أكل الفول "ياريسنا يا بمبي بمبي بمبي داهية تاخدك وتبعدك من جنبي"

#جورج_المصري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات