التاريخ الدموي للأحلام

نهى محمود

الحوار المتمدن-العدد: 1960 - 2007 / 6 / 28 - 06:15
المحور: الادب والفن
    

امبارح حصل حاجة جميلة ومهمه اوي في الشغل " حلم من أحلامي العظيمة اتحقق"
كنت ميتة من العياط كلمت كل الناس اللي بحبهم في اللحظة دي
وجه في بالي لو ينفع اكلم ماما في التليفون اترمي طيب في حضنها الواسع الطيب
لما رجعت الجريدة كملت عياط في حضن منال
شكلي كان زي العيال الصغيرة العياط كان خانقني

زعلت من نفسي اوي لاني كنت متفقة معايا المرة الجايةلما تحصل لي حاجة كويسه افرح بجد افرح من غير دمعة واحدة بس معرفتش

قعدت افكر كمان قد ايه الاحلام الغالية علينا بتاخد سنين بتسحل في طريقها أيام ومشاعر وجهد وشغل ووجع قلب وقلق
قد ايه يوم ما تتحقق بنكون محتاجين نقسمها مع كل اللي شركونا التعب ده
,
الغريب اني من امبارح متغيره
حاسه اني كبرت 50 سنة
حاسه اني هادية هدوء شجي
كأن الفرحة المطلقة عمرها ما هتحصل ..كأننا كبرنا كفاية علشان نشوف الحياة على حقيقتها
الحياة تاجر شاطر أوي بيسلفنا اللي عايزينه مقابل انه ياخد حته من لحمنا وبشرط من غير نقطة دم واحدة
مقايضة مستحيلة ولأننا بنغلط غلطة فاوست بنوقع على الوثيقة الدموية دي

نهى محمود
كاتبة من مصر

#نهى_محمود (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات