خسارات

رياض الركابي

الحوار المتمدن-العدد: 1952 - 2007 / 6 / 20 - 05:15
المحور: الادب والفن
    

اشباقي من العمر شي ينفرح بي
ويرسم طيف ضحكة ابشفة الاحزان
گبل لون التعب واحد او معروف
هسه الضيم اجانه اشكال والوان
كصه بينه الزمن روج او گصه اجروف
او مثل دهله صفينه ابحضن نهران
من لب الگلب يثلم بالعزاز
او يعلگهم قطع سود اعله حيطان
غشاوة عين كون اتروح ونشوف
وبعد العين مانحتاج برهان
ابفلم هذا الوطن منهو انذبح شاة
او منو الثوبه نظيف او منو الشيطان
مركونين عالرف سلع للبيع
نهرين او شعب .. والوطن دكان
نحلم بالجرف .. بس وين الجروف
زمن نوح انتهى والجانه طوفان
كافي امن الحلم مانحلم انوب
اليدمن عالحلم .. يكضيها خدران
الحكمة اتگول .. وگفه اتموت الاشجار
لچن ذلة التعب بوجوه الاغصان
او شتان الغمد مايشبه السيف
للسيف الفخر والغمد سجان
وكت صاير غمد واحلامنه اسيوف
او جيب اللي يسل .. مو كان من كان
الموت امن العطش بالصحرا معقول
الجريمة ابنص جرف ويموت عطشان
شنو الحكمة حطب نجمع من الصيف
او يمر ليل الشتا واحدنه بردان
صفگنه .. او هتفنه .. او عيش ماعيش
او گلنه ابين امس واليوم شتان
او مر طعم الحقيقة .. ونخجل انكول ..
الخسر وكت الصنم .. هم باقي خسران

#رياض_الركابي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات