استغاثة ابليس ضد الحكومة والشعب المصرى

جاك عطاللة

الحوار المتمدن-العدد: 2174 - 2008 / 1 / 28 - 08:50
المحور: الادب والفن
    

ساعدو ابليس ينوبكو ثواب
12 طوبة 1724 للشهداء - 21 يناير 2008 ميلادية
وصلتنى هذه الاستغاثة على لسان ابليس عن طريق احد اصدقائه على الايميل و رجانى صديق ابليس ان احاول نشر استغاثة ابليس من حكومة مصر وشعب مصر ويخبرنى انه يحاول الهجرة لاى بلد اخر يساعده على تادية واجبه المنوط به شرعا .

وها انا احاول مساعدة ابليس على الطفشان والهجرة لعل حالنا يتصلح بدونه وحاله ينصلح بدوننا
----------------------------------
المصريين عملوا ايه فى ابليس ؟؟؟؟؟؟؟
على باب سفارة كندا
..لمحت ابليس و ف ايده استماره
..بقول له على فين
..قاللي بص
..يا هجره يا اعاره
..يا عم زهقت كفرت
..الاقيش معاك سيجاره
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه
...و برضه مفيش فايده

#جاك_عطاللة (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات