عشگ بدوي

حسين جهيد الحافظ

الحوار المتمدن-العدد: 2232 - 2008 / 3 / 26 - 06:48
المحور: الادب والفن
    

آذار – 1995
عشگناكم عشگ بدوي
يضحي اِبروحه من يعشگ
وعلى طاري المحب روحه
تفيض وبالمحنه اِتطگ
يلن بيه الوفه سوله
ومن طبع الوفي يصدگ
ومن طبع اليريد الخير
لازم بالدرب يسبگ
واِحنه اِنريد نسبگم
- ولو بالموت -
نرضه وبالطبول اِندگ
يشعره اِبشارب الطيبين
غيره والوفه تدفگ
مته اِنشوف اِبسمه العشره
اِهلال العيد يمكم هل
ومته اِترد السوالف ذيچ
ويرد ذاك الحجي الأول
ومته الحنه
ترد الچف الاِمعرسين
وجفن الشوگ يتكحل
واِنردد أغاني الحب
شوگ اِبشوگ نتأمل
يحلوين الوكت
من غير جيتكم
ظلام وليل لو چلچل
گمر واِنجوم جيتكم
تطش والليل يتبدل
نهار وكل حزن بالروح
فرحه اِبفرحه يتحول
ويرد بيرغ محبتنه
محنه وبالوفه يخفگ
وأزامط بيه شمس الكون
خلهه اِتغيب لو تشرگ
يخصهه اِتغيب
....... لو تشرگگگ

#حسين_جهيد_الحافظ (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات